Rm 8:9 - Testamente Ledrimpswha ni Mapsalma

⁹ Ke, n'wine swoswi an'wihanyi nyameni, kambe n'wihanya Moyeni, loko hakunene n'wini Moya wa Xikwembu Nkulukumba. Loko mhunu ange na Moya wa Kriste, ahi wa Kriste.

Rm 8:9 Iomraidhean Croise

Lk 11:13

Nambi n'wine n'wingalava vamfani n'wiswikotaka a kuhanana a vanenu leswi swinene, angopfu Tatana lweyi wa le Tilweni atanyika a Moya wakuxwenga ku lava vakombelaka ku yene!

Yohana 14:17

wunga Moya wa xihlayelamfuri, lowu a misava mihlulekaka kuwuyamukela, hikusa amiwuvoni, amiwutivi; kambe n'wine n'wawutiva, hikuva wutrhama na n'wine, kutani wutava ndreni kwenu.

Yohana 14:23

Loko mhunu anirandra, atabekisa ritu dranga, kutani Tatana wanga atamurandra, hitata ku yene, hitrhama na yene.

Yohana 3:34

Lweyi arumiwiki hi Xikwembu Nkulukumba, ahlaya maritu ya Xikwembu Nkulukumba, hikusa Xikwembu Nkulukumba amunyiki Moya kunge ha mpimu.

Yohana 3:6

Leswi swipswaliwaka hi nyama i nyama; kambe leswi pswaliwaka hi moya i moya.

Mintiro Ya Vapostola 16:7

vatlhasa tikweni dra le Misiya, vadringisa kuya Bitiniya, kambe a Moya wa Yesu awuvapfumelelanga.

Rm 7:5

Hikusa loko a haha hanya hi swa nyama, nikunavela ka xidoho, loko ku kumaka ntamu hi nawu, afa switira a mirini yeru akuva hibeka mihandru ya swidoho.

Rm 8:1

Kambe swoswi akehena kuyavanyisiwa ku lava vanga ku Yesu Kriste.

Rm 8:11

Hakunene loko n'wili ni Moya wa lweyi angapfuxa Yesu aku feni, yelweyi kunene a pfuxiki Kriste Yesu aku feni atahanyisa miri yenu leyi mi faka, hinkonta ya Moya wakwe lowu trhamaka ku n'wine.

Rm 8:2

Hiswoswo a nawu wa Moya wa vutomi, ku Yesu Kriste, wu kuntrhunxi ku nawu wa xidoho ni wa lifu.

I Kor 15:23

Kambe mun'wana-ni-mun'wana, hi nkama wakwe: Hi kusungula, Kriste swanga xirangana; hi kulandra, lava vanga va ka Kriste akubuyeni vakwe.

I Kor 3:16

Xana an'wiswitivi leswaku n'wi Tempele dra Xikwembu Nkulukumba, ni leswaku a Moya wa Xikwembu Nkulukumba wutrhama amakari kwenu?

I Kor 6:17

Kasi lweyi atipatraka ni Hosi, atava moya mun'we ni Hosi.

I Kor 6:19

Kumbe xana an'wiswitivi leswaku a miri wenu i tempele dra Moya wa Kuxwenga, lowu wunga ku n'wine, lowu wupfaka hi le ku Xikwembu Nkulukumba, ni leswaku n'wine an'witilumbi, xana?

II Kor 10:7

N'wine n'wilavisisa swa le handle, loko mhunu atidumba leswaku i wa Kriste, aatlhele atiyanakanya leswaku, swanga hileswi yene anga wa Kriste, na hine hiva Kriste.

II Kor 6:16

Kuni ntlhanganu muni amakari ka yindlu ya Xikwembu Nkulukumba ni swikwembu swakuka ndlela xana? Hileswaku hine hi tiyindlu ta Xikwembu Nkulukumba lweyi a hanyaka, swanga hi kuhlaya kwake: ni ta yaka makari kwavu ni famba na vone. Nitava Xikwembu Nkulukumba wavu vone va tava tiko dranga.

Gl 4:6

Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Gl 5:24

Kambe avaka Kriste Yesu va vambi nyama ni kurandra ni kunavela ka yone.

Ef 1:13

Ku lweyi nakone, antrhaku kakuva n'wiyingeli Ritu dra Xihlayelamfuri, a Ivangeli ya huluko drenu, loko na kone n'wipfumelile, n'wifungiwile hi Moya wa Kuxwenga, lowu angawudumbisa.

Ef 2:22

Ha Kriste, mfuri na n'wine n'wiyentxa xiyenge xa yindlu leyo, leyinga yindlu lomu Xikwembu Nkulukumba atrhamaka kone hi Moya wakwe.

Ef 3:17

Nakone ni kombela ku Xikwembu Nkulukumba akuva Kriste atrhamisa atimbilwini tenu hi kupfumela, ni kuva n'wisimekiwa swinene n'witrhukutrhela alirandrwini,

Va-le-Filipiya 1:19

Hikusa nini kudumba mfuri, leswaku, hi swikhongoto swenu, ni hikupfuniwa loku kupfaka ku Moya wa Yesu Kriste, swita ni pfuxela kuhuluka.

II Tmt 1:14

Leswi swinene leswi swibekiwiki ku wene, swibekise hi Moya wa Kuxwenga lowu trhamaka ndreni kweru.

I Ptr 1:11

na vadjulisisa kutiva leswaku atava wini kumbe wa kuyini a nkama lowu a Moya wa Kriste, lowu afaka wuli ku vone wukongometa wone, na wutiyisa hi tlhelo dra tinxanisa leti afaka tikongoma Kriste, ni kuphatima loku afaka kutalandrela, ntrhaku ka leswo.

I Yhn 3:24

Lweyi abekisaka swileleto swake atrhama ku Xikwembu Nkulukumba, kutani Xikwembu Nkulukumba ku yene. Hiswoswo ha switivisa leswaku Yene atrhami ku hine hi Moya lowu hi nyikiki.

I Yhn 4:13

Xileswo hitiva leswaku hi trhami ku Yene, na Yene atrhami ku hine, hi leswi: ahinyiki Moya wakwe.

I Yhn 4:4

Vana vanga, n'wine n'wiva Xikwembu Nkulukumba, kutani mihluli vaprofeta va madrimi, hikusa lweyi atrhamaka ku n'wine i nkulu kutlula lweyi anga misaveni.

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.

Mpfuletelo 20:15

Kutani lweyi afaka kunga traliwanga vito drakwe abukwini dra vutomi, atxukumetiwi ativeni dra ndrilo.