Rm 8:7 - Testamente Ledrimpswha ni Mapsalma

⁷ Hikolahu, akuyanakanya ka nyama ku nyenyana ni Xikwembu Nkulukumba, hikusa akuyingiseti a nawu wa Xikwembu Nkulukumba, mfuri akukoti kuyentxa.

Rm 8:7 Iomraidhean Croise

Mt 12:34

Lixaka dra swipswhahla! N'wingaswikotisa kuyini akuhlaya mintxhumu leminene, kasi n'wine ha vuswenu n'wi vabihi? Hikusa mun'wana-ni-mun'wana, akhanela leswi anganaswu ambilwini.

Mt 5:19

Hileswo-ke lweyi atakatlula, nambi wa kuva mun'we ntsena wa milawu leyi mitrongo ni kudondrisa vambeni a kuyentxa swoswo, atahlayiwa lweyi ntrongo a Mfun'wini wa Matilo. Kambe lweyi atakan'wibekisa ni kun'widondrisa, atahlayiwa lwenkulu a Mfun'wini wa Matilo.

Yohana 7:7

A misava mingaka mingan'wivengi, kambe mine manivenga, hikusa nitiyisa vumboni bya leswaku mintiro ya yone mibihile.

Rm 1:28

Na swone leswi vatrikiki kutiva Xikwembu Nkulukumba, xiswoswo Xikwembu Nkulukumba avanyikeli avutlharini bya kuhomboloka, akuva vayentxa leswi faka swingafanekeli.

Rm 1:30

Vahlevi ni valumbeti, ni vavengi va Xikwembu Nkulukumba, vakulebya, vatikulisi, vatikukumuxi, vatisi va madrimi ni lava kuka vangayingeli vapswali.

Rm 3:31

Hi helisa a nawu hi kupfumela? Aswitanu, na swone ha wutiyisa a nawu.

Rm 5:10

Hikuva loko hi tlhanganisiwile ni Xikwembu Nkulukumba, hi kufa ka n'wana wakwe, na kasi afa hili valala, ngopfu swoswi hita huluxiwa hi vutomi byake, leswi hitlhanganisiwiki kutani.

Rm 7:22

Hikusa, hi mhunu lweyi angandreni kwanga, ninyoxela kulandra a nawu wa Xikwembu Nkulukumba,

Rm 8:4

Akuva a kululama ka nawu kuhetiseka ku hine hinga fambikiki hi nyama, kambe hi fambaka hi Moya.

I Kor 2:14

Kambe a mhunu lweyi angaliki wa Moya, angayamukeli leswi swinga swa Moya wa Xikwembu Nkulukumba, hikusa ku yene i vusinge, na kone angaswikoti a kuswiyingelisisa hikusa swiyanakanyiwa hi mayanakanyela ya moya.

I Kor 9:21

Ku lava vangalikina nawu, nivi swanga hi lweyi angalikina nawu, nambi leswi mine ningaliki wa kukala nawu wa Xikwembu Nkulukumba, hikuva nini nawu wa Kriste, akuva nikuma lava vangalikina nawu;

Va-le-Kolosa 1:21

Nakone na n'wine, afaka a khale n'wingativiwi, n'wili valala vakwe amayentxeleni yenu, hinkonta ya mintiro yenu ya kubiha.

Va-le-Kolosa 2:18

N'wingatitriki, n'wiwutleliwa a hakelo hi vhanu lava tiyentxaka valandreleli kambe na vakhisamelaka ntrumi. A vhanu lavo vakaneta mintxhumu leyi vangiki mivona na vatitata hi kutikulisa hi miyanakanyu ya ntshima ya lirandru dravu.

II Tmt 3:4

avawongi, avahlundruki, lava vatikukumuxaka, lava varandraka kutitrhavisa vangarandrikiki Xikwembu Nkulukumba,

Va-Heberu 8:10

Hikusa lexi i xipfumelelanu lexi ni taka xiyentxa ni tiko dra Israyele ntrhaku ka masiku lawo, kuhlaya Hosi: Nita beka milawu yanga miyanakanywini yavu, na kone nita mitrala ni le timbilwini tavu. Nita va Xikwembu Nkulukumba wavu, na vone vatava tiko dranga.

Yakobe 4:4

Vhanu lava vangadumbekikiki! An'wiswitivi leswaku avunakulobye ni misava i vunala ku Xikwembu Nkulukumba xana? Hileswo-ke, loko mhunu arandra kuva nakulobye wa misava, atiyentxa nala ku Xikwembu Nkulukumba.

II Ptr 2:14

Amahlu yavu matali hi vuwoswi lawa mangatrikiki kudoha, vareya mimoya leyi mingatiyangakiki vani timbilu leti titaliki hikurandra vufuyi. I vhanu lava varuketeliwiki.