Rm 8:39 - Testamente Ledrimpswha ni Mapsalma

³⁹ nambi swakuva swa mintamu leyi mitlakukiki, nambi swakuva leswi swiyetiki. Akuna ntxhumu nambi ni mhunu lweyi a nga kotaka kuhi travukanyisa ni lirandru dra Xikwembu Nkulukumba, ahinyikiki ku dri tiva hi Hosi yeru Yesu Kriste.

Rm 8:39 Iomraidhean Croise

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Yohana 16:27

hikuva Tatana hi ntshima yake awan'wirandra hinkwenu hi leswi n'wine n'winirandriki, n'wiva n'wipfumela leswaku nipfi ku Xikwembu Nkulukumba.

Yohana 17:26

Nivativisi vito draku, nahatavativisa, akuva lirandru ledri unirandriki ha drone, driva ku vone, na mine niva ku vone.

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Rm 1:7

Nitralela n'wine hinkwenu, Xikwembu Nkulukumba an'wirandriki, an'wivitaniki a kuhanyela Yene. Ingi Xikwembu Nkulukumba, Tatana weru, na Yesu Kriste Hosi yeru vangan'winyika timpswalu ni kurula.

Rm 11:33

Ahikukula ka vukosi bya Xikwembu Nkulukumba ni vutivi ni vutlhari byake! I mani angaswikotaka kutlhamuxela makungu yake ni kuyingelisisa tindlela ta xone!

Rm 5:8

Kambe Xikwembu Nkulukumba akombisa lirandru drakwe ku hine, hi leswi Kriste ahifeliki, na hahali vadohi.

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

Rm 8:1

Kambe swoswi akehena kuyavanyisiwa ku lava vanga ku Yesu Kriste.

Rm 8:35

Hi mani lweyi ataka hitravukanisa ni lirandru dra Kriste? Nhlomulo, kunonon'hweliwa, kuxanisiwa, ndlala, vusweti, timhangu, a lifu?

II Kor 11:3

Kambe ni txhava leswaku, swanga Eva lweyi angakanganyisiwa hi madrimi ya nyoka na n'wine a miyanakanyu yenu mingatxhuka mihoniwa, mitrika vunene ni kubasa leswi swiyisaka ku Kriste.

II Kor 2:11

Akuva Sathana anga ti londrovota ha hine, hikusa ha mativa swinene a makungu yake.

Ef 1:4

Swanga hileswi ahi langiki na misava mingasinava kone, akuva hiva vaxwengi, hili lava vangeke na xidoho mahlweni kwake, ni le lirandrwini drakwe.

Va-le-Filipiya 3:12

Anihlayi leswaku nitava nitlhasi avugan'wini, kumbe leswaku, nihetisekile, kambe nahaya mahlweni akuva nikuma leswi na mine afaka nikhomiwile hinkonta ya Kriste Yesu.

Va-le-Filipiya 3:3

Hikusa aku soka hi hine, lava vatirela Xikwembu Nkulukumba hi Moya, na hi tikulisa ku Yesu Kriste, na hinga dumbi a nyama.

Va-le-Filipiya 3:8

Mfuri, nihlaya hinkwaswu leswaku i swakuka ndlela, hinkonta ya vutivi lebyi byitlakukiki ngopfu bya Hosi yanga, Kriste Yesu, hikola kwake nilahlekeliwi hi hinkwaswu, niva ni swifananisa ni swanga xambya, akuva nitakota kukuma Kriste,

II Tsl 2:4

Hi lweyi a lwisanaka ni mintxhumu hinkwayu, ni kutibeka henhla ka hinkwaswu leswi a vhanu vaswihlayaka swa vukwembu, kumbe swakubasiseliwa Xikwembu Nkulukumba. Atatlhasela kufuma Yindlu ya Xikwembu Nkulukumba, atikombisa habyake swanga Xikwembu Nkulukumba.

I Yhn 4:16

Na hine haswitiva, mfuri ha pfumela alirandro ledri Xikwembu Nkulukumba anganadrone ha hine: Xikwembu Nkulukumba i lirandru, kutani lweyi atrhamaka alirandrwini atrhami ku Xikwembu Nkulukumba, na Yene Xikwembu Nkulukumba trhami ku yene.

I Yhn 4:19

Hine hini lirandru hileswi Yene ahirandriki kusunguleni.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mpfuletelo 13:14

Xikanganyisa lava yakiki misaveni hinkonta ya swikombiso leswi xinyikiwiki kuswitira mahlweni ka xihari xa kulebya, xibyela vayaki va misava yentxa xifaniso xa xihari xa kulebya lexi xinga tlhabyiwa hi tlhari, kutani xihanyiki.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Mpfuletelo 2:24

Kambe swoswi nili ku n'wine, ni ku van'wana a Tiyatira, hinkwavu lava vangaliki ni dondro leyo, lava vangativiki a mintxhumu ya vuyentelelo ya Sathana, kufana ni leswi valiki: Anin'wirwexi ntrhwalu wumbeni,

Mpfuletelo 20:3

Kolahu a ntrumi yimutxukumetela kheleni drakuyeta, kutani yimupfalela, yibeka xifungu henhla kwake, akuva angaha kanganyisi matiko, kuko kuhela khume dra madzana ya malembe (1000). Ntrhaku ka swone ata fanela kuntrhunxiwa hi nkamanyana.

Mpfuletelo 20:7

Loko kuheli khume dra madzana (1000) ya malembe, Sathana ata ntrhunxiwa abohelweni drakwe.