Rm 8:3 - Testamente Ledrimpswha ni Mapsalma

³ Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

Rm 8:3 Iomraidhean Croise

Marka 15:27

Kutani vavambi kun'we na Yene a tinsulavoya tibiri, yin'we axineneni xakwe, yin'wana aximantrhini. [

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Yohana 9:24

Vatlhela nangweso vavitana mhunu lweyi afaka ali wa kufa mahlu, vaku ku yene: Twalisa Xikwembu Nkulukumba! Hine haswitiva leswaku a mhunu lweyo i mudohi.

Mintiro Ya Vapostola 13:39

Na swone, hikola ka Yene, mani na mani lweyi apfumelaka akuma kuhlayiwa mululami ku hinkwaswu leswi n'wine afaka n'wihluleka kukuma kuhlayiwa valulami hikola ka nawu wa Moxe.

Rm 3:20

Hileswo-ke, akuna mhunu lweyi atakahlayiwa mululami amahlweni ka Xikwembu Nkulukumba hikola ka nawu, Hikusa hi nawu kutibyiwa swidoho.

Rm 6:6

Haswitiva leswaku leswi afaka hilixiswone hine kusunguleni swifile na Kriste axihambanwini, akuva kuhelisiwa leswi ku hine afaka kuni kubiha akuva hinga havi swikarawa swa xihono,

Rm 7:18

Hikusa naswitiva leswaku a vunene abyi trhamanga ku mine, nidjula kuhlaya leswaku antumbulukwini wanga. Nambi nini kunavela ka kuyentxa leswi swinene, aniswikoti leswo.

Rm 8:32

Yene lweyi angatretrelelangakiki a N'wana wakwe, kambe ahinyiketi yene hinkweru, xana angaka angahihanani hinkwaswu kun'we ni N'wana wakwe?

Rm 9:3

Mine mfuri afa ninavela akuva lweyi aruketeliwiki, nitravukanisiwa na Kriste, hinkonta ya vamakweru ni maxaka yanga, hi nyama.

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Gl 3:13

Kriste ahintrhunxi kuruketeliweni ka nawu, yene atiyentxi xiruku hinkonta yeru, hikusa a Matralwa mali: Kuruketeliwi mani na mani lweyi a hayekiwiki mhandreni,

Gl 3:21

Xana-ke, a nawu wu yalana ni swidumbiso swa Xikwembu Nkulukumba? Swingatxhuki swiva tanu! Hikusa loko afa a nawu wunyikiwi ntamu wa kuhanyisa, kunene akululama afa kuta huma a nawini.

Va-le-Filipiya 2:7

Kambe ali kutitxhulula ateka xiyimu xa vunandra, atindruluta afana ni vhanu.

Va-Heberu 10:12

Kambe Yesu loko ahumexi mhamba yin'we ntsena hinkonta ya swihono hi laha kungahelikiki, ali kuya trhamisa avokweni dra xinene dra Xikwembu Nkulukumba.

Va-Heberu 10:14

Hikusa ha mhamba yin'we e kuhetisisa hilaha kungahelikiki lava vahlawulekisiwiki.

Va-Heberu 2:14

Hi leswi-ke, a vana vaniyavelo drin'we dra ngati ni nyama, e kuyavelisiwa xiswoswo na Yene, akuva hi kufa kwake atahelisa lweyi afaka ani ntamu wa kufa, anga yene Diyavulosi.

Va-Heberu 2:17

Hileswo-ke afa swimufanelile kuyentxiwa lweyi a fanaka ni vamakwavu hi matlhelo hinkwawu, akuva avamuprista lwe nkulu, lweyi angani lirere ni kudumbeka amahlweni ya Xikwembu Nkulukumba, akuva abasisa swidoho swa vhanu.

Va-Heberu 4:15

Hikusa ahi na muprista lwenkulu, angaswikotikiki kuhitretrelela gome dreru, leswi angadringiwa na Yene ku hinkwaswu kufana na hine, kambe angana xidoho.

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.