Rm 8:2 - Testamente Ledrimpswha ni Mapsalma

² Hiswoswo a nawu wa Moya wa vutomi, ku Yesu Kriste, wu kuntrhunxi ku nawu wa xidoho ni wa lifu.

Rm 8:2 Iomraidhean Croise

Yohana 4:10

Yesu amuyangula aku: Loko afa utivi nyiko ya Xikwembu Nkulukumba ni leswaku i mani lweyi aliki nihanani ninwa, ana wene ukombeli ku yene, kutani yene afa atakunyika mati lawa mahanyaka

Yohana 4:14

Kambe mun'wana-ni-mun'wana lweyi anwaka mati lawa nitakamunyika wone, angaka angahatlheli atwa tora ni siku ni drin'we; kambe a mati lawa nitakamunyika wone, matava ku yene nhlovo ya mati lawa mapfelelaka, manyika vutomi lebyi byingahelikiki.

Yohana 6:63

A Moya hi wone wuhanyisaka, a handle ka wone a mhunu anganakuyentxa ntxhumu. A maritu lawa nin'wibyelaka wone, i Moya ni vutomi.

Yohana 8:32

Na swone n'witativa xihlayelamfuri, kutani a xihlayelamfuri xitan'wintrhunxa.

Yohana 8:36

Hikolahu ke, loko N'wana an'wintrhunxa n'witava lava vantrhunxiwiki ha kunene.

Rm 16:3

Nidrungulelani Presila na Akila, a vatirikulori ku Yesu Kriste.

Rm 3:27

Kukwini-ke akutikhensa xana? Kususiwile, xana kususiwile hi nawu lowu wakuyini? Wa mintiro xana? Im-him, kambe hi nawu wa kupfumela.

Rm 5:21

Akuva leswi, axidoho xifumiki a lifu, kambe na tone timpswalu ti kota kufuma hi kululama a vuton'wini lebyi byingahelikiki, hikola ka Yesu Kriste, a Hosi yeru.

Rm 6:14

Hikusa a xidoho xingahavi ni ntamu henhla kwenu; hikusa a mehe hansi ka nawu. Kambe atimpswalwini ta Xikwembu Nkulukumba.

Rm 6:18

Hikuva n'wintrhunxiwiki axidohweni, n'wiyentxiwi switiri swakululama.

Rm 6:22

Swoswi kutani n'wintrhunxekiki ku xidoho, n'windrulukiki n'wiva switiro swa Xikwembu Nkulukumba. N'wini handru wenu akuva n'wibasisiwa, akuva n'witava ni vutomi lebyi byingahelikiki.

Rm 7:21

Hikusa, loko nidjula kuyentxa leswi swinene, kambe nikuma nawu wa leswi swaku; a xidoho xitrhama ku mine.

Rm 7:23

kambe nivona leswaku amirini yanga kuni wun'wanyana nawu lowu wulwetanaka ni nawu wa vutlhari byanga. Hi swoleswo swiniyentxaka mubohiwa wa nawu wa xidoho lexi xinga mirini yanga.

Rm 7:4

Hiswoswo vamakweru, na n'wine n'wifile nawini hikola ka miri ya Kriste, akuva n'wiva ku mun'wana lweyi angapfuka akufeni, akuva hibekela Xikwembu Nkulukumba a mihandru.

Rm 8:1

Kambe swoswi akehena kuyavanyisiwa ku lava vanga ku Yesu Kriste.

I Kor 15:45

Nakone, swanga hi leswi kutraliwiki leswaku: A mhunu wa kusungula, Adamu ahambiwi ava hika ledri drihanyaka, kambe Adamu wa vugamu i moya, lowu wunyikaka vutomi.

II Kor 3:17

Ke, Hosi i Moya; kutani lomu a Moya wa Hosi wunga kone, kone kuni kuntrhunxeka.

II Kor 3:6

lweyi ahinyikiki ntamu wa kuva vatireli va xipfumelelanu lexi ximpswha, na inge xipfumelelanu xa nawu wa kutraliwa, kambe xa Moya; hikusa a nawu wa kutraliwa wadlaya, kambe a Moya wahanyisa.

Gl 2:19

Hikusa, mine hi nawu ni file ku nawu, akuva ni hanya kun'we na Xikwembu Nkulukumba.

Gl 5:1

Akuva hi ntrhunxeka, avi Kriste angahi ntrhunxa. Kolahu-ke, trhamani n'witiya, n'wingahatlheli n'witinhingenisela ku mpinga wa wukarawa.

Gl 6:2

Rwalelanani mintrhwalu yenu mun'wana-ni-mun'wana, n'wihetisisa xiswoswo a nawu wa Kriste.

Yakobe 1:25

Kambe lweyi ayingisetaka swinene Nawu lowu wa kululama, a nawu wa vuntrhunxeki, atiyisela ku wone, na ange muyingiseti wa kudrivala, kambe na ali muyentxi wa ntiro ni muyentxi wa ritu, lweyo atava ni ndjombo ku hinkwaswu leswi a swiyentxaka.

Mpfuletelo 11:11

A ntrhaku ka masiku mararu ni hafu ya siku, a moya wa vutomi, wupfaka hi le ku Xikwembu Nkulukumba, wunhingena ku timboni, tisekeleka tiyima, kutani a ntxhavu wukulu wuwela lava afaka vatihlalela.

Mpfuletelo 22:1

Kutani yini kombi nfula wa mati ya vutomi, lowu vangamaka swanga hi xivonivoni, na wu huma xiluvelweni xa Xikwembu Nkulukumba ni xa Hambana.