Rm 8:15 - Testamente Ledrimpswha ni Mapsalma

¹⁵ Hikusa an'wiyamukelanga Moya wa vukarawa, akuva n'wihanya na n'witxhava, kambe n'wiyamukeli a Moya wakuhlayiwa leswaku n'wi vana, lowu ha wone hi bandlukanaka: Abba, swidjulaka kuhlaya leswaku Tatana.

Rm 8:15 Iomraidhean Croise

Mt 25:25

hikutxhava, niyifihla a talanta draku amisaveni. Vona, hi ledri, drehe draku.

Marka 14:36

Afa aku: Abba, Tatana, ku Wene hinkwaswu swakoteka. Trhindreta a ntrheko lowu kule na mine. Kambe, kungayentxiwi a kurandra kwanga, kambe im'na, akuyentxiwi a kurandra kwaku.

Lk 11:2

Yesu aku ku vone: Loko n'wikhongota, hlayani n'wiku: Tatana a vito draku adrihlawuliwe. Awute a Mfumu waku.

Lk 22:42

Tatana, loko uswirandra, susa ntrheko lowu ku mine, kambe kunga yentxiwe kurandra kwanga, ake kuva kwaku. [

Lk 8:28

Loko avona Yesu, awa hi matrolo amahlweni kwake abandlukana aku: A mhaka yanga hi yini ku mine na wene Yesu, N'wana wa Xikwembu Nkulukumba wa le henhla-henhla! Nakukhongota, unganixanise!

Lk 8:37

A vhanu hinkwavu va tiko dra Gerasi vasungula kukhongota Yesu leswaku asuka lahaya, hikusa afa vatxhava ngopfu, xiswoswo Yesu anhingena abyatrhwini, afamba.

Yohana 16:8

Na yene kutaku loko atlhasile, atakholwisa misava leswaku xihono xikone, ni kululama kukone ni kuyavanyisa kukone.

Yohana 20:17

Yesu aku ku yene: Unganikhumbe, hikusa anisintlhantukela ku Tatana. Kambe famba ku vamakweru uyavabyela leswaku nintlhantukela ku Tatana wanga ni Tatana wenu, ku Xikwembu Nkulukumba wanga, ni Xikwembu Nkulukumba wenu.

Mintiro Ya Vapostola 16:29

Kolahu-ke a mulaviseli akombela mimotre, akahlula ayanhingena, asungula kururumela, akarama minengeni ya Pawulosi na Silasi.

Mintiro Ya Vapostola 2:37

Loko vayingela leswi, vatlhaviwa timbilu, kutani vavutisa Petrosi ni van'wana vapostola vaku: Vamakweru, Xana hifanela kuyentxa yini?

Rm 8:16

Hi wo Moya lowo wu dondrisaka a moya weru leswaku hine hi vana va Xikwembu Nkulukumba.

Rm 8:23

Ahi ntsena misava, kambe na hine lava hinga ni masungulo ya Moya, na hine haxaniseka ndreni kweru na hirindrela nkama wa kuyentxiwa vana, akuntrhunxeka ka miri yeru.

Rm 8:26

Hiswoleswo na wone Moya wa hipfunisa a gomeni dreru, hikusa ahitivi kukhongota hilaha swifaneliki, kambe a Moya hi ntshima wu hi kombelela hi minkonyo leyi mingeke na kutlhamuxeliwa.

Rm 9:4

Vone va lixaka dra Israyele, lava swivafaneliki akuva vahlayiwa vana vakwe, na kone mfuri akutwala, ni xipfumelelanu na vone, ni kuva nyika nawu, vugandreli bya kuhlawuleka ni swidumbiso;

I Kor 2:12

Nakone hine ahiyamukelanga moya wa misava leyi, kambe hiyamukeli a Moya wa Xikwembu Nkulukumba, akuva hitiva a mintxhumu leyi Xikwembu Nkulukumba ahinyikiki;

II Kor 11:4

Hikusa, loko kunene kutlhasa mun'we, arera Yesu mumbeni lweyi hingan'wibyelangakiki, kumbe n'wipfumela kuyamukela moya wakuhambana ni lowu n'wiwuyamukeliki, kumbe ni Ivangeli leyi hambanaka ni leyi n'wiyi yamukeliki, lweyo, n'wamuyamukela swinene.

Gl 2:4

leswo swavi hikola ka vamakweru va madrimi, afaka vanhingenile na hine hi kukanganyisa, akuva vata kambisisa avuntxhunxeki byeru lebyi hinga nabyu ku Yesu Kriste; akuva vahi yentxa nangweso swikarawa swa nawu.

Gl 5:1

Akuva hi ntrhunxeka, avi Kriste angahi ntrhunxa. Kolahu-ke, trhamani n'witiya, n'wingahatlheli n'witinhingenisela ku mpinga wa wukarawa.

Ef 1:5

Yene ahihlawuleli kuva vakwe, ni nikuhiyentxa vana vakwe ha Kriste, mayelana ni kurandra kwake.

II Tmt 1:7

Hikusa Xikwembu Nkulukumba angahinyikanga moya wa vutoya, kambe wakuva wa ntamu, ni lirandru ni vutlhari.

Va-Heberu 2:15

Nikuva atantrhunxa hinkwavu lava vabohiwiki, afaka vali hansi ka vukarawa a kuhanyeni kwavu hinkwaku, hinkonta ya kutxhava kufa.

Yakobe 2:19

Wene wa pfumela leswaku Xikwembu Nkulukumba i mun'we ntsena? I swinene! Kambe na wone mademoni mapfumela matlhela marurumela.

I Yhn 4:18

Alirandrwini akuna kutxhava, kambe alirandru dra xihlayelamfuri dritxukumeta kutxhava kule; kone avutoya byivanga kukhatisiwa, lweyi angani vutoya anga hetisekisiwanga lirandrwini.