Rm 7:4 - Testamente Ledrimpswha ni Mapsalma

⁴ Hiswoswo vamakweru, na n'wine n'wifile nawini hikola ka miri ya Kriste, akuva n'wiva ku mun'wana lweyi angapfuka akufeni, akuva hibekela Xikwembu Nkulukumba a mihandru.

Rm 7:4 Iomraidhean Croise

Mt 26:26

Vaku na vahada, Yesu ateka a kati adrikatekisa, akhemelela, anyika vadondrisiwa, aku ku vone: Tekani n'wida, leyi i miri yanga.

Marka 4:20

Kambe lava vabyaliwiki amisaveni leminene, hi lava vayingelaka a ritu dra Xikwembu Nkulukumba, vava vadriyamukela, vabeka mihandru, a nhleke yin'we makume mararu (30), yin'wana kambe ntlhanu wa makume na kume drin'we (60), yin'wana dzana (100).

Yohana 15:8

Tatana wanga atwalisiwa hi loko n'wibeka mihandru yakutala, akukombisa leswaku n'wi vadondrisiwa vanga.

Yohana 3:29

A n'winyi wa mutekiwa hi muteki. Kambe a n'winyi wa ndlela ayingiseta muteki, atrhava swinene hi kumuyingela. Kolahu-ke a kutrhava kwanga loku, swoswi kuhetisekile.

Yohana 6:51

Hi mine kati ledri drihanyaka ledri drixikiki hi le Tilweni; loko mhunu ada kati ledro atahanya hi la kungahelikiki, a kati ledri nitakanyika drone, i miri yanga; nin'winyika akuva n'wiva ni vutomi.

Rm 6:11

Hi ndlela yoleyo, tipimisani na n'wine lava feliki xidoho kambe n'wihanyela Xikwembu Nkulukumba hi kutlhanganasiwa na Yesu Kriste.

Rm 6:14

Hikusa a xidoho xingahavi ni ntamu henhla kwenu; hikusa a mehe hansi ka nawu. Kambe atimpswalwini ta Xikwembu Nkulukumba.

Rm 6:2

Swingatxhuki swiva tanu! Hinga hanyisa kuyini a xidohweni Hine lava ku Yene hi fiki?

Rm 6:22

Swoswi kutani n'wintrhunxekiki ku xidoho, n'windrulukiki n'wiva switiro swa Xikwembu Nkulukumba. N'wini handru wenu akuva n'wibasisiwa, akuva n'witava ni vutomi lebyi byingahelikiki.

Rm 7:3

Hikola ka leswo, yene ahlayiwa wa vumbuye, loko ava ni ntlhanganu ni mun'wana wanuna, loko aha hanya a nuna wakwe, Loko ke nuna a fa, a nsati atrhunxekile ku nawu, angaswikota kutekiwa hi mun'wana wanuna.

Rm 7:6

Kambe swoswi hintrhunxekile ku nawu, hifile ku lexi afaka xi hiyentxa swanga swikarawa. Xileswi, haswikota kutirela Xikwembu Nkulukumba hi ndlela leyimpswha, hi kulandra Moya, na kunge hi ndlela ya letela.

Rm 8:2

Hiswoswo a nawu wa Moya wa vutomi, ku Yesu Kriste, wu kuntrhunxi ku nawu wa xidoho ni wa lifu.

I Kor 10:16

Ke a ntrheko wa nkateko lowu hiwukhensaka, xana ahi kupatrana ni ngati ya Kriste xana? A kati ledri hikhemaka ahi kupatrana ni miri wa Kriste xana?

II Kor 11:2

Hikuva nan'wihisekela hi hisekelo dra Xikwembu Nkulukumba; hikusa ni n'wibekisile akuva nita n'wikombisa swanga wanhwanyana wa kukala angasina tiva wa nuna, lweyi a basiki, abuteliwaka nuna mun'we ntsena, inga Kriste.

Gl 3:13

Kriste ahintrhunxi kuruketeliweni ka nawu, yene atiyentxi xiruku hinkonta yeru, hikusa a Matralwa mali: Kuruketeliwi mani na mani lweyi a hayekiwiki mhandreni,

Gl 5:18

Kambe loko n'wifambisiwa hi Moya, an'wehe hansi ka nawu.

Ef 2:15

anyameni yavu, a helisi avulala, inga leswi swaku, a nawu wa swileleto swiyilayila swa wone ni swihila akuva hi tlhangana na yene, a va-Yuda ni lava ngeke va-Yuda hitakota kuyentxa vumhunu byimpswha, hi hanya hi kurula.

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Va-le-Filipiya 4:17

A hileswaku ni djula swihanano, kambe ni navela leswaku miyengeseliwa a mhandru hinkonta yenu.

Va-le-Kolosa 1:10

akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;

Va-le-Kolosa 1:22

Kambe swoswi an'witlhanganisile a mirini wakwe, hinkonta ya kufa kwake, akuva an'wiyisa amahlweni kwake na n'wili lava valulamiki, n'winkhenseka n'wingena nandru.

Va-le-Kolosa 1:6

yitlhasiki ku n'wine ni le misaveni hinkwayu; yibeka mihandru na mikula swanga hileswi swihumeleliki makari kwenu, kusukela ku siku ledri n'witiviki timpswalu ta Xikwembu Nkulukumba hi xihlayelamfuri.

Va-le-Kolosa 2:14

asusi a papela ledri afaka kutraliwi ku drone a nandru weru, ledri afaka drihiyavanyisa swanga hi kuramela ka nawu, adrisusi hinkwadru hi kumugongondrela axihambanwini,

Va-le-Kolosa 2:20

Loko n'wifile kun'we na Kriste, ni loko n'wihambanile ni ku swihila swa misava. Hayini n'witinyiketa ku minkhuva swanga va misava? A switsimbo swanga hi leswaku:

Va-Heberu 10:10

Hikusa akurandreni kwake koloko, hine ha xwengisiwile kan'we, hiku humexeliwa ka miri ya Yesu Kriste.

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

Mpfuletelo 19:7

Ahi trhaveni, hi trhavisisa niku munyika kutwala; hikusa kutlhasi nkama wa nkhuvu wa vukati bya Hambana, a mutekiwa wa yone a tibekisile.

Mpfuletelo 21:9

Kutani kuta yin'we ku tintrumi leti ta ntlhanu na tibiri, leti afaka tili ni mintrheko ya ntlhanu na yibiri avokweni, na yitali hi ntlhanu wa makhombo na mabiri ya vugamu, yiku ku mine: Tana halenu! Nitakukomba mutekiwa, a nsati wa Hambana.