Rm 7:24 - Testamente Ledrimpswha ni Mapsalma

²⁴ Nitihlaya mhunu wa khombo! Xana i mani lweyi ataka nintrhunxa mirini leyi miniyisaka kufeni?

Rm 7:24 Iomraidhean Croise

Mt 5:4

Vakatekile lava vadrilaka, hikusa vatamiyetiwa!

Mt 5:6

Vakatekile lava vangani ndlala ni tora dra leswi swakululama, hikusa vataxurisiwa!

Lk 4:18

A Moya wa Hosi wule henhla kwanga, hikusa yi nitotile, akuva nidrungulela swisiwana a Ivangeli, yi nirumi kuhuwelela kuntrhunxeka ku lava vabohiwiki, ni kubuyisela kuvona ku lava vakufa-mahlu, ni kuntrhunxa lava vaxanisiwaka;

Rm 6:6

Haswitiva leswaku leswi afaka hilixiswone hine kusunguleni swifile na Kriste axihambanwini, akuva kuhelisiwa leswi ku hine afaka kuni kubiha akuva hinga havi swikarawa swa xihono,

Rm 8:13

Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

Rm 8:2

Hiswoswo a nawu wa Moya wa vutomi, ku Yesu Kriste, wu kuntrhunxi ku nawu wa xidoho ni wa lifu.

Rm 8:23

Ahi ntsena misava, kambe na hine lava hinga ni masungulo ya Moya, na hine haxaniseka ndreni kweru na hirindrela nkama wa kuyentxiwa vana, akuntrhunxeka ka miri yeru.

Rm 8:26

Hiswoleswo na wone Moya wa hipfunisa a gomeni dreru, hikusa ahitivi kukhongota hilaha swifaneliki, kambe a Moya hi ntshima wu hi kombelela hi minkonyo leyi mingeke na kutlhamuxeliwa.

Va-le-Kolosa 2:11

Ku Yene mfuri n'wisokiwile, kunge kusokiwa loku yentxiwaka hi mavoko, kambe hi kusokiwa ka miri kunga ka Kriste, inga ku ntrhunxeka loko kungapfiki nyameni.

II Tmt 4:18

Hosi yita ni huluxa mintirweni hinkwayu leya kubiha, yi ni bekisa Mfun'wini wa yone wa le Matilweni. A kutwala a kuve ku yone hi minkama ni minkama. Amen.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-Heberu 2:15

Nikuva atantrhunxa hinkwavu lava vabohiwiki, afaka vali hansi ka vukarawa a kuhanyeni kwavu hinkwaku, hinkonta ya kutxhava kufa.

Mpfuletelo 21:4

Atavasula hinkwayu minyembeti amatihlweni yavu, kutani lifu dringahativa kone swimbeni, nambi nkosi, nambi kubongosa, nambi kuvavisa. Hinkwaswu leswi swinyamalalile.