Rm 6:13 - Testamente Ledrimpswha ni Mapsalma

¹³ N'winganyiketeni xidohweni swiro swamiri yenu swanga switiro swavubihi; kambe tinyiketani ku Xikwembu Nkulukumba, swanga hi vhanu lava vapfukaka kufeni, miri yenu ku Xikwembu Nkulukumba, swanga switiro swakululama.

Rm 6:13 Iomraidhean Croise

Lk 15:24

hikusa a n'wananga lweyi, afa afile, kutani awa hanya, afa lahlekile kutani akumiwile. Vahanga sungula kutrhava.

Lk 15:32

Kambe afa swifanela hi trhava ni kutlangela, hikusa a makwenu lweyi afa afile kutani ahanyile, afa lahlekile, kutani akumikile.

Yohana 5:24

Nihlayelamfuri nili ku n'wine, lweyi ayingelaka a ritu dranga, ava apfumela ku lweyi anirumiki, ani vutomi lebyi byingahelikiki, kutani angati kuyavanyisiweni, kambe ahumi kufeni anhingena vuton'wini.

Rm 1:29

Vataliki hi vusomboloki hinkwabyu, ni kunavela, ni vubihi, ni matrhoho, ni vudlayi, ni pfilumpfilu, ni madrimi, ni mona ni kuhleva.

Rm 12:1

Vamakweru, nan'witratriya kolahu hi lirandru dra Xikwembu Nkulukumba akuva n'witinyiketa ku yene swanga mhamba leyi ya kuhlawuleka ni leyi yitrhavisaka. Hi droledri gandrelo ledra ntshima ledri n'wifanekelaka ku munyika.

Rm 6:11

Hi ndlela yoleyo, tipimisani na n'wine lava feliki xidoho kambe n'wihanyela Xikwembu Nkulukumba hi kutlhanganasiwa na Yesu Kriste.

Rm 6:16

N'wine n'waswitiva leswaku, lweyi n'witinyiketaka ku yene swanga switiri akuva n'wimuyingiseta, ku yelweyo n'wimuyingisetaka n'wiswitiri swake, kumbe swa xidoho lexi xiyisaka ku feni, kumbe akuyingiseteni loko kutisaka kululama.

Rm 6:19

Nikhanela hi ndlela ya vumhunu hinkonta ya gome dra nyama yenu. Swanga hi leswi n'winyiketiki miri yenu akuva miva swikarawa swavusomboloki ni vubihi akutireleni ka swakubiha, Ke swoswi, nyiketani miri yenu akuva n'witirela vululami akuva n'wixwengisiwa

Rm 7:23

kambe nivona leswaku amirini yanga kuni wun'wanyana nawu lowu wulwetanaka ni nawu wa vutlhari byanga. Hi swoleswo swiniyentxaka mubohiwa wa nawu wa xidoho lexi xinga mirini yanga.

Rm 7:5

Hikusa loko a haha hanya hi swa nyama, nikunavela ka xidoho, loko ku kumaka ntamu hi nawu, afa switira a mirini yeru akuva hibeka mihandru ya swidoho.

I Kor 6:15

An'wiswitivi leswaku a miri yenu i swiro swa Kriste, xana? Xana ningateka a swiro swa Kriste niswiyentxa swiro swa lweyi wa vumbuye, xana? Swingatxhuki swiva tanu!

I Kor 6:20

Ke leswi n'wixaviwiki hi ntrengo wa kukari, hikolahu-ke, twalisani Xikwembu Nkulukumba hi miri wenu.

I Kor 6:9

Kumbe xana an'wiswitivi leswaku a vayentxi va vubihi vangatida a pfindla dra Mfumu wa Xikwembu Nkulukumba? N'wingatikanganyiseni! Nambi vawoswani, nambi vagandreli va swikwembu swakuka-ndlela, nambi va vumbuye, nambi lava vatiyentxaka ingi i vavasati, nambi lava vatekanaka hi xinuna xavu kumbe hi xisati xavu,

II Kor 10:4

A matlhari lawa hi matirisaka akulweni kweru ahi ya nyama, kambe im'na, i ya ntamu lowu wupfaka ku Xikwembu Nkulukumba, akuva mahahlula a makhokholo, hihahlula a miyanakanyu ya kuhereka,

II Kor 5:14

A lirandru dra Kriste dra hisindrisa, hiyanakanya leswi swaku: Mun'we a feli hinkwavu; kolahu, hinkwavu va file.

II Kor 5:15

Kutani yene a feli hinkwavu, leswaku lava hanyaka, vangaha tihanyeli ha swavu, kambe vahanyela lweyi ava feliki atlhela apfuka kufeni.

II Kor 8:5

Nakone, avayentxanga leswi afaka hi lavisele swone ntsena, kambe varangi vatinyiketa ku Hosi ha byavu, ntrhaku hine, hi kurandra ka Xikwembu Nkulukumba.

Ef 2:5

Na hine afa hi file a swihonweni sweru, a hinyiki vutomi kun'we na Kriste, hi timpswalu n'wine n'wihuluxiwile,

Ef 5:14

Hileswo-ke kuhlayiwi leswaku: Sisimuka wene uyetleliki, pfuka makari ka vakufa, kutani Kriste ata kuvaninga.

Va-le-Filipiya 1:20

Swanga hi kulavisela ni kudumba kwanga, ka leswaku ningayentxisiwi tingana ha ntxhumu, kambe leswaku, Kriste atakulisiwa, swanga hi khale, ni swoswi amirini yanga, nambi kuli kuhanyeni, kumbe kufeni.

Va-le-Kolosa 2:13

A nkama n'wine afaka n'wahafeli swidohweni swenu, ni hi kuka-kusokiwa anyameni yenu, an'winyiki vutomi kun'we na Yene, hi kuhidrivalela a swidoho sweru hinkwaswu,

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

II Tsl 2:12

Xileswo kuyentxiwa yavanyisiwo dra lava vangapfumelangakiki ku xihlayelamfuri, kambe valangi kuyentxa vubihi.

II Tmt 2:15

Djulisisa kutivonekisa mahlweni ka Xikwembu Nkulukumba uva lweyi wa kukhenseka, a mutiri lweyi angeke na tingana, lweyi areraka ritu dra Xikwembu Nkulukumba hi kululama.

Yakobe 4:1

Kuhuma kwini a kulwa ni kukanetana, loku kunga makari kwenu xana? A kuhumi kunaveleni ka kutinyoxisa loku kupfuxaka kulwa a nyameni yenu?

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

I Ptr 4:2

akuva n'wingahahanyeli akunaveleni ka ximhunu, kambe n'wihanyela a kurandra ka Xikwembu Nkulukumba.

I Yhn 1:9

Loko hitihlaya swidoho sweru Xikwembu awadumbeka, alulamile kuhi drivalela swidoho sweru ni kuhi basisa avusombolokeni hinkwabyu.