Rm 5:2 - Testamente Ledrimpswha ni Mapsalma

² Lweyi ha Yene hikumiki hi kupfumela, timpswalu leti hitiyiki ku tone, nakone hititwalisa akulaviseleni ka kuphatima ka Xikwembu Nkulukumba.

Rm 5:2 Iomraidhean Croise

Mt 25:21

A hosi yake yiku ku yene: I swa hombe, mutiri lweyi munene, wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku.

Yohana 10:7

Yesu ayengeta aku ku vone: Nihlayelamfuri nili ku n'wine: hi mine nyangwa ya tihamba.

Yohana 10:9

Hi mine nyangwa. Loko mhunu anhingena ha mine, atahuluxiwa. Swanga hi hamba leyi yinhingenaka yitlhela yihuma, yikuma vudelo.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 5:24

Nihlayelamfuri nili ku n'wine, lweyi ayingelaka a ritu dranga, ava apfumela ku lweyi anirumiki, ani vutomi lebyi byingahelikiki, kutani angati kuyavanyisiweni, kambe ahumi kufeni anhingena vuton'wini.

Mintiro Ya Vapostola 14:27

Loko vatlhasi Antiyokiya vahlengeleti swiro swa Kereke, kutani vaswidrungulela hinkwaswu leswi Xikwembu Nkulukumba aswiyentxiki ha vone, ni hi laha apfuleliki va-Matiko a swipfalu swa vupfumeli.

Rm 11:20

Switiyile. Tiphatluliwi hinkonta ya kukala kupfumela, kasi swoswi wene uyimi mbangwini lowo hikusa unikupfumela. Kambe ungatikukumuxi hinkonta ya leswo. Hikuhambana tivonele.

Rm 12:12

Nyoxani akulaviseleni, n'wiva ni xixixi amahlomulweni, n'witiyisela a kukhongoteni.

Rm 14:4

U mani wene uyavanyisaka a nandra wa mun'wana? Ku hosi yake nambi ayimile, kumbi awa; kambe ata yima, hikusa a Hosi yini ntamu waku muyimisa.

Rm 15:13

Ingi Xikwembu Nkulukumba, lweyi kulavisela kupfaka ku yene, aan'witate hi kutrhava ni kurula kupfumeleni kwenu, akuva n'wiva lava vayandriki akulaviseleni, hi ntamu wa Moya wa Kuxwenga.

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

Rm 3:23

Hikusa hinkwavu vadohile, vapfumala kuphatima ka Xikwembu Nkulukumba.

Rm 5:5

Swatwala, akulavisela akuvangi tingana, hikuva alirandru dra Xikwembu Nkulukumba dritxheleteliwile atimbilwini teru, hi Moya wa Kuxwenga lowu hinyikiwiki wone.

Rm 8:1

Kambe swoswi akehena kuyavanyisiwa ku lava vanga ku Yesu Kriste.

Rm 8:24

Hikusa akulaviseleni hi huluxiwile; hakunene, aku lavisela loko kuvoniwa a hi kulavisela, hikusa leswi swivoniwaka hinga swilaviselisa kuyini?

I Kor 15:1

Vamakweru, nitlhela nin'witivisa a Ivangeli leyi nin'wirereliki yone, n'wiviki n'wiyiyamukela, n'witiya ku yone,

II Kor 3:18

Kutani hine hinkweru va mimombo leyi mifukumuliwiki, hi vonekela swanga hi xivonivoni, xa kutwala ka Hosi; handrulutiwa akuphatimeni hinkwaku, axifanisweni xakwe, swanga hi kuyentxa ka moya wa Hosi.

II Kor 4:17

Hikusa a mahlomulo ya nkama lowu wa swoswi mavevuka, mahitisela lidrumo drakuphatima loku kungahelikiki, loku kungekena kupimanisiwa.

Ef 2:18

Akutlangeliwe Yene hikusa haswikota swoswi, swanga ha van'we ku van'wana hitlhasa ku Tatana, na hifambisiwa ha Moya mun'we.

Ef 3:12

Kuvi hi kupfumela ku Kriste ni kutlhangana na yene loku hine hi twaka ntrhunxeko wa kuva hi tikombisa mahlweni ka Xikwembu Nkulukumba, na hitali hi kudumba.

Ef 6:13

Hileswo-ke tamelani a matlhari hinkwawu ya Xikwembu Nkulukumba, akuva n'wita tiya sikwini ledriya dra kubiha, akuva loko n'wihlulile hinkwaswu n'witakota kutiya.

II Tsl 2:16

Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

Va-Heberu 3:6

Kambe Kriste, avi swanga n'wana lweyi anga ndlwini yake, yindlu leyi anga hine, loko hi tibekisa hikutiya kukondra kutlhasa vugamu, ni kukulisa kulavisela loku hi tikutikutxaka ha kone.

Va-Heberu 6:18

akuva hi kuhangwesa, leti tibiri tingeke na kuhela, inga leti swingakotekiki leswaku Xikwembu Nkulukumba ahemba ha tone, hi ndlela leyi hine hikumiki xitiyiso lexi xa ntamu, hi fanela kukhoma kulavisela loku bekiwiki mahlweni kweru;

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

Mpfuletelo 21:11

Lowu wunga ni kuphatima ka Xikwembu Nkulukumba. A livaningo dra wone adrifana ni ribye dra lisima ngopfu, swanga ribye dra yaspa, kuketemuka swanga xivonivoni.

Mpfuletelo 21:23

Nawone muti awungadjuli dambu, kumbe hweti akuva swiva vaningela, hikusa akutwala ka Xikwembu Nkulukumba afa kuwuvaninga, na kone a Hambana i motre wa wone.

Mpfuletelo 21:3

Kutani ni yingeli ritu ledrikulu dripfa xiluvelweni driku: Lowu i ntronga wa Xikwembu Nkulukumba kun'we ni wa vhanu. Xikwembu Nkulukumba atatrhama navu, Kutani vone vatava tiko dra Xikwembu Nkulukumba. Yene Xikwembu Nkulukumba atava na vone.

Mpfuletelo 3:21

A muhluli nitamunyika a kutrhama na mine axitrhan'wini xanga xa vuhosi, swanga ha mine nihluliki, kutani nitrhamiki na Tatana wanga axitrhan'wini xakwe xa vuhosi.