Rm 5:10 - Testamente Ledrimpswha ni Mapsalma

¹⁰ Hikuva loko hi tlhanganisiwile ni Xikwembu Nkulukumba, hi kufa ka n'wana wakwe, na kasi afa hili valala, ngopfu swoswi hita huluxiwa hi vutomi byake, leswi hitlhanganisiwiki kutani.

Rm 5:10 Iomraidhean Croise

Yohana 14:19

Antrhaku ka nkamanyana, a misava mingahanivoni, kambe n'wine n'witanivona. Leswi ni hanyaka, na n'wine n'witahanya.

Yohana 5:26

Swanga hi leswi Tatana, ha vuswake angani vutomi, hi ndlela yoleyo anyiki N'wana kuvani vutomi na yene, ha vuswake.

Yohana 6:40

Hikolahu-ke a kurandra ka Tatana wanga, hileswaku mun'wana-ni-mun'wana lweyi alavisaka N'wana, ava apfumela ku yene, avani vutomi lebyi byingahelikiki, kutani mine nitamupfuxa hi siku dra vugamu.

Yohana 6:57

Swanga hi leswi Tatana lweyi ahanyaka anirumiki, na mine nihanya hikola kwake, na yene lweyi anidaka atahanya hikola kwanga.

Rm 11:28

Hi kuyelana ni Ivangeli, a va-Yuda i valala va Xikwembu Nkulukumba hinkonta yenu. Kambe vahatama vava vahlawuliwa va Xikwembu Nkulukumba hinkonta ya vakokwana vavu.

Rm 5:11

Na ange ntsena hinkwaswu leswi; kambe na hine hititwalisa ku Xikwembu Nkulukumba ha Yesu Kriste, Hosi yeru, hikola ka lweyi hikumiki ha Yene akutlhanganisiwa.

Rm 5:6

Hikusa Kriste, a nkama hine afaka hini gome, afeli vadohi hi nkama wa kone.

Rm 8:32

Yene lweyi angatretrelelangakiki a N'wana wakwe, kambe ahinyiketi yene hinkweru, xana angaka angahihanani hinkwaswu kun'we ni N'wana wakwe?

Rm 8:34

Hi mani lweyi atakavayavanyisa? I Kriste Yesu lweyi a fiki, kumbe xana, lweyi apfukiki kufeni, na kone anga vokweni dra xinene dra Xikwembu Nkulukumba mfuri a hi kombelelaka.

Rm 8:7

Hikolahu, akuyanakanya ka nyama ku nyenyana ni Xikwembu Nkulukumba, hikusa akuyingiseti a nawu wa Xikwembu Nkulukumba, mfuri akukoti kuyentxa.

II Kor 5:20

Hileswo-ke, hivakombisi lava vakhanelaka hikola ka Kriste, swanga hiloko Xikwembu Nkulukumba a tratriya ha hine. Hin'wikombela hinkonta ya Kriste, leswaku n'witibuyelelisa ni Xikwembu Nkulukumba.

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Ef 2:16

Hikola ka xihambano ahitlhanganisi kun'we ni Xikwembu Nkulukumba, hiva miri min'we, adlaya ni livengo ha xone.

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

Va-Heberu 2:17

Hileswo-ke afa swimufanelile kuyentxiwa lweyi a fanaka ni vamakwavu hi matlhelo hinkwawu, akuva avamuprista lwe nkulu, lweyi angani lirere ni kudumbeka amahlweni ya Xikwembu Nkulukumba, akuva abasisa swidoho swa vhanu.

Va-Heberu 7:25

Hileswo-ke, vangaswikota kuhuluxa lava trhindrekelaka ku Xikwembu Nkulukumba, leswi ahanyaka hilaha kungahelikiki akuva ava khongotelela.

I Yhn 2:1

Vana vanga, nin'witralela timhaka leti, akuva n'wingatxhuki n'widoha. Kambe loko mhunu adohile hini mupfuni ku Tatana, anga Yesu Kriste lweyi wa kululama.

I Yhn 4:10

Kutani a lirandru drile kuleswi: akuvanga hine lava varandriki Xikwembu Nkulukumba, kambe kuvi Yene ahirandriki kutani ahirumeli N'wana wakwe, akuva kudrivaleliwa swidoho sweru.

Mpfuletelo 1:18

ni lweyi ahanyaka! Afa nifile, kambe swoswi nahanya hi madzana-ni-madzana ya malembe, mfuri nini mimpfungulu ya lifu ni ya le Hades.