Rm 4:11 - Testamente Ledrimpswha ni Mapsalma

¹¹ Mfuri anyikiwi xikombiso xa kusoka, swanga xifungo xa kululama loku kuhumaka kupfumeleni loku angapfumelela na angasina soka; akuva ava tatana wa hinkwavu lava vapfumelaka na vangasokanga, akuva vatahlayeliwa akululama,

Rm 4:11 Iomraidhean Croise

Mt 16:16

Simoni Petrosi amuyangula aku: Wene u Kriste N'wana wa Xikwembu Nkulukumba lweyi ahanyaka.

Mt 8:11

Nan'wibyela leswaku: Vanyingi vatapfa a Vuxeni ni le Vupeladambu, vatatatrhamisa vada kun'we na Abrahamu, na Yisaki na Yakobe a Mfun'wini wa Matilo;

Lk 19:9

Yesu aku ku yene: Namunhla a kuhuluka kunhingeni andlwini leyi, hikusa na yene i n'wana Abrahamu.

Yohana 3:33

A mhunu lweyi ayamukelaka vumboni byake, atiyisa leswaku Xikwembu Nkulukumba awadumbeka.

Yohana 3:36

Lweyi apfumelaka ku N'wana, anani vutomi lebyi byingahelikiki; lweyi ayalaka kupfumela ku N'wana, angakumi vutomi, kambe a mahlundru ya Xikwembu Nkulukumba matrhami ahenhla kwake.

Yohana 6:35

Yesu aku ku vone: Hi mine kati dra vutomi. Lweyi ataka ku mine, angavina ndlala ni siku ni drin'we, ni lweyi apfumelaka ku mine angavina tora ni siku ni drin'we.

Yohana 6:40

Hikolahu-ke a kurandra ka Tatana wanga, hileswaku mun'wana-ni-mun'wana lweyi alavisaka N'wana, ava apfumela ku yene, avani vutomi lebyi byingahelikiki, kutani mine nitamupfuxa hi siku dra vugamu.

Yohana 6:47

Nihlayelamfuri nili ku n'wine, lweyi apfumelaka, ani vutomi lebyi byingahelikiki.

Yohana 8:33

A va-Yuda vamuyangula, vaku: Hi vana va Abrahamu; ahingiva swikarawa swa mhunu ni siku ni drin'we. Ungahlayisa kuyini uku: Hitava lava vantrhunxiwiki, xana?

Rm 10:11

Swanga hileswi a Matralwa maliki: Lweyi a pfumelaka ku Yene angavina tingana.

Rm 10:4

Hikusa akuhela ka nawu hi Kriste, akuva kuhlayiwa mululami lweyi apfumelaka ku Yene.

Rm 10:6

Kambe akululama loko ku fambelanaka ni kupfumela, ahlaya xileswi: Ungahlayi a mbilwini yaku uku: Hi mani lweyi angakotaka kuntlhantukela tilweni? (i nga leswaku, kuyentxa leswaku Kriste abuya);

Rm 3:22

Kululama ka Xikwembu Nkulukumba hikola ka kupfumela Yesu Kriste, ka kuhinkwavu (henhleni ka hinkwavu) ku hinkwavu lava vapfumelaka, hikusa akuna ku hambana.

Rm 3:26

akuva a kota kuvonekisa akululama kwake ku nkama wa swoswi, akuva ava lweyi alulamiki, niku hlaya mululami lweyi apfumeliki ku Yesu.

Rm 3:30

inga leswi swaku, Xikwembu Nkulukumba i mun'we ntsena, lweyi atakahlaya valulami lava vakusoka hi kupfumela, ni lava vangasokangakiki, hi kupfumela.

Rm 4:10

Kutani, anyikisiwi kuyini? Xana hi loko asokile, kumbe hi loko anga si soka? Akuvanga hi nkama lowo a sokiwiki, Ka kuva loko angasisoka.

Rm 9:30

Hitahlaya yini hi leswi? Hidjula kuhlaya leswaku a va-Matiko afa vanga djulisisi kululama, vakuyamukeli mayelana ni kupfumela loku ka kululama;

Rm 9:33

swanga hi leswi kutraliwiki: Nibeka ribye a Siyoni ledri drikhunguvanyisaka ni kuwisana; Kambe lweyi a pfumelaka ku drone angavi na tingana.

Rm 9:6

Hinga yanakanyeni leswaku a xidumbiso xa Xikwembu Nkulukumba xidluvekile, hikusa ahi hinkwavu va tinxaka taka Israyele vanga tiko dra Israyele;

II Kor 1:22

mfuri ahifungiki, ahinyikiki xirangana xa Moya atimbilwini teru.

Gl 3:22

Kambe a Tralwa dripfaleli hinkwaswu a hansi ka xihono, akuva hi kupfumela ku Yesu Kriste, vanyikiwa xidumbiso hinkwavu lava vapfumelaka.

Gl 3:29

Ke, loko n'wili vaka Kriste, lahu hinkwenu n'wilixaka dra Abrahamu, ni vadi va pfindla swanga hi xidumbiso.

Gl 3:7

Hikolahu switivani leswaku lava vanga ni kupfumela, i vana va Abrahamu.

Gl 5:5

Hikusa hine, hikola ka Moya hi rindrela hi kulavisela ka kululama loku kutaka hi kupfumela.

Gl 6:16

Mfuri, ku hinkwavu lava vafambaka hi longoloka ni nawu lowu; akurula ni lirere aswive henhla kwavu, ni le ku Israyele wa Xikwembu Nkulukumba.

Ef 1:13

Ku lweyi nakone, antrhaku kakuva n'wiyingeli Ritu dra Xihlayelamfuri, a Ivangeli ya huluko drenu, loko na kone n'wipfumelile, n'wifungiwile hi Moya wa Kuxwenga, lowu angawudumbisa.

Ef 4:30

Minga hlundrukiseni Moya wa Xikwembu Nkulukumba, lowu n'wingafungiwa ha wone ku siku dra kutiruliwa.

Va-le-Filipiya 3:9

ni kuva ni kumiwa ku Yene, na ningena kululama kwanga loku kupfaka nawini, kambe loku kupfaka hi kupfumela ku Kriste,

Va-Heberu 11:7

Hikupfumela, Nowa ali kutivisiwa hi Xikwembu Nkulukumba leti afaka tingasi voniwa, kutani a txhava ayaka ngalawa, akuva ata huluka yene ni yindlu yake ku yone, hi ndlela leyi a yavanyisa misava, kutani amuyentxi ava mudi wapfindla dra kululama hikola ka kupfumela.

II Ptr 1:1

Simoni Petrosi, a nandra ni mupostola wa Yesu Kriste, ku lava hinkweru hi yamukeliki kupfumela kakufana kalisima, akululameni ka Xikwembu Nkulukumba weru ni Muhuluxi Yesu Kriste.

Mpfuletelo 9:4

Kutani a humbi yileletiwa leswaku yingahoni a byanyi bya misava, nambi ntxhumu wun'wana wa lihlaza, nambi minsinya; kambe ntsena a vhanu lava vangaliki na xone a xifungu xa Xikwembu Nkulukumba amimombyeni yavu.