Rm 3:21 - Testamente Ledrimpswha ni Mapsalma

²¹ Kambe swoswi, na kungena nawu, Xikwembu Nkulukumba a hikombisi akululama loko kubekeliwiki vumboni hi nawu ni vaprofeta.

Rm 3:21 Iomraidhean Croise

Lk 24:44

Yesu ahangaku ku vone: Hiwo maritu lawa ningan'wibyela, loko nahali na n'wine niku: Swifanekeli kuhetiseka hinkwaswu leswi swingatraliwa hinkonta yanga aNawini wa Moxe ni le madrunguleni ya vaprofeta ni le Swidrumiseni.

Yohana 1:45

Filipi akuma nakulobye Nataniyele, aku ku yene: Lweyi Moxe atraliki timhaka takwe Nawini, ni vaprofeta himukumile: Hi Yesu wa Nazarete, n'wana Yosefa.

Mintiro Ya Vapostola 10:43

Hi Yene lweyi a vaprofeta vamuhambelaka vumboni, leswaku mun'wana-ni-mun'wana lweyi apfumelaka ku Yene atakuma kudrivaleliwa ka swidoho hi vito drakwe.

Mintiro Ya Vapostola 15:11

Kasi hine hipfumela leswaku hihanyisiwi hi timpswalu ta Hosi Yesu, swanga ha vone.

Mintiro Ya Vapostola 26:22

Kambe leswi ningakuma kupfuniwa hi Xikwembu Nkulukumba, nahali kone ni namuhla, nihamba vumboni ni le ku lava vatrongo ni lava vakulu. Ningahlayi ntxhumu ahandle ka leswi a vaprofeta na Moxe vangahlaya leswaku switayentxeka.

Mintiro Ya Vapostola 28:23

Vamubekela a siku. Ntrhaku vayabuya ku yene a ndlwini yake, na vali vanyingi. Yene avatlhavukanyisa hi kuhambela vumboni a Mfumu wa Xikwembu Nkulukumba; adjuletela a kuvakholwisa mayelano na Yesu, na asukela a Nawini wa Moxe ni ku vaprofeta, kusukela amixweni kuyatlhasa amadambyeni.

Rm 1:17

Hakuva ku wone, kupfuleteliwa avululami bya Xikwembu Nkulukumba, kupfumela hikupfumela, swanga hi leswi kutraliwiki: Kambe amululami atahanya hikupfumela.

Rm 1:2

leyi kusunguleni ayidumbisiki hi vaprofeta vakwe amatralweni ya kuhlawuleka,

Rm 16:26

swoswi dri vonekisiwi hi mabuku ya vahlayi va ritu swanga hi leleto dra Xikwembu Nkulukumba lweyi angakone hila kungahelikiki. Kutani dri nyikiwi matiko hinkwawu leswaku wone mayamukela kupfumela.

Rm 3:28

Hitiyisa leswaku a mhunu a hlayiwa mululami hi kupfumela, handle ka mintiro ya nawu.

Rm 5:19

Hakuva hikutiyalisa ka mhunu mun'we ntsena, hinkwavu vandruluki vadohi, swanga hi kuyingiseta ka mun'we ntsena, hinkwavu vandruluki lava vanene.

Rm 5:21

Akuva leswi, axidoho xifumiki a lifu, kambe na tone timpswalu ti kota kufuma hi kululama a vuton'wini lebyi byingahelikiki, hikola ka Yesu Kriste, a Hosi yeru.

Rm 9:30

Hitahlaya yini hi leswi? Hidjula kuhlaya leswaku a va-Matiko afa vanga djulisisi kululama, vakuyamukeli mayelana ni kupfumela loku ka kululama;

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

II Kor 3:9

Hikusa, loko avutireli bya kuyavanyisa byiveni kuphatima, ngopfu-ngopfu avutireli bya kululama byi hundrisa hi kuphatima.

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Gl 3:8

Ke, a tralwa dri swivoni khale leswaku Xikwembu Nkulukumba atahlaya va-Matiko valulami hi kupfumela; a Ivangeli yitivisiwile ku Abrahamu leswaku: Ha yene a matiko hinkwawu matakatekisiwa.

Gl 5:5

Hikusa hine, hikola ka Moya hi rindrela hi kulavisela ka kululama loku kutaka hi kupfumela.

Va-le-Filipiya 3:9

ni kuva ni kumiwa ku Yene, na ningena kululama kwanga loku kupfaka nawini, kambe loku kupfaka hi kupfumela ku Kriste,

I Ptr 1:10

Kuvi hi kuhuluxiwa koloko vangavutisisa ni kukambisisa a vaprofeta lava vangaprofeta a timpswalu leti tikongomiki n'wine,

II Ptr 1:1

Simoni Petrosi, a nandra ni mupostola wa Yesu Kriste, ku lava hinkweru hi yamukeliki kupfumela kakufana kalisima, akululameni ka Xikwembu Nkulukumba weru ni Muhuluxi Yesu Kriste.