Rm 16:2 - Testamente Ledrimpswha ni Mapsalma

² Muyamukelani swinene hi vito dra Hosi, hi laha swifanekelaka kuyentxiwa amakari ka vapfumeli, n'wimupfuna ni kuhinkwaswu leswi angaswidjulaka, hikusa na yene apfuni lava kutala nambi mine yelweyi.

Rm 16:2 Iomraidhean Croise

Mt 25:40

Kambe a HOSI yitavayangula yiku ku vone: Nihlayelamfuri nili ku n'wine: Loko n'wiswiyentxi ku mun'we amakari ka vamakweru lava vatrongo, lava, n'wiswiyentxi ku mine.

Mintiro Ya Vapostola 9:13

Ananiya ayangula aku: Hosi, niyingeli hi vhanu vanyingi a mhaka ya wanuna lweyo, ni hinkwabyu wubihi lebyi abyiyentxiki ku vahlawuleki vaku a Yerusalema.

Mintiro Ya Vapostola 9:15

Kambe Hosi yiku ku Ananiya: Famba, hikusa yelweyo, ku mine i xibya xa kuhlawuliwa, xitakatwalisa a vito dranga amahlweni ka va-Matiko, ni ka vafumi, ni ka vana va Israyele.

Mintiro Ya Vapostola 9:36

A mutini wa Yopa, afa kuni mudondrisiwa wa wansati, a vito drakwe hi Tavita, hi Xigirika swihlayaka Dorkasi, Mhunti. Yene afa atali hi mintiro leminene ni kupfuna swisiwana.

Mintiro Ya Vapostola 9:39

Petrosi afamba navu. Loko atlhasile, vamuntlhantukelisa andlwini ya le henhla. A vavasati va mafelwa hinkwavu vatrandrela Petrosi, na vadrila, vamukomba minkhantxu ni swiyambalu swin'wana leswi swihambiwiki ha Dorkasi.

Mintiro Ya Vapostola 9:41

Petrosi amukhoma hi voko, amusekelekisa; ntrhaku avitana vahlawuliwa ni vavasati lava va mafelwa, kutani avakombisa yene na ahanya.

Rm 15:7

Hileswo-ke, yamukelanani van'wana ni van'wana, swanga hileswi Kriste ahiyamukeliki, kuva lidrumu ku Xikwembu Nkulukumba.

Rm 16:15

Nidrungulelani Fililogo na Yuliya, Nerewu ni makwavu wa wansati na Olimpiya, ni vapfumeli hinkwavu lava nga navu.

Rm 16:23

Gayo na yene awa n'widrungula. Ni rureliwi kaya kwake nala hi laha a Kereke hinkwadru drihlengeletanaka kone. Erasto, lweyi anirureliki ni Kereke hinkwadru awan'widrungula, na Kwarto makweru. [

Rm 16:6

Nidrungulelani Maria lweyi anga n'witirela ngopfu.

Rm 16:9

na Urbano mutirelikulori ntirweni wa Kriste, na Xitakiyo nakulori.

Ef 5:3

Kambe a vuwoswi ni kunyama hinkwaku, ni kunavela hinkwaku swinga hlayiwi ni kan'we amakari kwenu, swanga hi leswi swingafaneliki tinsasi.

Va-le-Filipiya 1:27

N'wifanela kutifambela hi vunene hi kulandra hi Ivangeli ya Kriste. Akuva nambi ni djula kuta, nita nitan'wivona, nambi ninge kone, niyingela timhaka tenu ta leswaku, n'wile moyeni mun'we, n'wilwa kun'we avupfumeleni bya Ivangeli.

Va-le-Filipiya 2:29

Muyamukelani, hakunene, a Hosini, hikutrhava hinkwaku, na kone vanani ni xihluwa ku yene:

Va-le-Kolosa 4:10

Aristariko, lweyi a bohiwiki kun'we na mine, awa n'widrungula, na Marka a makwavu wa Barnabasi, lweyi n'wiyamukeliki swileleto ha yene; loko yene ata n'wiyendrela muyamukelani ha hombe.

I Tmt 2:10

kambe avatixongise hi leswi swifanekelaka a vavasati lava vatxhavaka Xikwembu Nkulukumba, anga mintiro leminene.

II Tmt 1:18

A Hosi ayimunyiki hi siku ledriya, leswaku a kuma vumbilu ku Hosi. Nakone wene wa switiva ngopfu kutlula mine, leswaku mintiro mingani aniyentxeliki le Efesa.

Tito 2:3

xiswoswo na vone a vavasati lava vakuliki ngopfu, avave ni mahanyela la makhensekaka, vangave va mahlevo kumbe swikarawa swa byala, kambe vava vadondrisi va leswi swinene,

Filimoni 1:12

Ni murumeli kutlhelela ku wene, swoswi, na ni kukombela akuva umuyamukela swanga hi loko yene ali xiyenge xa mbilu yanga ha byanga.

Filimoni 1:17

Hikolahu ka leswo, loko uku ni mutirikulori kupfumeleni muyamukele Onesimo swanga uyamukela mine.

II Yhn 1:10

Loko kuta mhunu ku n'wine, na angabuyisi dondriso leyi, n'wingamuyamukeleni atindlwini tenu, nambi kumuhlayela hoyo-hoyo.