Rm 15:15 - Testamente Ledrimpswha ni Mapsalma

¹⁵ Nambi swilitanu, ni n'witraleli hi kutiyanyana henhla ka timhaka leti akuva n'witiyanakanya. Niyentxi leswo hinkonta ya ntiro lowu Xikwembu Nkulukumba anirwexiki,

Rm 15:15 Iomraidhean Croise

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

Rm 12:3

Hi timpswalu leti ni nyikiwiki tone, ni n'wileleta leswaku ni mun'we anga txhuki atipimisa kutlula leswi swifanelaka. Kusungula yanakanyani hi kunabyala ni leswaku mun'wana-ni-mun'wana a atiyanakanye ha vuswake swanga hi mpimu wa kupfumela lowu Xikwembu Nkulukumba amunyikiki.

Rm 12:6

leswi hingani tinyiko leti hambaniki, hikola ka timpswalu leti hi nyikiwiki tone: Lweyi angani nyiko ya kuprofeta, afanela kuyi tirisa hi kulandra kupfumela kwake.

I Kor 15:10

Kambe hi timpswalu ta Xikwembu Nkulukumba, mine ni leswi ninga swone, ni timpswalu ku mine ativanga ta mahala, hikuva nitiri ngopfu kutlula hinkwavu, nambi leswi afaka angali mine kambe tili timpswalu ta Xikwembu Nkulukumba leti tinga ku mine.

I Kor 3:10

Hi timpswalu ta Xikwembu Nkulukumba leti ninyikiwiki tone, swanga ntivi hi tlhelo dra vuyaki, nibeki a masungulu; kutani mun'wana ayaka a henhla ka wone; kambe mun'wana-ni-mun'wana ativonele leswi ayakisaka swone a henhla ka wone.

Gl 2:9

na kone vatiki vativa timpswalu leti hinyiwiki tone, mine, na Yakobe, Kefasi, na Yohana lava vahlayiwaka timhandre, va hi nyika mine na Barnabasi, avoko dra xinene dra kutlhangana, hikuva hine hiya ku va-Matiko, vone vaya ku vaku sokiwa.

I Tmt 4:6

Loko udondrisa leswo ku vamakwenu, utava mutireli munene wa Yesu Kriste, na uxurisiwi hi maritu ya vupfumeli ni ya dondro leyi yinene, leyi wene uyilandraka;

II Tmt 1:6

Hileswo-ke, ni kudrimuxa leswaku upfuxa nyiko ya Xikwembu Nkulukumba leyi yinga ku wene hi kutlhantekiwa ka mavoko yanga.

II Tmt 2:14

Valeleti hinkwavu a mintxhumu leyi. Ubeka vumboni mahlweni ya Xikwembu Nkulukumba, akuva vangatilwisana hi maritu, leswingapfunikiki ntxhumu, swakuhambukisa lava vaswiyingelaka.

Tito 3:1

Vadrimuxe leswaku vatibeka hansi ka vafumi ni tindruna; leswaku vavayingiseta ni leswaku vatrhama na vatilulamiseli a kutira mintiro le minene;

Va-Heberu 13:22

Na n'witratriya vamakweru, leswaku n'wilehisela mbilu ku maritu lawa ya kun'witiyisa. Hikuva nin'witralela mange mangani.

I Ptr 5:12

Nin'witraleli a maritunyana lawa ha Silivano, ku mine anga makweru wa kudumbeka, na mine nimuvonisa xiswoswo, na nin'witratriya, nibeka ni vumboni, leswaku leti i timpswalu ta xihlayelamfuri ta Xikwembu Nkulukumba; tiya ku tone.

II Ptr 3:15

Pimisani leswaku akulehisa ka mbilu ka Hosi yeru i kuhuluxiwa kweru, swanga hileswi na yene Pawulosi, makweru lweyi arandriwaka an'witraleliki hikulandra vutlhari lebyi anyikiwiki byone,

I Yhn 5:13

Ni n'witraleli mintxhumu leyi akuva n'witiva leswaku n'wini vutomi lebyi byingahelikiki, leswaku n'wipfumela ku Vito dra N'wana wa Xikwembu Nkulukumba.