Rm 13:13 - Testamente Ledrimpswha ni Mapsalma

¹³ Ahi fambeni hi kudumbeka, swanga hi loko hili livaningweni dra nhlikanhi, kunge kudeni ni le kupopsweni, kunge a vuwoswini ni le switolovetweni swakubiha, kunge timholoveni ni le matrhohweni.

Rm 13:13 Iomraidhean Croise

Lk 1:6

Afa vali valulami hi vubiri byavu amahlweni ka Xikwembu Nkulukumba, vafamba milawini hinkwayu ni le swileletweni hinkwaswu swa Hosi, vangasoliwi ha ntxhumu.

Lk 16:19

Afa kuni mhunu wa mufuyi, afaka yambala swiyambalu leswi swa libungu swakudula ngopfu, ada swavunandri hi masiku hinkwawu.

Lk 21:34

Kambe tivonelani, suka timbilu tenu tibindriwa hi maxovo ni kupopswa ni minhlatiyelo ya vutomi! Kutani siku ledro dritatxhuka drin'witela swanga hi xitxhuketo na n'winga drilaviselanga,

Mintiro Ya Vapostola 2:15

Hikusa volavo avapopswanga, swanga hi leswi n'wipimisaka swone, hikusa wehe nkama wa vuraru (9h00) wa siku.

I Kor 3:3

hikusa n'wahali va nyama, ntsena. Hikuva leswi kahaniki vukwele ni timholova amakari kwenu, xana an'wi va nyama, ni va kufamba hi ximhunu ntsena?

Gl 5:19

Kambe a mintiro ya nyama mile livaleni, minga leyi: A vumbuye, ni vuwoswi, ni xambya,

Gl 5:21

kutrhohoka, kupopswa, makwanga, ni leswi swifanaka na swone; leswi nin'wibyelaka, Swanga hi leswi ninga n'wibyela khale, leswaku avayentxi vakukari vangadi pfindla dra mfumu wa Xikwembu Nkulukumba.

Ef 4:1

Hileswo-ke na n'wikombela, mine mubohiwa Hosini, leswaku n'wifamba hi laha swifanekelaka ku vitaniwa loku n'wivitaniwiki ha kone;

Ef 4:17

Hikolahu ka leswi, na n'wibyela, ni kutiyisa aHosini leswaku, n'wingaha fambeni swanga hi va-Matiko, a miyanakan'wini yavu ya kuka-ndlela.

Ef 5:15

Kolahu tivonelani swinene ku leswi n'wifambisaka xiswone, n'wingafambeni swanga masinge, kambe swanga hi tintlhari.

Ef 5:18

N'winga popsweni hi vhinyo, hikusa drivanga timholova, kambe titatani hi Moya,

Ef 5:8

Khale n'wine afa n'wimunyama, kambe swoswi n'wilivaningo a Hosini; Fambani swanga hi vana va livaningo.

Va-le-Filipiya 1:27

N'wifanela kutifambela hi vunene hi kulandra hi Ivangeli ya Kriste. Akuva nambi ni djula kuta, nita nitan'wivona, nambi ninge kone, niyingela timhaka tenu ta leswaku, n'wile moyeni mun'we, n'wilwa kun'we avupfumeleni bya Ivangeli.

Va-le-Filipiya 2:3

N'wingayentxi ntxhumu hi kukanetana, nambi kutidrumisa, kambe hi kutitrongohata, mun'wana-ni-mun'wana ayanakanyi leswaku i ntrongo ku van'wana.

Va-le-Kolosa 1:10

akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

I Tsl 2:12

akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

I Tsl 4:12

akuva n'wifamba hikululama ni lava vanga handle na n'wingavileli ntxhumu ni mun'we.

I Tsl 5:17

Khongotani n'winga yimi.

Yakobe 4:5

Kumbe n'wiyanakanya leswaku atralwa drikhanela mahala loko driku: Yene anivukwele hinkonta ya Moya lowu awubekiki ku hine?

I Yhn 2:6

Lweyi aliki atrhama ku Yene afanela kufamba swanga hi leswi na yene afambisiki xi swone.

II Yhn 1:4

Nive ni kunyoxa ngopfu hikuva ningakuma van'we ku vana vaku lava vafambaka tindleleni ta xihlayelamfuri, mayelanu ni niswileleto swa Xikwembu Nkulukumba Tatana.

Yd 1:23

vahuluxani, n'wivawutla andrilweni swanga tihunyi; ku van'wanyana, vanani ni lirere hi xitxhavu, n'winyenya ni nkhantxu lowu nyamisiwiki hi mintiro ya kubiha.