Rm 12:6 - Testamente Ledrimpswha ni Mapsalma

⁶ leswi hingani tinyiko leti hambaniki, hikola ka timpswalu leti hi nyikiwiki tone: Lweyi angani nyiko ya kuprofeta, afanela kuyi tirisa hi kulandra kupfumela kwake.

Rm 12:6 Iomraidhean Croise

Mt 23:34

Hileswo-ke nitan'wirumela a vaprofeta, tintlhari ni vatrali; kambe van'we vavu n'witavadlaya n'wiva n'wivavamba, van'wana n'witavaba amasinagogeni yenu, n'witavahlongolisa kusukela ku muti mun'we kuyatlhasa ku mun'wana.

Mt 25:22

Kutrhindrekela ni lweyi afaka ayamukeli matalanta mabiri, aku: We hosi, waninyiki matalanta mabiri, langusa man'wana mabiri, lawa nimabindruliki.

Lk 11:49

Hilaha-ke na byo vutivi bya Xikwembu Nkulukumba byihlayiki byiku: Nitavarumela vaprofeta ni vapostola, a van'we vata vadlaya, vataxanisa van'wana;

Mintiro Ya Vapostola 13:1

Afa kuni vaprofeta ni vadondrisi akerekeni dra Antiyokiya, vanga va Barnabasi, na Simiyoni, lweyi atxhuliwaka Nigere, na Lusiyo wa Kirene, na Manahema lweyi awundliwiki kun'we na Heroda mufumi, na Saulo.

Mintiro Ya Vapostola 15:32

Yuda na Silasi, leswi na vone afaka vali vaprofeta, vatxhaveleli ni kutiyisa a vamakwavu hi maritu manyingi.

Mintiro Ya Vapostola 2:17

Amasikwini ya vugamu, kuhlaya Xikwembu Nkulukumba, nitatxhela a Moya wanga a henhla ka nyama hinkwavu. A vanenu vataprofeta; na vone vanhwanyana venu; a vayisanyana venu vatavona swivoniso, ni swiduwhati swenu switalora miloro.

Mintiro Ya Vapostola 21:9

Yene afa ani mune wa vana va vanhwanyana, lava vangasikitivana ni wanuna, afaka vaprofeta.

Rm 1:11

Hikusa ninikunavela kun'wivona ni kun'witivisa swatinyiko ta Moya, leswaku n'witiyisiwa swinene.

Rm 12:3

Hi timpswalu leti ni nyikiwiki tone, ni n'wileleta leswaku ni mun'we anga txhuki atipimisa kutlula leswi swifanelaka. Kusungula yanakanyani hi kunabyala ni leswaku mun'wana-ni-mun'wana a atiyanakanye ha vuswake swanga hi mpimu wa kupfumela lowu Xikwembu Nkulukumba amunyikiki.

I Kor 12:18

Kambe swoswi, Xikwembu Nkulukumba abeki a swiro: xin'wana-ni-xin'wana amirini, hi laha arandriki ha kone.

I Kor 13:2

Nakone nambi ningavani nyiko ya vuprofeta, nambi ningativa a swihundla hinkwaswu ni vutivi hinkwabyu; nambi ningava ni kupfumela hinkwaku la kakuva nisusa ni tinhava, loko ningana lirandru, ani ntxhumu.

I Kor 14:1

Landrelelani a lirandru, n'widjulisisa ni tinyiko ta Moya, kambe ngopfu-ngopfu akuva n'wiprofeta.

I Kor 14:24

Kambe loko hinkwenu n'wiprofeta, kutani kunhingena a mhunu lweyi angapfumeliki kumbe angalikinavutivi, atakholwisiwa hi hinkwenu, atayavanyisiwa hi hinkwenu;

I Kor 14:29

Kambe vaprofeta vabiri kumbe vararu avavulavule, vambeni avayavanyise.

I Kor 3:5

Ke, Pawulosi hi mani xana? Na yene Apolo hi mani xana? Loko vangali malandra, lava n'wine n'wipfumeliki hikola kwavu, hi laha mun'wana-ni-mun'wana anyikiwiki Hosi?

I Kor 7:7

Nakone afa nidjula leswaku hinkwavu vhanu vava swanga ha mine; kambe mun'wana-ni-mun'wana ani nyiko yake yipfaka hi le ku Xikwembu Nkulukumba, mun'we a nyiko ya kukari, mun'wana na yene a ya kukari.

II Kor 8:12

Hikusa, loko nkhinkhi yili kone, yita yamukeleka mayelanu ni leswi mun'wana-ni-mun'wana anganaswu, na kungeke hi leswi angeke naswu.

Ef 3:5

A khale afa kunge na lweyi ativiki kungu ledro, kambe swoswi dri kombisiwile ku varumiwa vakuhlawuleka ni vahlayi va ritu, hi ndlela ya Moya wa Kuhlawuleka.

Ef 4:11

Hi yene mfuri anga nyika van'we kuva vapostola, ni van'wana kuva vaprofeta, van'wana kuva vavhangeli, ni van'wana kuva vabyisi ni vadondrisi;

Va-le-Filipiya 3:15

Hine hinkweru, lava hi hetisekiki a hi pimiseni swoleswo; nambi n'wakuva ni kupimisa kun'wana, Xikwembu Nkulukumba ata n'wipfuletela ni swoswo.

I Tsl 5:20

N'wingadreli a vaprofeta.

II Ptr 1:20

Kambe na n'witiva leswi hi kusungula: akuna vuprofeta nibyin'we bya Matralwa byipfaka kutlhamuxeliweni ka kukala ndlela.