Rm 12:3 - Testamente Ledrimpswha ni Mapsalma

³ Hi timpswalu leti ni nyikiwiki tone, ni n'wileleta leswaku ni mun'we anga txhuki atipimisa kutlula leswi swifanelaka. Kusungula yanakanyani hi kunabyala ni leswaku mun'wana-ni-mun'wana a atiyanakanye ha vuswake swanga hi mpimu wa kupfumela lowu Xikwembu Nkulukumba amunyikiki.

Rm 12:3 Iomraidhean Croise

Lk 18:11

Lweyi wa mufarisi ayima atikhongotela hi le ndreni kwake aku: Xikwembu Nkulukumba nakutlangela hi leswi ningaliki swanga hi van'wana vhanu, vanga swiyivi, ni vasomboloki, ni vawoswani, nambi kuli kufana ni lweyi wa muhakelisi wa tinemba lweyi.

Yohana 3:34

Lweyi arumiwiki hi Xikwembu Nkulukumba, ahlaya maritu ya Xikwembu Nkulukumba, hikusa Xikwembu Nkulukumba amunyiki Moya kunge ha mpimu.

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

Rm 11:20

Switiyile. Tiphatluliwi hinkonta ya kukala kupfumela, kasi swoswi wene uyimi mbangwini lowo hikusa unikupfumela. Kambe ungatikukumuxi hinkonta ya leswo. Hikuhambana tivonele.

Rm 11:25

Hikusa anirandri vamakweru, leswaku n'wikohla hi xihundla lexi, (akuva n'wingatitxhuka n'witiyanakanya leswaku n'witlharihile). Leswaku Israyele hi tlhelo drin'we, leswaku ava-matiko hinkwavu vakondra vanhingena.

Rm 12:16

Hanyani hi kuyingelana amoyeni mun'we; n'wingatidjuleli leswi tlakukiki, kambe yamukelani leswi trongahatekiki; n'winga tikuliseni hi leswi n'wiswitivaka.

I Kor 15:10

Kambe hi timpswalu ta Xikwembu Nkulukumba, mine ni leswi ninga swone, ni timpswalu ku mine ativanga ta mahala, hikuva nitiri ngopfu kutlula hinkwavu, nambi leswi afaka angali mine kambe tili timpswalu ta Xikwembu Nkulukumba leti tinga ku mine.

I Kor 3:10

Hi timpswalu ta Xikwembu Nkulukumba leti ninyikiwiki tone, swanga ntivi hi tlhelo dra vuyaki, nibeki a masungulu; kutani mun'wana ayaka a henhla ka wone; kambe mun'wana-ni-mun'wana ativonele leswi ayakisaka swone a henhla ka wone.

I Kor 7:17

Kambe mun'wana-ni-mun'wana atifambele swanga hi leswi a Hosi yimuyavelisiki xiswone, ni hi leswi Xikwembu Nkulukumba amuvitanisiki xiswone. Hi leswi nileletaka ku makereke hinkwawu.

II Kor 10:13

Kambe hine a hi titwalisi kutlula mpimu, kambe ntsena hi mpimu lowu hi yaveliwiki wone hi Xikwembu Nkulukumba, swingaleswi ahitlhasisiki ni le ku n'wine.

II Kor 12:13

Xana n'witluliwa ha yini hi man'wana makereke? Xana ahi leswi nikalaka ningan'wibindrelanga ha ntxhumu! Nidrivalelani ku xikhunguvanyiso lexo!

II Kor 12:7

Kambe akuva ningatitikukumuxa ngopfu hivukulu bya mimpfuletelo, nibekeliwi amitwa anyameni, anga ntrumi ya Sathana; akuva aniba ni leswaku ningatikulisi.

Gl 6:3

Loko mhunu apimisa leswaku i xa ntxhumu nange wa ntxhumu, awa tikanganyisa ha vuswake.

Ef 3:2

Hakunene n'witava n'wiswiyingelile vavulavula hi ntiro lowu Xikwembu Nkulukumba hi vululami byake aninyikiki hinkonta yenu.

Ef 3:4

Kutani loko n'witlhela n'wihlaya leswi ni switraliki, n'witava ni mhaka ya leswi mine ni swi yanakanyaka hikola ka kungu ledro, ledri yentxekaka ku Kriste.

Ef 4:16

ku lweyi a miri hinkwayu mitiyisiwaka mitlhanganisiwa hi kupfuna ka minkatrwa hinkwayu, hikutlhangana loku kunene ka xin'we ku swone xikuma ntamu wa kuva miyakiwa alirandrwini.

Va-le-Filipiya 2:13

Hikusa Xikwembu Nkulukumba hi Yene lweyi a tiraka ku n'wine, i ngava hi kuswinavela kumbe hi kuswiyentxa mayelana ni kurandra kwake.

Va-le-Kolosa 1:29

hikolahu ka leswo ni tiraka, na nilwa hikola ka ntamu wakwe wutiraka ku mine.

Va-le-Kolosa 2:13

A nkama n'wine afaka n'wahafeli swidohweni swenu, ni hi kuka-kusokiwa anyameni yenu, an'winyiki vutomi kun'we na Yene, hi kuhidrivalela a swidoho sweru hinkwaswu,

I Tmt 1:14

Kambe a vumbilu bya Hosi yeru byayandri ngopfu, kun'we ni kupfumela ni lirandru leswi swinga ku Kriste Yesu.

I Tmt 2:15

kambe atahuluka hi kubeleka a vana, loko vatrhama akupfumeleni ni le lirandrwini, ni le kubasisiweni hi kutikhoma.

I Tmt 2:9

Hi mayentxela wolawo, na vone a vavasati na vayambali a swiyambalu leswi switxhavisekaka, hi kutikhoma mayentxeleni, vangatixongise hi kulehisa misisi, kumbe hi gole ni maperola, kumbe minkhantxu ya kudula,

Tito 2:12

tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

Tito 2:2

A vavanuna lavakulu ngopfu, avave lava vatxhavisekaka, vatikhomaka, vatiyiki akupfumeleni, alirandrwini, ni le kulehiseni ka mbilu;

Tito 2:4

akuva vadondrisa a vavasati lava vampswha a kurandra vanuna vavu, ni kurandra a vana vavu,

Tito 2:6

Tratriya na vone lava vampswha leswaku vatikhoma;

Yakobe 4:6

Kambe Yene anyika timpswalu letikulu hi kutlulisa. Hikola ka leswo a Tralwa drakuxwenga drili: Xikwembu Nkulukumba ayalela lava tikukumuxaka, kambe anyika timpswalu lava vatitrongohataka.

I Ptr 1:13

Hileswo-ke, pfukani n'witiya akuyanakanyeni kwenu, hanyani hi kutikhoma, na n'wilavisela hi kuhetiseka atimpswalu leti n'wibuyiseliwiki tone akutipfuleteleni ka Yesu Kriste;

I Ptr 4:11

Loko mhunu avulavula, avulavule swanga swiyangulo swa Xikwembu Nkulukumba; loko mhunu atirela van'wana, aswiyentxe hi ntamu lowu Xikwembu Nkulukumba amunyikaka, kuva ku mintxhumu hinkwayu kutwaliseka Xikwembu Nkulukumba ha Yesu Kriste, lweyi a kutwala ni ntamu swinga swake hi malembe ni malembe, Amen.

I Ptr 4:7

A kuhela ka mintxhumu hinkwayu ku kusuhi. Hileswo-ke tlharihani, n'witikhoma n'witakota akukhongota.

I Ptr 5:5

Hi ndlela yoleyo, na n'wine vampswha, tibekani hansi ku lavakulu; na kone hinkwenu yambalani a kutitrongohata van'we ku van'wana, hikusa Xikwembu Nkulukumba ayalela lava va kutikulisa, kambe anyika timpswalu ku lava va kutitrongohata.

I Ptr 5:8

Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

III Yhn 1:9

Nitraleli papelanyana ku kereke; kambe Diyotrefesi, lweyi a randraka kuva wakusungula makari kwavu, anganiyamukeli.