Rm 12:2 - Testamente Ledrimpswha ni Mapsalma

² N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

Rm 12:2 Iomraidhean Croise

Mt 13:22

Kambe lweyi abyaliwki amitweni hi lweyi ayingelaka a ritu, kutani a kuhlatiyela ka nkama lowu ni kukanganyisa ka vukosi swikamalata a ritu, drindruluka dringabeki mihandru.

Marka 4:19

kambe akuhlatiyela hi swa misava leyi ni kukanganyisiwa hi vukosi, ni ku navela swin'wana, swinhingena swikamalata a ritu driva dripfumala ni mihandru.

Yohana 14:30

Ni ngaha khaneli swakutala na n'wine, hikusa mufumi wa misava leyi awata. Kambe angana ntamu ahenhla kwanga.

Yohana 15:19

Loko afa n'wi va misava, ana misava mirandri swa yone; kambe leswi n'wingeke va misava, ni leswi nin'wihlawuliki makari ka yone; hikolahu a misava man'wivenga.

Yohana 17:14

Nivanyiki ritu draku, kutani misava mivavengile, hikusa ahi va misava, swanga ha mine ningeke wa misava.

Yohana 7:7

A misava mingaka mingan'wivengi, kambe mine manivenga, hikusa nitiyisa vumboni bya leswaku mintiro ya yone mibihile.

Rm 12:1

Vamakweru, nan'witratriya kolahu hi lirandru dra Xikwembu Nkulukumba akuva n'witinyiketa ku yene swanga mhamba leyi ya kuhlawuleka ni leyi yitrhavisaka. Hi droledri gandrelo ledra ntshima ledri n'wifanekelaka ku munyika.

Rm 13:14

Kambe yambalani Hosi Yesu Kriste, n'winga kokeliweni a nyameni akuva n'wita yentxa a kunavela ka yone.

Rm 7:12

Ha kunene, a nawu wuxwengile, na drone leleto drixwengile, mfuri drilulamile ni kuva drinene.

Rm 7:14

Hikuva haswitiva leswaku a nawu i wa Moya, kambe mine ni mhunu wa gome, nixavisiwiki awukaraweni bya xihono.

Rm 7:22

Hikusa, hi mhunu lweyi angandreni kwanga, ninyoxela kulandra a nawu wa Xikwembu Nkulukumba,

I Kor 3:19

Hikusa a vutivi bya misava leyi i vusinge amahlweni ka Xikwembu Nkulukumba; hikuva kutraliwi leswaku: Yene akhoma tintlhari avutlharini bya tone.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

II Kor 5:17

Hiswoswo-ke, loko mhunu ali ku Kriste, i xivumbeko ximpswha. A mintxhumu ya khale mi hundrile, hinkwaswu i swimpswha.

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

Ef 1:18

Akuvaningiwa ka miyanakanyu yenu, akuva n'witakota kutiva akulavisela akuvitaniweni kwenu, ni lifuyo dra kuphatima ka kulavisela ka tinsasi,

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

Ef 5:17

Hikolahu n'wingaveneni lava vanfani, kambe djulani kuyingelisisa leswaku hi kwini a kurandra ka Hosi.

Va-le-Kolosa 1:9

Hileswo-ke, na hine kusukela siku ledri hiyingeliki leswo, a hi yimi kun'wikhongotelela ni kun'wkombelela leswaku n'witala hivutivi byakurandra kwake, avutlharini hinkwabyu ni kuyingelisisa loku pfaka ku Moya wakwe,

Va-le-Kolosa 3:10

Swoswi n'wine n'wiyambalile mhunu mumpswha, lweyi apfuxetiwaka kutiveni, hi xifaniso xa lweyi amuvumbiki;

Va-le-Kolosa 4:12

Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

I Tsl 4:3

Hikusa leswi i kurandra ka Xikwembu Nkulukumba, akuxwengisiwa kwenu: n'wiva kule ni vuwoswi;

Tito 3:5

kungali hi mintiro ya vululami leyi hine himiyentxaka, kambe hi kulandra a lirere drakwe, ahihuluxi hi kuhlampswa loku kunyikaka a vutomi byimpswha, ni kuyentxiwa vampswha hi Moya wa Kuxwenga,

Yakobe 1:27

A vukhongoti bya xihlayelamfuri ni lebya kubasa, amahlweni ka Xikwembu Nkulukumba, Tatana weru, hi lebyi: kuvonelela swirombe ni mafelwa kunonon'hweliweni kwavu, ava lweyi waku kala kutinyamisa hi swa misava.

Yakobe 4:4

Vhanu lava vangadumbekikiki! An'wiswitivi leswaku avunakulobye ni misava i vunala ku Xikwembu Nkulukumba xana? Hileswo-ke, loko mhunu arandra kuva nakulobye wa misava, atiyentxa nala ku Xikwembu Nkulukumba.

I Ptr 1:14

n'wiva swanga vana va kuyingiseta, n'wingayi hi kunavela kwenu ka khale, ankama afaka n'wingasinativa ntxhumu;

I Ptr 1:18

na n'witiva leswaku angavanga hi mintxhumu leyi mibolaka swanga silivela kumbe gole n'witiruliwiki amahanyeleni yenu ya kuka-ndlela, lawa n'wisiyeliwiki hi vatatana venu,

I Ptr 2:3

loko ha kunene n'widringile leswaku a Hosi i yinene;

I Ptr 4:2

akuva n'wingahahanyeli akunaveleni ka ximhunu, kambe n'wihanyela a kurandra ka Xikwembu Nkulukumba.

II Ptr 1:4

Hikola ka leswo, ahinyiki aswidumbiso swake swalisima ledrikulu ngopfu swinene, akuva ha swone n'wiva ni vuhlengeli bya ntumbuluku wa kuhlawuleka wa le henhla-henhla, n'witrutruma ku swinavelo swakubiha swinga kone misaveni.

II Ptr 2:20

Hikolahu ka leswo, loko ntrhaku n'wihulukile kuhonekeni ka misava hi kutiva Hosi yeru ni Muhuluxi Yesu Kriste, amatrhamelo yavu mandruluki matlula lawa ya kusungula hi kubiha.

I Yhn 3:13

Vamakweru n'wingahlamaleni loko a misava min'wivenga.

I Yhn 5:19

Haswitiva leswaku hi va Xikwembu Nkulukumba, ni leswaku a misava hinkwayu mifumiwa hi mubihi.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.