Rm 12:12 - Testamente Ledrimpswha ni Mapsalma

¹² Nyoxani akulaviseleni, n'wiva ni xixixi amahlomulweni, n'witiyisela a kukhongoteni.

Rm 12:12 Iomraidhean Croise

Mt 5:12

Trhavani, n'witrhavisisa hikusa a hakelo drenu i drikulu a Matilweni. Hikusa vaxanisisi xiswoswo na vo vaprofeta lava van'wirangeliki.

Lk 10:20

Nambi swilitanu, n'winganyoxeni hi leswi a mimoya mihluliwaka ha n'wine. Kambe nyoxani hi leswi a mavito yenu matraliwiki Matilweni.

Lk 21:19

Hi kutiyisela kwenu n'witahuluxa mahika yenu.

Lk 8:15

A mbewu leyi yiweliki misaveni leminene, hi vhanu lava yingelaka a ritu hi timbilu leti tinene, vayingiseta kutani vadribekisa, vatiya vanyika a ntrhovelo wunene.

Mintiro Ya Vapostola 1:14

Hinkwavu afa vatiyisela hi mbilu yin'we akukhongoteni, kun'we ni vavasati, na Maria mamana wa Yesu, ni vamakwavu vakwe.

Mintiro Ya Vapostola 12:5

Petrosi, yene, afa alaviseliwa bohelweni, kambe a Kereke afa dritekisa kuya mahlweni hi kumukhongotela ku Xikwembu Nkulukumba.

Mintiro Ya Vapostola 2:42

Hinkwavu afa vakhinyela andondrweni ya vapostola, ni le mpatranweni, ni le kukhemeni ka kati, ni le swikhongotweni.

Mintiro Ya Vapostola 6:4

Hine, hitatiyisela akukhongoteni ni le ntirweni wa kuhlaya ritu dra Xikwembu Nkulukumba.

Rm 15:13

Ingi Xikwembu Nkulukumba, lweyi kulavisela kupfaka ku yene, aan'witate hi kutrhava ni kurula kupfumeleni kwenu, akuva n'wiva lava vayandriki akulaviseleni, hi ntamu wa Moya wa Kuxwenga.

Rm 15:4

Kutani hinkwaswu leswinga kone Matralweni ya Kuhlawuleka switraliwi kuva ndondriso yeru, leswaku hikulehisa mbilu, ni kutiyisiwa hi matralwa, hiva ni kulavisela.

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

Rm 8:25

Kambe loko hine hilavisela leswi hingasiki na swivona, hiswilavisela hi kutiyisela.

I Kor 13:13

Kambe swoswi kuni leswi swiraru: Kupfumela, kulavisela ni lirandru; kambe lexi xikulu ku swone i lirandru.

II Kor 12:8

Ha yone ni khongoti kuraru ku Hosi akuva misuka ku mine.

Va-le-Filipiya 3:1

Hi vugamu vamakweru, ni navela leswaku n'wiva ni kutrhava a Hosini. Ku mine aswi ni nonon'hweli a kupfuxeta leswi ni n'witraleliki, hikusa swin'wifanekelile n'wine.

Va-le-Filipiya 4:4

Miva ni kutrhava hi minkama hinkwayu a Hosini. Ni tlhela ni hlaya ni ku: Trhavani!

Va-le-Kolosa 1:11

n'witiyisiwa hi kutiya hinkwaku, hikola ka ntamu wakutwala kwake, akutiyiseleni hinkwaku n'wilehisa mbilu ni kutrhava.

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

Va-le-Kolosa 4:12

Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

Va-le-Kolosa 4:2

Khinyelani aku khongoteni, na n'wihiteka hi mitlangelo.

I Tsl 1:3

na hi n'widrimuka, hinga karali hikola ka mintiro ya kupfumela kwenu, ku ntiro wenu wa lirandru, ni kutiyisela ka kulavisela ku Hosi yeru Yesu Kriste, amahlweni ka Xikwembu Nkulukumba Tatana weru,

I Tsl 5:8

Kambe hine hingavanhlikanhi, ahitikhomeni, hiyambala xitlhangu xa kupfumela, ni xa lirandru, ni xilembe xa kudumba ka huluko.

II Tsl 1:4

N'wine n'wimhaka ya kutikulisa kweru makari ka makereke ya Xikwembu Nkulukumba hinkonta ya kulehisa ka mbilu, ni ka vupfumeli loku n'wikukombisaka ku tinxaniso hinkwatu ni kunonon'hwa loku n'winga ni kukurwala.

II Tsl 3:5

Ingi a Hosi yinga fambisa timbilu tenu lirandrwini dra Xikwembu Nkulukumba ni kutiya loku pfaka ku Kriste.

I Tmt 6:11

Kambe wene, mhunu wa Xikwembu Nkulukumba, tingawula a mintxhumu yoleyo; uva udjuletela a kululama, ni vukhongoti, ni vupfumeli, ni lirandru, ni kutiyisela, ni kunabyala.

II Tmt 3:10

Kambe wene unilandrisisi adondrweni yanga, ni le mahanyeleni, ni le makungwini, ni le kupfumeleni, ni le kunabyaleni, ni le lirandrwini, ni le kutiyiseleni.

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Tito 3:7

akuva, hiyentxiwa valulami hi timpswalu ta Xikwembu Nkulukumba, hiva hindruluka, swanga hi kulavisela, vadi-va-pfindla dra vutomi lebyi byingahelikiki.

Va-Heberu 10:32

Drimukani-ke, masiku lawa makhalutiki, lawa ntrhaku kakuva n'wivaningeliwile, mitiyiselile kulweni lokukulu ni mahlomulo.

Va-Heberu 10:36

Hikusa swadjuleka n'wiva ni kutiyisela, akuva loko n'witava n'wiyentxile kurandra ka Xikwembu Nkulukumba, n'wikuma leswi n'widumbisiwiki swone.

Va-Heberu 12:1

Hileswo-ke, na hine leswi hi trandreliwaka hi tlavi ledrikulu dra timboni, kolahu, ahitrhikeni a ntrhwalu wini ni wini lowu wuhisivelaka, ni xidoho lexi xitekisaka kuhinamarela hi trutruma hi kutiyisela, hi heta mpfuka lowu hi bekeliwiki wone.

Va-Heberu 3:6

Kambe Kriste, avi swanga n'wana lweyi anga ndlwini yake, yindlu leyi anga hine, loko hi tibekisa hikutiya kukondra kutlhasa vugamu, ni kukulisa kulavisela loku hi tikutikutxaka ha kone.

Va-Heberu 5:7

Yene Yesu, amasikwini ya kuhanya kwake anyameni, ahumexeli hi swidrilo kun'we ni minyembeti leyiminyingi, a swikhongoto ni mintratriyo ku lweyi afaka a kota kumuhuluxa ku lifu, avi ayingeliwa hinkonta ya kutxhava Xikwembu Nkulukumba.

Va-Heberu 6:12

akuva n'wingavi lava valolohaka, kambe n'wiva lava vayetisaka lava vadiki pfindla dra xidumbiso hi kupfumela ni kulavisela.

Va-Heberu 6:15

Hileswo-ke, Abrahamu hi kulehisa mbilu, akumi leswi adumbisiwiki swone.

Yakobe 5:7

Ke, laviselani vamakweru, n'wirindrela kubuya ka Hosi. Lavisani, swanga hi mudrimi akotaka kulavisela, a mihandru leya lisima ya misava, kukondra kuta timpfula ta hlovo ni ta Malanga.

I Ptr 4:13

kambe hi leswi n'wikumaka a yavelo akuxanisekeni ka Kriste, nyoxani, akuva n'witanyoxa hi kutrhava kukulu, akupfuleteliweni ka kuphatima kwake.

I Ptr 4:7

A kuhela ka mintxhumu hinkwayu ku kusuhi. Hileswo-ke tlharihani, n'witikhoma n'witakota akukhongota.

II Ptr 1:6

ni hi vutivi, akutikhoma ha byenu; akutikhomeni loku, n'wiva ni kutiyisela; ni le kutiyiseleni, nwiva ni vukhongoti;

Mpfuletelo 13:10

Lweyi ayisaka van'wana bohelweni, ataya bohelweni. Lweyi atakadlaya hi lipanga, swadjuleka adlayiwa hi lipanga. Hiwolowu nkama wa kutiyisela ni wa kupfumela ka tinsasi.