Rm 12:10 - Testamente Ledrimpswha ni Mapsalma

¹⁰ Randranani hivuxaka, n'wisiya-siyana hiku yentxelana xihluwa.

Rm 12:10 Iomraidhean Croise

Mt 20:26

Swingavi tanu amakari kwenu; kambe lweyi adjulaka kuva lwenkulu amakari kwenu, aavi mutireli wenu;

Lk 14:10

Kambe loko urambiwile, famba uya trhamisa axitrhan'wini xa vugamu, akuva lweyi akurambiki, ataku atlhasa, akubyela: Nakulori, ntlhantukela henhla. Kolahu utatwalisiwa amahlweni ka hinkwavu lava vatrhamiki tafuleni kun'we na wene.

Yohana 15:17

Leswi nin'wileletaka swone hileswaku n'wirandrana!

Yohana 17:21

akuva hinkwavu vava mun'we, swanga ha wene Tatana unga ku mine, na mine ninga ku wene, akuva na vone vava ku hine, kutani misava mitapfumela leswaku unirumile.

Mintiro Ya Vapostola 4:32

A vunyingi bya lava vapfumeliki afa vali mbilu yin'we ni moya mun'we. Mfuri afa kungena mun'we lweyi aliki a mintxhumu leyi anganayu i yake vuswake, kambe hinkwaswu ku vone afa swili swavu hinkwavu.

Rm 13:7

Hilahu-ke hakelane mun'wana-ni-mun'wana leswi fanekelaka: hakelani nhlengo, ku lweyi wa nhlengo; ni tinemba, ku lweyi wa tinemba; vanani ni swihluwa ku lweyi afanekeliwaka hi kuyentxeliwa swihluwa, nyikani kutlakuka ku lweyi afanekeliwaka hi kutlakuxiwa.

Gl 5:13

Hikusa n'wine vamakweru, n'wivitaneliwi kuntrhunxeka; hileswo ke, n'wingatxhuki n'witeka kuntrhunxeka n'wikuyentxa hi kurandra ka nyama, kambe fambani hi lirandru drin'wiyentxa leswaku n'witirelana van'we ni van'wana.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

Va-le-Filipiya 2:3

N'wingayentxi ntxhumu hi kukanetana, nambi kutidrumisa, kambe hi kutitrongohata, mun'wana-ni-mun'wana ayanakanyi leswaku i ntrongo ku van'wana.

Va-le-Kolosa 1:4

hikusa hiyingeli kupfumela kwenu ku Kriste Yesu, ni lirandru ledri n'widrikombisaka ku vapfumeli hinkwavu.

I Tsl 4:9

Ku leswi faneliki hi talirandru ku vamakwenu kupfumeleni, a swahafanekeli kun'witralela ntxhumu, hikuva n'wifambisiwa hi Xikwembu Nkulukumba kuko n'wirandrana van'we ni van'wana;

II Tsl 1:3

I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

Va-Heberu 13:1

Yanani mahlweni n'wiva ni lirandru drawu kwavu.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Ptr 2:17

Vana ni xihluwa ku hinkwavu, randrani a vukwavu, txhavani Xikwembu Nkulukumba, n'wivani xihluwa ku mufumi.

I Ptr 5:5

Hi ndlela yoleyo, na n'wine vampswha, tibekani hansi ku lavakulu; na kone hinkwenu yambalani a kutitrongohata van'we ku van'wana, hikusa Xikwembu Nkulukumba ayalela lava va kutikulisa, kambe anyika timpswalu ku lava va kutitrongohata.

II Ptr 1:7

hi vukhongoti, n'wirandrana, hi kurandrana ka lirandru.

I Yhn 4:11

Varandriwa, loko Xikwembu Nkulukumba ahirandrisi xileswi, na hine hinfanela hirandranana van'we-ku-van'wana.

I Yhn 4:20

Loko mhunu aku arandra Xikwembu Nkulukumba, nakasi ahambula makwavu, ani madrimi. Ha kunene, lweyi angarandrikiki makwavu, lweyi amuvonaka, anganakuswikota akurandra Xikwembu Nkulukumba, lweyi angamuvonikiki!