Rm 11:25 - Testamente Ledrimpswha ni Mapsalma

²⁵ Hikusa anirandri vamakweru, leswaku n'wikohla hi xihundla lexi, (akuva n'wingatitxhuka n'witiyanakanya leswaku n'witlharihile). Leswaku Israyele hi tlhelo drin'we, leswaku ava-matiko hinkwavu vakondra vanhingena.

Rm 11:25 Iomraidhean Croise

Mt 13:11

Avayangula aku: N'wine n'winyikiwi kutiva a swihundla swa Mfumu wa Matilo; kambe vone avanyikiwanga.

Lk 21:24

Vatawa hi vukari bya lipanga, vatayisiwa wukaraweni amatikweni hinkwawu. Mfuri Yerusalema atakandreteliwa hi va-Matiko, a minkama ya va-Matiko mikota mihela.

Yohana 10:16

Nakone, nini tihamba tin'wana leti tingeke ta ranga ledri. Nifanela kutibuyisa na tone. Titatayingela ritu dranga, kutani titava ntlhambi mun'we, tiva na Mubyisi mun'we.

Rm 1:13

Anirandri mfuri vamakweru, leswaku n'wikohla leswaku ha kanyingi niyentxi makungu ya kun'wiyendrela, akuva na kone nikuma mihandru swanga hi leswi swiyentxekaka makari ka van'wana.

Rm 11:12

Xileswo, loko a xidoho xavu xindruluki kulondrovota ka misava, na kone a kuhluleka kwavu kutireli vupfundri ku man'wana matiko, ngopfu-ngopfu kundruluka kwavu atava tovoko ledri drikulu.

Rm 11:24

Hikusa leswi ungatremiwa a nhlwarini wa nhova, hikuhambana ni leswi i nga ntumbuluku, utlhomiwi anhlwarini lowu wunene. Hikolahu swa nabyala kutlhoma tinkambu ta nhlwari lowu wunene ansinyeni wa ntshima.

Rm 12:16

Hanyani hi kuyingelana amoyeni mun'we; n'wingatidjuleli leswi tlakukiki, kambe yamukelani leswi trongahatekiki; n'winga tikuliseni hi leswi n'wiswitivaka.

Rm 16:25

I Xikwembu Nkulukumba lweyi angaswikotaka a kun'wiyentxa n'witiya kupfumeleni, kufambelana ni Ivangeli leyi niyitivisiki ni hi ritu dra Kriste, swanga hi leswi hi nyikiwiki kutiva kungu dra matilo dra huluxo. A kungu ledro, dri fihliwiki kehe ku minkama hinkwayu,

Rm 9:18

Hi xileswo, Yene ani lilondro ku lweyi amurandraka, ni kunonon'hwisa mbilu ya lweyi amuvonaka.

I Kor 10:1

Ke vamakweru, anirandri leswaku n'wiva a kukohlekeni ka leswi a vatatana veru hinkwavu vakumekiki a hansi ka tlavi, hinkwavu vaweliki a lwandle;

I Kor 12:1

Vamakweru, mayelano ni tinyiko ta Moya, anidjuli leswaku n'wikohleka.

I Kor 2:7

kambe hivulavula hi vutlhari bya Xikwembu Nkulukumba, anga xihundla lexi xifihlekiki, lebyi Xikwembu Nkulukumba abyibekiseliki a kutwala kweru na minkama mingasinava kone;

I Kor 4:1

Xiswoswo, a vhanu hinkwavu avavoni swanga vatireli va Kriste, ni valaveleli va swihundla swa Xikwembu Nkulukumba.

Ef 1:9

ahipfuletela xihundla xa kurandra kwake, hikola ka vumbilu byake afaka ayanakanyile kuma yentxa ha Kriste.

Ef 3:9

ni fanekela kunyika hinkwavu kutiva makungu ya xihundla lexi Xikwembu Nkulukumba mutumbuluxi wa hinkwayu mintxhumu, leyi angalulamisa kusukela kusunguleni angan'wikombisanga.

Ef 4:18

A miyanakanyu yavu mile munyameni, vatravukanile kule ni vutomi bya Xikwembu Nkulukumba, hiku kohleka loku kunga kone ku vone, hinkonta ya kunono'hwa ka timbilu tavu;

II Ptr 3:8

Vanakulori, kahali ni ntxhumu mun'we lowu n'wingafaneliki kuwudrivala: hileswaku siku drin'we ku Hosi drakuva swanga khume dra madzana ya malembe, ni khume dra madzana ya malembe swanga siku drin'we.

Mpfuletelo 1:20

Hi lowu a ntlhamuxelo wa xihundla xa ntlhanu na tibiri wa tinyeleti, leti utivoniki avokweni dranga dra xinene, ni xa ntlhanu na mabiri wa mimotre, ya gole: A ntlhanu na tibiri wa tinyeleti i tintrumi ta ntlhanu na mabiri wa makereke; kasi-ke a ntlhanu na mabiri wa mimotre hi ntlhanu na mabiri wa makereke.

Mpfuletelo 10:7

kambe amasikwini ya ntrumi ya vuntlhanu na tibiri, loko yitayimba a nanga, kutahetiseka a xihundla xa Xikwembu Nkulukumba, swanga hi leswi yene ativisiki ku malandra yake, a vaprofeta.

Mpfuletelo 11:15

A ntrumi ya vuntlhanu na tibiri yiyimba a nanga. Kutani kuva ni maritu makulu atilweni, na maku: A mfumu wa misava wundruluki wuva wa Hosi yeru, ni wa Kriste wakwe, lweyi atakafuma hi madzana-ni-madzana ya malembe!

Mpfuletelo 7:9

Ntrhaku ka leswo, nivoni ntalu wukulu wa vhanu, lowu afaka kungali na lweyi angakotaka kuhlaya a ntrengo wa wone, vapfaka hi le ku matiko hinkwawu, tinxaka ni tindrimi hinkwatu. Vayimi mahlweni ka xitrhamu-xa-vufumi ni le mahlweni ka Hambana, na vayambali swiyambalu swa ntlhohe, na vani minkindru amavokweni yavu,