Rm 10:17 - Testamente Ledrimpswha ni Mapsalma

¹⁷ Hileswo-ke a kupfumela kupfa kuyingeleni, kambe akuyingela kupfa aritwini dra Xikwembu Nkulukumba.

Rm 10:17 Iomraidhean Croise

Marka 4:24

Kutani ayengeta aku ku vone: Tivonelani ku leswi n'wiswiyingelaka! A mpimu lowu n'witakapima van'wana ha wone, hi wolowo n'witakapimiwa ha wone na n'wine hi Xikwembu Nkulukumba, mfuri n'witayengeseliwa.

Lk 11:28

Kambe Yesu aku: Ngopfu vakatekile lava vayingelaka Ritu dra Xikwembu Nkulukumba vava vadribekisa.

Lk 8:11

A xifaniso lexi xidjula kuhlaya leswi: A mbewu i Ritu dra Xikwembu Nkulukumba.

Lk 8:21

Kutani yene aku: A mamana wanga ni vamakweru hi lava vayingelaka a ritu dra Xikwembu Nkulukumba, vava vadriyentxa.

Yohana 1:37

A vadondrisiwa lavo vabiri, vatiki vayingela leswi aswihlayaka, valandra Yesu.

Rm 1:16

Aninatingana hi Ivangeli ya Kriste. Hikusa kunene hi wone ntamu wa Xikwembu Nkulukumba wa kuhanyisa hinkwavu lava pfumelaka, kusungula a va-Yuda ni va-Matiko.

Rm 10:14

Kambe, xana vata khongotisa kuyini ku lweyi vangasikina pfumela ku yene? Kumbe vata pfumelisa kuyini loko vanga yingelanga kukhaneliwa ha yene? Kumbe vatayingelisa kuyini loko kungena lweyi a varerelaka Ivangeli?

II Kor 2:17

Hikusa ahifani ni lava vakutala, lava vayentxaka bindru hi Ritu dra Xikwembu Nkulukumba; hi kusungula, hi vulavula ku Kriste swanga lava vapfaka ku Xikwembu Nkulukumba, ni hi kutitrongohata mahlweni ka Xikwembu Nkulukumba.

Gl 3:2

Nidjula kutiva ntsena leswi: N'wiyamukeli Moya, hinkonta ya mintiro ya nawu, kumbe hi kuyingela ka kupfumela?

Gl 3:5

Lweyi an'wiyavelaka Moya, lweyi atiraka mintamu, xana aswiyentxi hi mintiro ya nawu, kumbe hi kuyingela ka kupfumela xana?

Va-le-Kolosa 3:16

A ritu dra Kriste adrihanyi hi kuyandra ku n'wine, akutiveni hi hinkwaku, n'widondrisana ni kukwhavelana van'we ku van'wana hi kuyimbelela hi Mapsalma, ni tinsimu ta moya, n'wiyimbelelela Xikwembu Nkulukumba, n'witlangela hi mbilu hinkwayu.

I Tsl 2:13

Nakone ku leswo hi tlangela Xikwembu Nkulukumba, hikukhinyelela, hi kuva n'wiyamukeli ritu dra Xikwembu Nkulukumba hi kurera kweru, ledri driviki ritu ledri n'wiyamukeliki. Hikuva afaka dringe ritu dra vhanu, kambe afaka drili ritu dra xihlayelamfuri, ledri dritiraka ku n'wine vapfumeli.

Va-Heberu 4:2

Hikusa na hine hi yamukeli Ivangeli kufana na vone. Kambe a ritu ledri vangadriyingela adrivapfunanga ntxhumu, hikusa lava vangadriyingela ava driyamukelanga hi kupfumela.

I Ptr 1:23

n'wine n'wibelekiwi dra vubiri, kungali hi mbewu leyi yibolaka, kambe leyi yingabolikiki hikola ka Ritu dra Xikwembu Nkulukumba, ledri drihanyaka mfuri dringa kone minkama hinkwayu.

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.