Mt 6:2 - Testamente Ledrimpswha ni Mapsalma

² Hileswo-ke, loko unyika xinyiko, ungatxhuki uyimba nanga amahlweni kwaku, swanga hi leswi a vamandrendre vayentxisaka xiswone, amasinagogeni ni le maruweni, akuva vhanu vatavatwalisa. Nihlayelamfuri nili ku n'wine: xileswo, vone vayamukelile a hakelo dravu.

Mt 6:2 Iomraidhean Croise

Mt 15:7

Va mandrendre! An'wiprofetile mfuri Ezaya loko aku:

Mt 16:3

Amixweni n'wili: Dritadruma, namuhla, hikusa drizukile, drimphumi ngopfu. Vamandrendre! N'witiva kutrotra mavonekela ya tilo, kambe a swikombiso swa minkama swan'wikohla?

Mt 22:18

Kambe Yesu ativiki miyanakanyu yavu ya kubiha, aku ku vone: Va mandrendre, hayini n'winidringa?

Mt 23:5

Hinkwaswu leswi vaswiyentxaka, vaswiyentxela akuva vatavoniwa hi vhanu. Hikusa vayanamisa tifilatera tavu, valehisa ni makhaxa ya swiyambalu swavu.

Mt 23:6

Varandra a vutrhamu bya xihluwa aminkhubyini, ni switrhamu swa le mahlweni amasinagogeni,

Mt 24:51

kitani atamutravukanyisa, amunyika vutrhamu byake kun'we ni vamandrendre. Lahu kutava ni xidrilo ni kuketrela ka menyo.

Mt 5:18

Nihlayelamfuri nili ku n'wine: Loko a tilo ni misava swingasinahundra, kungatisusiwa a Nawini letela kumbe xintrhatana xin'we, na hinkwaswu swingasinahetiseka.

Mt 6:16

Loko n'wititrona, n'wingavi fana ni va mandrendre lava vatiwonyanisaka mimombo; hikusa vatimphumisa liso, akuva switavoneka avhanwini leswaku vatitrona. Nihlayelamfuri, nili ku n'wine: vakuma a hakelo dravu.

Mt 6:3

Kambe wene, loko unyika xinyiko, a voko draku dra ximantrhi dringavitiva leswi swiyentxiwaka hi dra xinene;

Mt 6:5

Loko n'wikhongota n'wingayentxi swanga hi vhanu va mandrendre lava varandraka a kukhongota na vayimile, amasinagogeni ni le matlhanganwini ya maruwa, akuva vatavoniwa hi vhanu. Nihlayelamfuri leswaku a vhanu lavo vayamukeli khale a hakelo dravu.

Mt 7:5

N'wamandrendre! Susa kusungula a ntrandra lowu wunga tihlweni draku, hi kone-ke utakavona swinene a ntwanyi lowu wunga tihlweni dra makwenu.

Marka 12:39

Varandra switrhamu swakuranga amasinagogeni, ni le minkhubyini.

Marka 7:6

Yene avayangula aku: Ezaya ahlayelimfuri loko ahlayi tenu vamandrendre swanga hi leswi switraliwiki: A tiko ledri drinitxhava hi maritu, kambe a timbilu tavu ti le kule na mine.

Lk 11:41

Hananani swisiwana kusungula ku leswi n'winganaswu, hi kone n'witaka basiseliwa hinkwaswu.

Lk 11:43

Yowee n'wine vafarisi! N'wirandraka vutrhamu bya kuranga amasinagogeni ni kulosiwa a tihubyini.

Lk 12:33

Xavisani leswi n'winga naswu, n'winyika a swisiwana. Tiyentxelani minkwama ya mali leyi ya kuka minga honeki, ni nhlengwe leyi yinga helikiki Matilweni, lomu a muyivi angatlhasikiki, ni laha a nsumba yinga honikiki kone.

Lk 12:56

N'wi vamandrendre! N'waswikota kupimisa mavonekela ya misava ni ya tilo; kambe xana a swikombiso swa nkama lowu an'wiswikoti hayini kuswipimisa?

Lk 13:15

Kambe a Hosi yi muyangula yiku: N'wi vamandrendre! A mun'wana-ni-mun'wana wenu xana angantrhunxi a homu yake, kumbe mbongolo, axidelweni hi Savata, ayiyisa kunweni?

Lk 20:46

Nikutidjulela switrhamu swale mahlweni amasinagogeni, ni vutrhamu lebyi bya kuranga aswilalelweni.

Lk 6:24

Kambe, yowee, n'wine vafuyi, hikusa n'wikumi khale a kumiyetiwa kwenu.

Lk 6:42

Xana ungahlayisa kuyini ku makwenu uku: Makweru, tana nisusa a ntwanyi lowu wunga tihlweni draku, kasi wene awuwuvoni a ntrandra lowu wunga tihlweni draku? N'wamandrendre! Ranga ususa a ntrandra atihlweni draku, kahangava kone-ke utakavonisisa a kususa a ntwanyi atihlweni dra makwenu.

Yohana 13:29

A van'wana vayanakanyi leswaku, leswi Yudasi afaka ali mutameli wa xikhwama xa mali, Yesu amubyela kuya xava a swa nkhuvu leswi swidjulekaka, kumbe kuya nyika xa ntxhumu ku swisiwana.

Yohana 5:41

Aniyamukeli kutwalisiwa loku kuhumaka vhanwini;

Yohana 5:44

Xana n'wingapfumelisa kuyini leswi n'wirandraka kutwalisana, n'wingadjuli kutwalisiwa loku pfaka ku Xikwembu Nkulukumba ha swake?

Yohana 7:18

Lweyi ativulavulelaka a swake ntsena, atidjulela kutwalisiwa, kasi lweyi adjulaka kutwalisa lweyi amurumiki, yelweyi adumbekile, akuna kusomboloka ku yene.

Mintiro Ya Vapostola 10:2

Afa ali mhunu wa vukhongoti, lweyi atxhavaka Xikwembu Nkulukumba kun'we ni va ndangu wakwe hinkwavu, afaka apfuna ngopfu amakari ka tiko hi swihananu, ni kukhongota Xikwembu Nkulukumba nkama hinkwawu.

Mintiro Ya Vapostola 10:31

lweyi atiki ku mine: Korneliyo, Xikwembu Nkulukumba ayingeli xikhongoto xaku ni kudrimuka swihananu swaku ku lava vapfumalaka.

Mintiro Ya Vapostola 10:4

Ayilavisiki, asungula kutxhava aku: Impswini, wene Hosi? Kutani a ntrumi yiku ku yene: a swikhongoto ni swihananu swaku switlhantukeli mahlweni ka Xikwembu Nkulukumba, xiva xidrimuko ku Yene.

Mintiro Ya Vapostola 11:29

Kolahu-ke a vadondrisiwa vatrimba mhaka ya leswaku, vatarumela vamakwavu lava vanga Yudeya a swakuvapfuna, swanga hi leswi mun'wana-ni-mun'wana atakaswikuma

Mintiro Ya Vapostola 24:17

Kuhundriki malembe manyingi, nibuyeli, kubuyisa a swihanano ku tiko dra kweru ni kutatahamba a timhamba.

Mintiro Ya Vapostola 9:36

A mutini wa Yopa, afa kuni mudondrisiwa wa wansati, a vito drakwe hi Tavita, hi Xigirika swihlayaka Dorkasi, Mhunti. Yene afa atali hi mintiro leminene ni kupfuna swisiwana.

Rm 12:8

lweyi angani nyiko ya kutiyisa vambeni, a avatiyise; lweyi ayavelaka leswi anga na swone ayavele hi vumbilu, lweyi arangelaka, aswiyentxa hi lipfalu hinkwadru, lweyi a pfunaka lava pfumalaka, avapfune na atrhavile.

I Kor 13:3

Mfuri nambi loko ningayavela a vukosi byanga hinkwabyu, nambi ninganyikela a miri yanga wuhisiwa akuva nititwalisa, loko ningalina lirandru, aswinipfuni ha ntxhumu.

Gl 2:10

Ve kuhlaya leswaku hi drimuka swisiwana, hiswoswi na kone afaka ni tiyisa kuswiyentxa.

Ef 4:28

Lweyi afaka ayiva angaha yive! Kambe aatire leswinga swinene hi ntshima ya mavoko yake, akuva atakota a kupfuna ni lava vapfumalaka.

I Tsl 2:6

Ahidjulisisanga kutwalisiwa loku kuhumaka vhanwini, nambi ku n'wine, nambi kuva van'wana;

I Tmt 6:18

ni leswaku vayentxa leswinene, vava swipfundri hi mintiro leminene, vavani nkhinkhi akuhananeni, vava vanabyala akuva vayavela a swavu;

Filimoni 1:7

Hiswoswo makweru, nive ni kutrhava loku kulu ni kumiyetiwa hinkonta ya lirandru draku, hikusa a timbilu ta tinsasi ti rulisiwa ha wene.

Va-Heberu 13:16

N'wingadrivali kuyentxa leswi swinene ni kuyavelana leswi n'winga naswu van'we ku van'wana, hikusa hikola ka switlhavelo leswo, Xikwembu Nkulukumba awatitrhavisa.

I Ptr 4:11

Loko mhunu avulavula, avulavule swanga swiyangulo swa Xikwembu Nkulukumba; loko mhunu atirela van'wana, aswiyentxe hi ntamu lowu Xikwembu Nkulukumba amunyikaka, kuva ku mintxhumu hinkwayu kutwaliseka Xikwembu Nkulukumba ha Yesu Kriste, lweyi a kutwala ni ntamu swinga swake hi malembe ni malembe, Amen.