Mt 5:7 - Testamente Ledrimpswha ni Mapsalma

⁷ Vakatekile lava vangani lirere, hikusa vatavayentxeliwa lirere na vone!

Mt 5:7 Iomraidhean Croise

Marka 11:25

Nakone loko n'wikhongota, drivalelani lweyi n'wingavakani mhaka na yene, akuva na Yene Tatana wenu lweyi anga Matilweni an'widrivalela a swidoho swenu. [

Lk 6:35

Kambe randrani a valala venu, n'wivayentxela leswi swinene, n'wiva n'wivolekisa na n'wingalaviseli hakelo. Hikone-ke a hakelo drenu dritakava drikulu, kutani n'witava vana va Xikwembu Nkulukumba wa le Henhla-henhla, hikusa na yene ani vumbilu ku lava vangativikiki kutlangela ni lava vamfani.

Rm 11:30

Swanga hi leswi na n'wine nkama mun'wana n'wingatiyalisa ku Xikwembu Nkulukumba, kambe swoswi, leswi va-Yuda vatiyalisiki, n'wine mi yamukeli kutretrelela ka Xikwembu Nkulukumba.

I Kor 7:25

Hi tlhelo dra vanhwanyana lava vangasikitivana ni vavanuna, anina nawu wa Hosi, kambe ninyika a mavonela yanga, swanga mhunu lweyi ayamukeliki a kutretreleliwa hi Hosi akuva nidumbeka.

II Kor 4:1

Hileswo-ke, leswi hingani vutireli lebyi, hikola ka lirere ledri hiyentxeliwiki drone, ahi heli timbilu.

Ef 4:32

Vanani lava vapfunanaka, ni kuvavelelana, n'widrivalelana mun'we ni mun'wana, swanga hi leswi Xikwembu Nkulukumba an'widrivaleliki ha Kriste.

Va-le-Kolosa 3:12

Leswi angavahlawuliwa va Xikwembu Nkulukumba, vaxwengi ni varandriwa hi leswo-ke vanani ni lilondro ni vunene, kutitrongohata ni kunabyala, ni kulehisa ka mbilu.

I Tmt 1:13

mine lweyi kusungula afaka nili mufingeti ni muxanisi, ni muyeyisi; kambe niyentxeliweke lirere hikusa nayentxi hi kukala ningaswitivi, ni kuka-vupfumeli.

I Tmt 1:16

Kambe hikola ka leswo, niyentxeliwi lirere akuva Yesu Kriste akombisa ha mine ninga lwenkulu, a kulehisa hinkwaku ka mbilu, swiva xikombiso ku lava afaka vatakapfumela ku yene, akuva vakuma vutomi lebyi byingahelikiki.

Va-Heberu 4:16

Ahitrhindrekeleni-ke, hi kudumba hinkwaku axiluvelweni xa timpswalu, akuva hiyamukela lirere ni timpswalu ni kukuma kupfuniwa ankameni lowu fanekelaka.

Va-Heberu 6:10

Hikusa Xikwembu Nkulukumba angana mona, akuva adrivala ntiro wenu ni lirandru ledri n'widrikombisiki ku vito drakwe, hikusa n'witirelile, mfuri n'wahata tirela vahlawuliwa.

Yakobe 2:13

Hikusa a tremo dritava drakukala lirere ku lweyi atakava na angakombisanga lirere, a lirere drititwalisa henhla ka tremo.

Yakobe 3:17

Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

I Ptr 2:10

n'wine lava a khale afaka n'wingali tiko, kambe swoswi n'winga tiko dra Xikwembu Nkulukumba, a khale afaka n'wingayamukelanga a lirere dra Xikwembu Nkulukumba, kambe swoswi n'wiyamukeli lirere.