Mt 5:16 - Testamente Ledrimpswha ni Mapsalma

¹⁶ A kuvaninga kwenu akuvaningisi xiswoswo amahlweni ka vhanu, akuva vatakota kuvona a mintiro yenu leminene, vatatwalisa Tatana wenu lweyi anga Matilweni.

Mt 5:16 Iomraidhean Croise

Mt 23:5

Hinkwaswu leswi vaswiyentxaka, vaswiyentxela akuva vatavoniwa hi vhanu. Hikusa vayanamisa tifilatera tavu, valehisa ni makhaxa ya swiyambalu swavu.

Mt 23:9

Mfuri n'wingatxhuleni mhunu Tatana wenu laha misaveni, hikusa Tatana wenu i mun'we ntsena, lweyi wa le Matilweni.

Mt 5:45

akuva n'witava vana va Tatana wenu lweyi anga Matilweni, hikusa atlhavisa a dambu drakwe a henhla ka lava vanene ni ku lava vamfani, anisa a mpfula ku lava vanene nambi ku lava vamfani.

Mt 6:16

Loko n'wititrona, n'wingavi fana ni va mandrendre lava vatiwonyanisaka mimombo; hikusa vatimphumisa liso, akuva switavoneka avhanwini leswaku vatitrona. Nihlayelamfuri, nili ku n'wine: vakuma a hakelo dravu.

Mt 6:9

Hileswo-ke n'wifanela kukhongotisa xileswi: Tatana weru lweyi anga Matilweni. A vito draku adrihlawuliwe,

Mt 9:8

Loko a switrhungu swivoni leswo, swiveni kutxhava, kutani switwalisa Xikwembu Nkulukumba, lweyi anyikiki ntamu wolowo ku vhanu.

Lk 11:2

Yesu aku ku vone: Loko n'wikhongota, hlayani n'wiku: Tatana a vito draku adrihlawuliwe. Awute a Mfumu waku.

Yohana 15:8

Tatana wanga atwalisiwa hi loko n'wibeka mihandru yakutala, akukombisa leswaku n'wi vadondrisiwa vanga.

Mintiro Ya Vapostola 9:36

A mutini wa Yopa, afa kuni mudondrisiwa wa wansati, a vito drakwe hi Tavita, hi Xigirika swihlayaka Dorkasi, Mhunti. Yene afa atali hi mintiro leminene ni kupfuna swisiwana.

I Kor 14:25

leswi swifihlekiki ambilwini yake switativonekisa, laho-ke atatiwisa hi mombo, agandrela Xikwembu Nkulukumba na aku: Kunene, Xikwembu Nkulukumba akone amakari kwenu!

II Kor 9:13

Loko va vona ntiro lowu, vata drumisa Xikwembu Nkulukumba, hinkonta yakuyingiseta kwenu akutihlayeni kwenu ka Mahungu lawa manene ya Kriste, ni hinkonta ya kuhanana kwenu loku kukulu ku vone, ni le kuhinkwavu.

Gl 1:24

Kutani afa vadrumisa Xikwembu Nkulukumba hinkonta yanga.

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

Ef 5:8

Khale n'wine afa n'wimunyama, kambe swoswi n'wilivaningo a Hosini; Fambani swanga hi vana va livaningo.

I Tsl 2:12

akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

I Tmt 2:10

kambe avatixongise hi leswi swifanekelaka a vavasati lava vatxhavaka Xikwembu Nkulukumba, anga mintiro leminene.

I Tmt 5:10

ani vumboni bya leswaku aveni mintiro minene, awundli swinene a vana vakwe, arureli vayeni, ahlampswi a minkondro ya vahlawuleki, apfuni vaxaniseki, ni leswaku a tinyiketeli amintirweni hinkwayu le minene.

I Tmt 5:25

Hi xiswoswo, a mintiro le minene mi le livaleni, mfuri leyi mihambanaka na yone, amina kufihleka.

I Tmt 6:18

ni leswaku vayentxa leswinene, vava swipfundri hi mintiro leminene, vavani nkhinkhi akuhananeni, vava vanabyala akuva vayavela a swavu;

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Tito 2:7

ku mintxhumu hinkwayu, na wene utikombisa swanga xikombiso amintirweni leminene; akudondriseni, vana lweyi angasolekiki mfuri afanekelaka hi xihluwa,

Tito 3:14

Na vone a vaka-kweru avadondre a kutinyiketela amintirweni leminene lomu kunganikuvilela, akuva vangativa lava vakuka-vangabindruli mihandru.

Tito 3:4

Kambe loko kuvoneki a vunene bya Muhuluxi weru, Xikwembu Nkulukumba, ni lirandru drakwe ku vhanu,

Va-Heberu 10:24

Hiva hi yanakanyana van'we ku van'wana, hi kutxetelana lirandrwini ni le mintirweni leminene.

I Ptr 2:12

n'wiva ni mahanyela manene amakari ka va-Matiko, akuva, leswi van'wihlevaka ha swone swanga tinsulavoya, hi kuvona a mintiro yenu leminene, vatatwalisa Xikwembu Nkulukumba hi siku ledri atakavayendrela ha drone.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

I Ptr 3:1

Vavasati, na n'wine tibekani hansi amahlweni ka vanuna venu, akuva loko kuni lava vayalaka a ritu, hi mahanyela yenu, kungali hi kuvulavula, na vone vakokiwa,

I Ptr 3:16

kambe swiyentxani hi kunabyala ni xitxhavu, n'wivani lipfalu ledrinene, akuva, ku leswi van'wifingetaka ha swone, vava ni tingana lava van'wifingetaka hi mahanyela yenu lawa manene ku Kriste.

I Ptr 4:11

Loko mhunu avulavula, avulavule swanga swiyangulo swa Xikwembu Nkulukumba; loko mhunu atirela van'wana, aswiyentxe hi ntamu lowu Xikwembu Nkulukumba amunyikaka, kuva ku mintxhumu hinkwayu kutwaliseka Xikwembu Nkulukumba ha Yesu Kriste, lweyi a kutwala ni ntamu swinga swake hi malembe ni malembe, Amen.

I Ptr 4:14

Loko n'wirukiwa hinkonta ya vito dra Kriste, n'wikatekile, hikusa a Moya wa kuphatima, wunga wa Xikwembu Nkulukumba, wu le henhla kwenu.