Mt 22:16 - Testamente Ledrimpswha ni Mapsalma

¹⁶ Vahangaruma ku yene a vadondrisiwa vavu, kun'we ni va-Heroda, vayaku: Mudondrisi, haswitiva leswaku uwa xihlayelamfuri, ni leswaku udondrisa a ndlela ya Xikwembu Nkulukumba hi xihlayelamfuri; ni leswaku awutxhavisiwi hi mhunu hikuva awulangusi vuso bya mhunu.

Mt 22:16 Iomraidhean Croise

Mt 22:24

Mudondrisi, Moxe ahibyeli leswaku loko a mhunu afa na angakumanga n'wana, a makwavu afanela kutekana ni mufelwa ava nkatakwe atapfuxela vana a makwavu lweyi afiki.

Mt 22:26

Swiva tanu ku lweyi wa vubiri, ntrhaku ni lweyi wa vuraru, kuko swiyatlhasa ku lweyi wa vuntlhanu na vubiri.

Mt 26:18

Yene aku ku vone: Fambani amutini, a kaya ka manyana, n'wiyaku ku yene: A Mudondrisi ali: A nkama wanga wu kusuhi! Nitada a Paska a kaya kwaku, kun'we ni vadondrisiwa vanga.

Mt 26:49

Ahangahatla atrhindrekela Yesu, aku ku yene: Xawani, Rabbi! Kutani amunyunta.

Marka 10:17

Kuti loko Yesu ahumi kone, akhoma a ndlela, mun'we mhunu atrutruma ata ku yene, akhisama, amuvutisa aku: Mudondrisi lweyi munene, xana nitayentxa yini akuva nitada a pfindla dra vutomi lebyi byingahelikiki?

Marka 12:13

A va-Yuda varumi ku Yene van'we va vafarisi ni va ntlawa wa Heroda, akuva vaya muphasa hi maritu.

Marka 12:14

Vatlhasiki ku Yene vaku: Mudondrisi, haswitiva leswaku uwa xihlayelamfuri, awutihlatiyelisi ha mhunu. Hikusa awulavisi vuso bya vhanu, kambe udondrisa andlela ya Xikwembu Nkulukumba swinene. Xana swapfumeleliwa kuhumexela Khezari a tinemba kumbe ahi swone, xana? Hihumexa kumbe hingahumexi?

Marka 3:6

Vatiki vahuma a vafarisi, vahatla vahlengeletana ni va-Heroda vakhanela makungu ya leswaku xana vatamudlayisa ku yini Yesu.

Marka 8:15

Kutani Yene avaleleta aku: Lavisani! Tivonelani ku handrelo ya vafarisi ni handrelo ya Heroda.

Lk 20:21

Vamuvutisa vaku: Mudondrisi, haswitiva leswaku uhlaya uva udondrisa hi kululama, na ungalavisi liso dra mhunu; na kone udondrisa ndlela ya Xikwembu Nkulukumba hi xihlayelamfuri.

Lk 7:40

Yesu aku ku mufarisi: We Simoni nini mhaka leyi nidjulaka a kukubyela yone. Yene aku: yihlaye, Mudondrisi.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 18:37

Pilato aku ku yene: Xana u Hosi wene? Yesu ayangula, aku: Uhlaya swone, ni Hosi. Nipswaleliwi swone, niteli swone amisaveni leyi, akuva natatatiyisa xihlayelamfuri. Mun'wana-ni-mun'wana lweyi anga wa xihlayelamfuri, ayingiseta ritu dranga.

Yohana 7:18

Lweyi ativulavulelaka a swake ntsena, atidjulela kutwalisiwa, kasi lweyi adjulaka kutwalisa lweyi amurumiki, yelweyi adumbekile, akuna kusomboloka ku yene.

II Kor 2:17

Hikusa ahifani ni lava vakutala, lava vayentxaka bindru hi Ritu dra Xikwembu Nkulukumba; hi kusungula, hi vulavula ku Kriste swanga lava vapfaka ku Xikwembu Nkulukumba, ni hi kutitrongohata mahlweni ka Xikwembu Nkulukumba.

II Kor 4:2

Hi trhikile amintxhumu leyi mifihliwiki leyi mikhomisaka tingana; ahi yentxi hi marengu, nambi kuli kusombolota ritu dra Xikwembu Nkulukumba; hikuhambana, nitinyiketa kutivisa alivaleni a xihlayelamfuri ku vhanu lavangani lipfalu, amahlweni ka Xikwembu Nkulukumba.

II Kor 5:16

Xileswo, hine, kusukela swoswi kuya mahlweni, ahahadjuli kutiva mhunu hi mayentxela ya nyama; ke, loko kusungula hitivile Kriste hi mayentxela ya nyama, kusukela swoswi ahahamutivisi xiswone.

Gl 1:10

Swingava leswaku, mine swoswi, ni djula wupfuno bya vhanu kumbe bya Xikwembu Nkulukumba xana? N'wiyanakanya leswaku xana nidjula kunyoxisa vhanu xana? Loko ni djula leswo, afa ningativa nandra wa Kriste.

Gl 2:6

Kasi, ku lava afaka va voneka swanga hi loko vali kutwala ka ntamu ku van'wana volavu, kumbe va ve ni xiyimu, aswina ntxhumu ku mine; hikusa Xikwembu Nkulukumba angalavisi xiyimo xa mhunu, lavo, nihlaya swaku, ni va voni swanga ntxhumu, kambe avaniyengetelanga ntxhumu.

I Tsl 2:4

Kambe swanga hi leswi hipfumeleliwiki hi Xikwembu Nkulukumba, akuva hidumbiwa Ivhangeleni, hihlayisa xiswoswo, na ingekutrhavisa vhanu, kambe kukutrhavisa Xikwembu Nkulukumba, lweyi a kambaka timbilu teru.

Yakobe 3:17

Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.