Mt 16:21 - Testamente Ledrimpswha ni Mapsalma

²¹ Akusukela nkama lowo Yesu asunguli kutlhamuxela vadondrisiwa vakwe, leswaku swifaneli aya Yerusalema, kambe a vakulu va tiko, a vaprista lava vakulu ni vatrali, vatamuxanisa ngopfu, vamudlaya, kambe hi siku dra vuraru atapfuxiwa akufeni.

Mt 16:21 Iomraidhean Croise

Mt 12:40

Swanga hi leswi Yona angava khurini dra nhlampfi masiku mararu ni vusiku byiraru, hi swoswo a N'wana wa Mhunu atatrhama masiku mararu ni vusiku byiraru andreni ka misava.

Mt 16:22

Kolahu Petrosi amutekela tlhelweni asungula kumutshinya aku: Xikwembu Nkulukumba a akuhuluxe ku leswo, we HOSI! A mhaka ya kufana ni leyo yingatxhuki yihumelela ku wene.

Mt 16:28

Nihlayelamfuri nili ku n'wine, amakari ka lava vayimiki kola, vakone van'we lava vangatikifa na vangavonanga kutlhasa ka N'wana wa Mhunu akuphatimeni ka Mfumu wakwe.

Mt 17:12

Kambe nan'wibyela leswaku: Eliya ati khale, kambe avamutivanga, kutani vamuyentxi hinkwaswu leswi vangaswirandra. Hi swoswo na yene N'wana wa Mhunu ataxanisiwa ha vone.

Mt 17:9

Loko vafulameli hi le nhaveni, Yesu avaleleta aku ku vone: N'wingadrunguleli mhunu ni mun'we leswi n'wiswivoniki, loko N'wana wa Mhunu angasinapfuka akufeni.

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Mt 26:2

N'waswitiva leswaku ntrhaku ka masiku mabiri a Paska dritava kone, kutani a N'wana wa Mhunu atanyiketiwa akuva avambiwa.

Mt 26:47

Aku na ahavulavula, Yudasi mun'we wa lava va khume na vabiri, atlhasa na ali ni xitrhungu lexi xikulu, na xitameli tinhonga ni timpanga; xipfa hi le ku vaprista lava vakulu ni vakulu va tiko.

Mt 27:12

Kambe loko a vaprista lava vakulu ni vakulu va tiko vamurambela, angayangulanga ntxhumu.

Mt 27:63

vaku: N'winyi weru, hahadrimuka leswaku a mukanganyisi lwiya, loko ahahanya ati: Nitapfuka akufeni loko kuhundri masiku mararu.

Mt 28:6

Anga kone la, hikusa apfukile kufeni, swanga hi leswi afaka ahlayile. Tanani n'witata vona mbangu lowu afaka ayetleli ku wone.

Marka 8:31

Kolanu, asunguli kudondrisa a vadondrisiwa vakwe leswaku swifanekeli a N'wana wa Mhunu atwisiwa kuvaviseka loku kulu, ni kutxukumetiwa hi vakulu va tiko ni vaprista lava vakulu ni vadondrisi va Nawu, ava adlawa, atlhela apfuka kufeni loko kuhundri masiku mararu.

Marka 9:12

Yene aku ku vone: Eliya swifanekeli aranga ata ha kunene, atlhelisela hinkwaswu akululameni. Nakone xana ku Matralwa kutraliwi yini hi N'wana wa Mhunu, swaku atavaviseka ngopfu ni kudreliwa?

Lk 17:25

Kambe swifanekeli aranga atwisiwa kuvaviseka loku kukulu, ava adreliwa hi vhanu va nkama lowu.

Lk 24:46

aku ku vone: Switralisiwi xiswoswo, leswaku Kriste atatwa kuvaviseka, apfuka makari ka lava vakufa hi siku dra vuraru,

Lk 9:31

afa vatrandreliwi hi kuphatima ka Matilo, vakhanela hi kusuka ka Yesu amisaveni leyi, loku kutakava Yerusalema.