Mpfuletelo 8:12 - Testamente Ledrimpswha ni Mapsalma

¹² A ntrumi ya vumune yiyimba a nanga; kuvavisiwa a xiyenge xa vuraru xa dambu, ni xa vuraru xa n'weti, ni xiyenge xa vuraru xa tinyeleti, akuva xiyenge xa vuraru xa swone ximphuma, ni xiyenge xa vuraru xa nhlikanhi xingahavaningi, ni vusiku na byone swiva tanu.

Mpfuletelo 8:12 Iomraidhean Croise

Mt 24:29

Ntrhaku ka masiku lawo ya nhlomulo, a dambu dritandruluka driva dra ntima, ni hweti yingativaninga, a tinyeleti titawa hi le tilweni, a mintamu ya matilo mitatrekatrekisiwa.

Mt 27:45

Akusukela ku nkama wa ntlhanu na mun'we, kuyatlhasa ku wa ntlhanu na mune, kavi ni munyama amisaveni hinkwayu.

Marka 13:24

Ntrhaku ka masiku lawo ya nhlomulo, a dambu dritava munyama, ni hweti yingatihumexa a kuvaninga ka yone.

Marka 15:33

Kusukela ku nkama wa vuntlhanu na mun'we kuvani munyama amisaveni hinkwayu, kukondra kuva nkama wa vuntlhanu na mune

Lk 21:25

Ayengeta aku: Kutavani swikombiso adambyini, ni le hwetini, ni le tinyeletini; ni le misaveni kutava ni kutxhukisiwa amakari ka matiko, vatakaganaganeka hinkonta ya kudruma ka likhulu ni mavimbi.

Mintiro Ya Vapostola 2:20

A dambu dritandrulutiwa munyama, na yone hweti yitandrulutiwa ngati, a siku ledri drikulu dra lidrumu, dra Hosi dringasita.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

Mpfuletelo 12:4

A nkila wadrone wu koka xiyenge xa vuraru xa tinyeleti ta tilo, leti a titxukumeteliki a misaveni; kutani a dragoni dri yima amahlweni ka wansati lweyi afaka adjula kuphuluka, akuva drida a n'wana wakwe loko a pswaliwile.

Mpfuletelo 16:10

A ntrumi ya vuntlhanu yi halatela ntrheko wa yone axitrhan'wini xa vufumi bya xihari xa kulebya, kutani mfumu wa xone wu tiyentxa munyama, ni vhanu afa vatiluma tindrimi hi kuvaviseka,

Mpfuletelo 6:12

Loko a Hambana yipfula a xifungu xa vuntlhanu na xin'we, nivoni kuhumelela a kutrekatreka kukulu ka misava; a dambu drindruluka drimphuma swanga saka dra voya bya swihari, ni n'weti hinkwawu wuva swanga hi ngati,

Mpfuletelo 9:15

Kutani kuntrhunxiwa a tintrumi leti ta mune, afaka tibekiseliwi hora, ni siku, ni hweti, ni lembe, akuva tidlaya xiyenge xa vuraru xa vhanu.

Mpfuletelo 9:18

Hikola ka makhombo lawa mararu: ndrilo, ni musi, ni xivavula, afaka swihuma amilon'wini ya mahanxi, kudlayiwi a xiyenge xa vuraru xa vhanu,