Mpfuletelo 7:4 - Testamente Ledrimpswha ni Mapsalma

⁴ Kolahu, niyingela a nhlayu ya lava vakufungiwa: Afa vali khume dra madzana ya madzana, ni mune wa madzana ya madzana, na mune wa makume ya madzana (144.000), va tinxaka hinkwatu ta Israyele.

Mpfuletelo 7:4 Iomraidhean Croise

Mt 19:28

Yesu avayangula aku: Nihlayelamfuri nili ku n'wine: Loko kutlhasa a nkama lowo, hinkwaswu switakapfuxeteliwa; loko a N'wana wa Mhunu atatrhama axiluvelweni xakwe xa kuphatima, n'wine lava vanilandriki, n'witatrhama ku khume dra switrhamu na swibiri, akuva n'wiyavanyisa a tinxaka leti ta khume na tibiri ta Israyele.

Lk 14:22

Nangweso a nandra aku: Swiyentxiwi swanga hi leleto draku, kambe a mbangu wehe kone.

Lk 22:30

akuva n'wida, n'winwa atafuleni dranga aNfun'wini wanga; n'witrhama switrhan'wini swa vufumi, n'witrema timhaka ta tinxaka leti ta khume na tibiri ta Israyele.

Mintiro Ya Vapostola 26:7

Hikola ka xidumbiso lexo, a tinxaka teru ta khume na tibiri titiyisaka a kutirela Xikwembu Nkulukumba, vusiku ni nhlikanhi. I hinkonta ya kudumba loko, we hosi Agripa, nirambeliwaka hi va-Yuda.

Rm 9:27

Na yene Ezaya ahlaya hi tlhelo dra Israyele aku: Nambi loko vana va Israyele vangava vanyingi vafana ni sava dra likhulu, ntsena i nsalonyana wavu wu taka huluka.

Yakobe 1:1

Yakobe, nandra wa Xikwembu Nkulukumba ni wa Hosi Yesu Kriste, ni losa a tinxaka leti ta khume na tibiri tihangalakiki misaveni.

Mpfuletelo 14:1

Ntrhaku ni lavisa, kutani kuvoneka Hambana yi yimi Nhaveni ya Siyoni, Kun'we na yone afa ku ni khume dra madzana ya madzana na mune wa madzana ya madzana na mune wa makume ya madzana ya vhanu (144.000), lava a mimombyeni yavu afaka kutraliwi vito dra Hambana ni dra Tatana wa yone.

Mpfuletelo 14:3

Afa vayimbelela lisimu ledrimpswha, amahlweni ka xiluvelo, amahlweni ka mune wa swivumbiwa swakuhanya ni le ku vakulu, akunge na mhunu lweyi angakotaka kudondra lisimu ledrimpswha loko ange lava vakhume dra madzana na mune wa madzana ya madzana na mune wa makume ya madzana (144.000), vaxaviwiki misaveni.

Mpfuletelo 7:5

Ku lixaka dra Yuda, afa ali dzana dra madzana, na makume mabiri ya madzana (12.000), ya va kufungiwa; ku lixaka dra Rubeni, dzana dra madzana, na makume mabiri ya madzana (12.000); ku lixaka dra Gadi, dzana dra madzana, na makume mabiri ya madzana (12.000);

Mpfuletelo 9:16

A nhlayu ya makhandra ya lava valwaka na vakhandriyi mahanxi afa mali madzana mabiri ya madzana ya madzana (200.000.000), kutani niyingela a nhlayu yavu.