Mpfuletelo 5:5 - Testamente Ledrimpswha ni Mapsalma

⁵ Kutani mun'we ku vakulu-va-vhanu aku ku mine: Ungadrile; lavisa, a nghonyama ya lixaka dra Yuda, a mutru wa Davida, yihlulile akuva yipfula a buku ni swifungu leswi swa ntlhanu na swibiri.

Mpfuletelo 5:5 Iomraidhean Croise

Lk 23:28

Yesu andrulukela ku vone aku: Vanhwanyana va le Yerusalema, n'winganidrileli mine, tidrilelani mfuri, n'wine ni vanenu.

Lk 7:13

Loko a Hosi yivona a mufelwa, yimutwela vurombe, yiku ku yene: Ungadrili.

Lk 8:52

Hinkwavu afa vamudrilela hi xiviti kambe Yesu aku ku vone: N'wingadrileni, hikusa a nhwanyana anga fanga ekutriyela.

Yohana 20:13

Kutani swiku ku yene: Wansati, xana udrilela yini? Aku ku swone: Hi leswaku vasusi Hosi yanga, kutani anikutivi lomu vayibekiki kone.

Rm 1:3

Makongomanaka ni N'wana wakwe; lweyi a pswaliwiki hi nyama a lixakeni dra Davida,

Rm 15:12

Muprofeta Ezaya na yene ati: Kutata wa lixaka dra Yixayi lweyi a taka yima afuma matiko; a va-Matiko vata beka kulavisela ku yene.

Va-Heberu 7:14

Swativeka leswaku a Hosi yeru yihumi lixakeni dra ka Yuda; alixaka drodri Moxe angasamikiki adrinyika muprista.

Mpfuletelo 1:1

Apfuletelo wa Yesu Kriste, lowu Xikwembu Nkulukumba amunyikiki, akuva akomba a malandra yake leswi switakahumelela ndreni ka nkamanyana, leswi aswitivisiki na arumeli hikola ka ntrumi yake, ku nandra wakwe Yohana,

Mpfuletelo 22:16

Mine Yesu, ni rumi ntrumi yanga ya ta n'wibyela hinkwaswu leswi a makerekeni. Hi mine mutru ni lixaka dra Davida, a nyeleti ya kuphatima ya mixo.

Mpfuletelo 3:21

A muhluli nitamunyika a kutrhama na mine axitrhan'wini xanga xa vuhosi, swanga ha mine nihluliki, kutani nitrhamiki na Tatana wanga axitrhan'wini xakwe xa vuhosi.

Mpfuletelo 4:10

a vakulu-va-vhanu lava va makume mabiri na mune vatawa amahlweni ka lweyi atrhamiki axitrhan'wini-xa-vufumi, vagandrela lweyi ahanyaka hi madzana-ni-madzana ya malembe, vatxukumetela tingiyana tavu amahlweni ka xitrhamu xa vuhosi, na vaku:

Mpfuletelo 4:4

Amatlhelweni ya xitrhamu lexo afa kuni makume mabiri na mune wa switrhamu swa vuhosi, na kutrhami ku swone makume mabiri na mune wa vakulu-va-vhanu vayambaliki swiyambalu swa ntlhohe, na vani tingiyana ta gole atinhlokweni.

Mpfuletelo 5:4

kutani mine afa nidrila ngopfu hikusa aku kumiwanga mhunu lweyi afaneliwaka hi kupfula buku, nambi kudrilavisa.

Mpfuletelo 6:1

Kutani nivoni a Hambana loko yipfula xin'we ku swifungu leswi swa ntlhanu na swibiri, niyingela ni xin'we ku swivumbiwa swakuhanya leswi swa mune, na xiku, hi ritu dra kufana ni kudruma ka tilo: Tana!

Mpfuletelo 7:13

Kutani mun'we ku vakulu-va-vhanu ayangula, aku ku mine: Lava vayambaliki swiyambalu swa ntlhohe xana i vamani, vapfa kwini, xana?