Mpfuletelo 4:8 - Testamente Ledrimpswha ni Mapsalma

⁸ Mfuri a swivumbiwa leswi swa mune, xin'wana-ni-xin'wana, afa xini ntlhanu na drin'we wa timpapa; na switali hi mahlu amatlhelweni hinkwawu ni le ndreni, na swingawisi akuhlaya, nhlikanhi ni vusiku swiku: Wa kuxwenga, wa kuxwenga, wa kuxwenga, hi Hosi, Xikwembu Nkulukumba wa ntamu hinkwawu; lweyi afaka ali kone, lweyi anga kone, ni lweyi atakata!

Mpfuletelo 4:8 Iomraidhean Croise

Mintiro Ya Vapostola 20:31

Hileswo-ke, hitekani. N'widrimuka leswaku ha malembe mararu anisamanga nitrika a kun'wimamulela mun'wana-ni-mun'wana, hi minyembeti avusiku ni nhlikanhi.

II Kor 6:18

mine nitava tatana wenu, na n'wine n'witava vana vanga vava vanuna ni vavasati, kuhlaya Hosi ya ntamu hinkwayu.

I Tsl 2:9

Kunene n'wadrimuka, vamakweru, a ntiru weru ni kutikarata kweru; hitiri vusiku ni nhlikanhi, akuva hingabindriseli ni mun'we ku n'wine, hi n'wirerela Ivangeli ya Xikwembu Nkulukumba.

I Tmt 4:16

Tibekise wene ha vuswaku, ubekisa ni dondro, utiyisela ku swone; hikuva loko uyentxa leswo utatihuluxa wene, uhuluxa ni lava vakuyingelaka.

II Tmt 4:2

Rera ritu, utiyisa hi nkama lowu faneliki, ni hinkama lowu wungafanelikiki, khata, khongotela, khwavela hi mbilu ya kuleha, ni hi kudondrisa.

Va-Heberu 13:8

Yesu Kriste i mun'we, tolo, ni namuhla ni hi laha kungahelikiki.

Mpfuletelo 1:4

Mine Yohana, ku makereke lawa ya ntlhanu na mabiri lawa manga Aziya: A timpswalu ni kurula aswive na n'wine swipfaka hi le ku Lweyi anga kone, afaka ali kone, mfuri ahataka, ni hi le ku mimoya leyi ya ntlhanu na mibiri, leyi minga mahlweni ka xitrhamu xakwe xa vuhosi,

Mpfuletelo 1:8

Mine ni Alfa mfuri ni Omega, kuhlaya Hosi Xikwembu Nkulukumba, lweyi anga yene, afaka ali yene, ni lweyi atakata, lweyi anga wa ntamu hinkwawu.

Mpfuletelo 11:17

vaku: Hakutlangela, Hosi Xikwembu Nkulukumba wa ntamu hinkwawu, wene unga kone, afaka uli kone, hikusa uteki a ntamu waku lowukulu, kutani ufumile!

Mpfuletelo 14:11

A musi wa kuxanisa kwake wuta mpukuka hi laha kungahelikiki; kutani avana kuwisa, nambi ali nhlikanhi kumbe ni vusiku, lava khisamelaka a xihari xa kulebya ni xifaniso xa xone, nambi ni lava vayamukelaka xikombiso xa vito dra xone.

Mpfuletelo 14:3

Afa vayimbelela lisimu ledrimpswha, amahlweni ka xiluvelo, amahlweni ka mune wa swivumbiwa swakuhanya ni le ku vakulu, akunge na mhunu lweyi angakotaka kudondra lisimu ledrimpswha loko ange lava vakhume dra madzana na mune wa madzana ya madzana na mune wa makume ya madzana (144.000), vaxaviwiki misaveni.

Mpfuletelo 15:3

Afa vayimbelela lisimu dra Moxe, nandra wa Xikwembu Nkulukumba, ni lisimu dra Hambana vaku: I mikulu, mahlamalisa, a mintiro yaku! Hosi Xikwembu Nkulukumba xa ntamu hinkwawu, tilulamile i tinene, a tindlela taku! Wene Mufumi wa matiko!

Mpfuletelo 15:7

A xin'we ku swivumbiwa leswa mune swakuhanya, xinyika tintrumi ta ntlhanu na tibiri, a swinwelo swa ntlhanu na swibiri swa gole, leswi taliki hi mahlundru ya Xikwembu Nkulukumba, lweyi a hanyaka hi masiku ni masiku.

Mpfuletelo 16:14

hikusa i mimoya ya mademoni, lemiyentxaka swihlamaliso, yone mikongoma ku vafumi va misava hinkwayu, akuva miya vatlhanganisela kulwa hi Siku drikulu dra Xikwembu Nkulukumba wa Ntamu hinkwawu.

Mpfuletelo 16:7

Niyingela ritu dripfa xiluvelweni driku: Kunene, Hosi Xikwembu Nkulukumba wa Ntamu hinkwawu! A tremo draku i dra xihlayelamfuri ni dra kululama.

Mpfuletelo 19:15

Anon'wini wakwe kuhuma tlhari ledra kukariha, akuva ha drone a ba matiko. Ata mafuma hi nhonga ya nhumbu; ata kandretela hi minenge yake, axikhuvutelo xa mihandru ya vinyo ya kulebya ka mahlundru ya Xikwembu Nkulukumba wa ntamu hinkwawu.

Mpfuletelo 19:4

Kutani a vakulu lava makume mabiri ni mune (24) ni mune wa swivumbiwa, vakhisama, kutani vagandrela Xikwembu Nkulukumba lweyi atrhamiki xiluvelweni na afa vaku: Amen! Aleluya!

Mpfuletelo 21:22

Ku wone anivonanga Tempele, hikusa a Tempele dra wone hi Hosi, Xikwembu Nkulukumba wa ntamu hinkwawu ni Hambana.

Mpfuletelo 3:7

Ku ntrumi leyi yinga kerekeni ledri dringa Filadelifiya trala, uku: Lweyi wa kuxwenga ni wa xihlayelamfuri, lweyi angani mpfungulu wa Davida, lweyi apfulaka kungapfali mhunu, lweyi apfalaka kungapfuli mhunu, ahlaya leswi:

Mpfuletelo 4:4

Amatlhelweni ya xitrhamu lexo afa kuni makume mabiri na mune wa switrhamu swa vuhosi, na kutrhami ku swone makume mabiri na mune wa vakulu-va-vhanu vayambaliki swiyambalu swa ntlhohe, na vani tingiyana ta gole atinhlokweni.

Mpfuletelo 4:6

Nakone, amahlweni ka xitrhamu xa vuhosi afa kuni likhulu dra vidru dra kufana ni kristal. A makari ni le matlhelweni ka xitrhamu xa vuhosi afa kuni mune wa swivumbiwa swakuhanya switali hi matihlu, amahlweni ni le ntrhaku.

Mpfuletelo 4:9

Loko a swivumbiwa leswo switanyika lidrumu, ni xihluwa, ni kukhensa ku lweyi atrhamiki axitrhan'wini-xa-vufumi, lweyi ahanyaka hi malembe ni malembe,

Mpfuletelo 5:6

Kutani-ke, amakari ka xitrhamu xa vuhosi ni mune wa swivumbiwa leswi swihanyaka, ni le makari ka vakulu-va-vhanu, nivona a Hambana yiyimiki swanga yifile, na yini ntlhanu na tibiri wa timhondro, ni ntlhanu na mabiri wa matihlu, lawa anga ntlhanu na mibiri wa mimoya ya Xikwembu Nkulukumba, leyi mirumiwiki amisaveni hinkwayu.

Mpfuletelo 6:1

Kutani nivoni a Hambana loko yipfula xin'we ku swifungu leswi swa ntlhanu na swibiri, niyingela ni xin'we ku swivumbiwa swakuhanya leswi swa mune, na xiku, hi ritu dra kufana ni kudruma ka tilo: Tana!

Mpfuletelo 6:6

Kolahu, niyingela swanga i ritu amakari ka swivumbiwa swakuhanya leswi swa mune, driku: A mpimu mun'we wa tirigo i denari drin'we, a mimpimu miraru ya maphila i denari drin'we; a mafura ni vhinyu ungaswihoni.

Mpfuletelo 7:11

A tintrumi hinkwatu afa tiyimi titrandrela a xitrhamu-xa-vufumi, ni vakulu-va-vhanu, ni mune wa swivumbiwa swakuhanya, kutani tiwa hi mimombo amahlweni ka xitrhamu-xa-vufumi, tigandrela Xikwembu Nkulukumba,

Mpfuletelo 7:15

Hi swoleswo vayimiki amahlweni ka xitrhamu-xa-vufumi xa Xikwembu Nkulukumba, na vamutirela nhlikanhi ni vusiku aTempeleni drakwe; mfuri lweyi atrhamiki axitrhan'wini-xa-vufumi, atanalavutela a tende drakwe a henhla kwavu.