Mpfuletelo 3:8 - Testamente Ledrimpswha ni Mapsalma

⁸ Nitiva a mintiro yaku. Vona, ni beki amahlweni kwaku a xipfalu lexi xipfulekiki, xipfalu lexi kungaliki na mhunu lweyi angaxipfalaka, hikusa uni ntamunyana, na kone ubekisi a ritu dranga, ni vito dranga awudrilandrulanga.

Mpfuletelo 3:8 Iomraidhean Croise

Lk 12:9

Kambe lweyi anilandrulaka mahlweni ka vhanu, ata landruliwa na yene amahlweni ka swirun'wa swa Xikwembu Nkulukumba.

Yohana 15:20

Drimukani leswi nin'wibyeliki swone, loko niku: A nandra ahi nkulu ku n'winyi wakwe loko vanixanisile, na n'wine vatan'wixanisa; loko vabekisi ritu dranga, ni dro drenu vatadribekisa.

Yohana 17:6

Nivonekisi vito draku amahlweni ka vhanu lava uninyikiki vone, uvahlawuliki misaveni; afa vali vaku; uninyiki vone, kutani vabekisi ritu draku.

Mintiro Ya Vapostola 14:27

Loko vatlhasi Antiyokiya vahlengeleti swiro swa Kereke, kutani vaswidrungulela hinkwaswu leswi Xikwembu Nkulukumba aswiyentxiki ha vone, ni hi laha apfuleliki va-Matiko a swipfalu swa vupfumeli.

I Kor 16:9

hikuva nipfuleliwi a nyangwa yikulu mfuri leyi yinene, na kone a vakaneti i vanyingi.

II Kor 2:12

Loko ni tlhasi Trowasi, a kutivisa Ivangeli ya Kriste, ni pfuleliwa nyangwa hi Hosi.

Va-le-Filipiya 4:13

Ningaswikota ku hinkwaswu ku lweyi anitiyisaka.

Va-le-Kolosa 4:3

N'wihikhongotela na hine mfuri, akuva Hosi yi ta hipfulela nyangwa ya kurera ritu, akuva hikota ku vulavula hi kungu dra Kriste, xileswo mfuri ningabohelweni hinkonta ya drone.

I Tmt 5:8

Kambe loko mhunu angalondrisi a va le kwake, ngopfu-ngopfu ku vandangu wakwe, lweyo alandruli khale a vupfumeli, mfuri atlula ni lweyi angalikinakupfumela.

II Tmt 4:7

Nilwile akulwa loku kunene, niheti akutrutruma kwanga, nibeki akupfumela kwanga.

Yd 1:4

Hikusa kunhingeni van'we vhanu hi xihundla, lava kusukela ka khale vatraleliwiki kuyavanyisiwa; vhanu va kubiha, vandruluta timpswalu ta Xikwembu Nkulukumba weru hivubihi, na kone valandrula Yesu Kriste lweyi anga Mudondrisi weru ntsena ni Hosi.

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 2:2

Nitiva a mintiro yaku, a kukhinyela kwaku ni kutiyisela kwaku ni leswaku awuswirandri akuva kun'we ni lava vamfani; ni leswaku udringi lava vatihlayaka vapostola na kasi ahi vapostola, ukuma leswaku i va madrimi;

Mpfuletelo 22:7

Yesu aku: vonani nata swoswi anihlweli! Kukatekile lavabekisaka maritu ya vuprofeta bya buku ledri.

Mpfuletelo 3:1

Ku ntrumi ya kereke ledri dringa Sarde, trala uku: Lweyi angani ntlhanu wa mimoya na mibiri ya Xikwembu Nkulukumba, ni ntlhanu na tibiri wa tinyeleti ahlaya leswi: Nitiva a mintiro yaku, leswaku uni vito dra leswaku wahanya, kasi ufile.

Mpfuletelo 3:10

Leswi ubekisiki a ritu dra kutiyisela kwanga, na mine nitakubekisa ankameni wa ndringo, lowu wutakata amisaveni hinkwayu, akuva wutatadringa lava vatrhamaka amisaveni hinkwayu.

Mpfuletelo 3:15

Nitiva a mintiro yaku, leswaku wene awutitimeti mfuri awuhisi. Mawaku loko afa u titimeta kumbe uhisa!

Mpfuletelo 3:7

Ku ntrumi leyi yinga kerekeni ledri dringa Filadelifiya trala, uku: Lweyi wa kuxwenga ni wa xihlayelamfuri, lweyi angani mpfungulu wa Davida, lweyi apfulaka kungapfali mhunu, lweyi apfalaka kungapfuli mhunu, ahlaya leswi: