Mpfuletelo 3:10 - Testamente Ledrimpswha ni Mapsalma

¹⁰ Leswi ubekisiki a ritu dra kutiyisela kwanga, na mine nitakubekisa ankameni wa ndringo, lowu wutakata amisaveni hinkwayu, akuva wutatadringa lava vatrhamaka amisaveni hinkwayu.

Mpfuletelo 3:10 Iomraidhean Croise

Mt 24:14

Kutani a Ivangeli ya Mfumu yitareriwa akuva byiva vumboni amisaveni hinkwayu; ntrhaku hi kone kutakata vugamu.

Mt 26:41

Hitekani n'wikhongota, n'wingatinhingena andringweni, hikuva a moya wone wapfumela, kambe a miri mini gome.

Mt 6:13

Ungahiyise akudringiweni, kambe hihuluxe ku lwe mfani.

Marka 14:9

Nihlayelamfuri nili ku n'wine: Amisaveni hinkwayu lomu kutakareriwa Ivangeli, kutahlayiwa leswi ahaka kuswiyentxa wansati akuva atadrimukiwa ha swone.

Lk 2:1

Aminkameni leyo kuhumexiwi nawu hi mufumi-nkulu Khezari Augusto wa leswaku, a vhanu hinkwavu va tiko vayatralisa mavito.

Yohana 17:6

Nivonekisi vito draku amahlweni ka vhanu lava uninyikiki vone, uvahlawuliki misaveni; afa vali vaku; uninyiki vone, kutani vabekisi ritu draku.

Rm 1:8

A kusungula nitlangela Xikwembu Nkulukumba wanga ha Yesu Kriste, hinkonta yenu hinkwenu, hikusa amisaveni hinkwayu kukhaneliwa hi kupfumela kwenu.

I Kor 10:13

An'wingihumeleliwa hi ndringo lowu wungafanekeliki vhanu; kambe Xikwembu Nkulukumba adumbekaka, angaka angapfumeti leswaku n'widringiwa kutlula a mintamu yenu; kambe, kun'we ni mindringo, atan'winyika a ndlela ya kuhuma ku mindringo, akuva n'wikota a kumibyatrha.

Ef 6:13

Hileswo-ke tamelani a matlhari hinkwawu ya Xikwembu Nkulukumba, akuva n'wita tiya sikwini ledriya dra kubiha, akuva loko n'wihlulile hinkwaswu n'witakota kutiya.

II Tmt 2:12

Loko hitiyisela na hine hita fuma na Yene; loko himulandrula, na Yene ata hilandrula.

Yakobe 3:12

Vamakweru, xana ankuwa wungaswikota kupswala Minhlwari xana, kumbe nsinya wa nvhinya wungapswala makuwa xana? Swingekoteki ni kutrongo, a nhlovo ya mati lawa ya munyu mayentxa mati ya vunandri.

I Ptr 4:12

Varandriwa, n'wingahlamaleni a ndrilo wupfuraka a makari kwenu akuva wun'widringa, na wuyentxa swanga i ntxhumu wa kuhlamalisa wuhumelelaka,

II Ptr 2:9

Hi xileswi, a Hosi ya swikota kuhuluxa valulami amindringweni, ni kubekisela vasomboloki xikhatiso xa siku drayavanyiso,

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

Mpfuletelo 11:10

Kutani a vayaki va le misaveni vatrhava hi kola ka tone, vatrhavisisa, varumelana ni swinyiko van'we ku van'wana, hikusa a vaprofeta lava vabiri vaxanisi lava yakiki amisaveni.

Mpfuletelo 13:10

Lweyi ayisaka van'wana bohelweni, ataya bohelweni. Lweyi atakadlaya hi lipanga, swadjuleka adlayiwa hi lipanga. Hiwolowu nkama wa kutiyisela ni wa kupfumela ka tinsasi.

Mpfuletelo 13:14

Xikanganyisa lava yakiki misaveni hinkonta ya swikombiso leswi xinyikiwiki kuswitira mahlweni ka xihari xa kulebya, xibyela vayaki va misava yentxa xifaniso xa xihari xa kulebya lexi xinga tlhabyiwa hi tlhari, kutani xihanyiki.

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.

Mpfuletelo 14:12

Hi loku kukone kutiyisela ka tinsasi, vanga lava vabekisaka swileleto swa Xikwembu Nkulukumba ni kupfumela ku Yesu.

Mpfuletelo 14:6

Ntrhaku ni voni yin'wana ntrumi yi hahaka makari ka tilo, afa yili ni Ivangeli leyi yingahelikiki, akuva yi drungulela lava yakiki misaveni, ku hinkwawu matiko, ni tinxaka ta vhanu, ni tindrimi.

Mpfuletelo 16:14

hikusa i mimoya ya mademoni, lemiyentxaka swihlamaliso, yone mikongoma ku vafumi va misava hinkwayu, akuva miya vatlhanganisela kulwa hi Siku drikulu dra Xikwembu Nkulukumba wa Ntamu hinkwawu.

Mpfuletelo 17:2

Lweyi a vafumi va misava vayentxiki vumbuye na yene, lweyi a vayaki va le misaveni vanga popswa hi vhinyo dra vumbuye byake.

Mpfuletelo 17:8

A xihari xa kulebya lexi uxivoniki afa xihanya, afa xili xone, kambe a hi xone, kutani xitahuma akheleni ledra kuyeta, xiya kusuveni. Lava vayakiki misaveni, lava a mavito yavu manga traliwangakiki abukwini dra vutomi kusukela akutumbulukeni ka misava, loko va xivona vatahlamala, leswi afaka xili xone kutani axehe xone, hanya, kambe xitatlhela xi humelela.

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Mpfuletelo 3:8

Nitiva a mintiro yaku. Vona, ni beki amahlweni kwaku a xipfalu lexi xipfulekiki, xipfalu lexi kungaliki na mhunu lweyi angaxipfalaka, hikusa uni ntamunyana, na kone ubekisi a ritu dranga, ni vito dranga awudrilandrulanga.

Mpfuletelo 6:10

Na vabandlukana hi ritu ledri kulu vaku: Kutakota kuva ha drini, we Hosi ya kuxwenga ni ya xihlayelamfuri, ungayavanyisiki ni kudrihisa a ngati yeru, ku lava vayakiki misaveni?

Mpfuletelo 8:13

Nakone nivoni niva niyingela a gama ledri afaka drihaha amakari ka tilo, na drihlaya hi ritu ledrikulu driku: Yowee! Yowee! Yowee ku lava vayakiki amisaveni, hikola ka mpfumawulu lowu wahasaliki wa tinanga, ta tintrumi tiraru leti titakayimba a nanga!