Mpfuletelo 3:1 - Testamente Ledrimpswha ni Mapsalma

¹ Ku ntrumi ya kereke ledri dringa Sarde, trala uku: Lweyi angani ntlhanu wa mimoya na mibiri ya Xikwembu Nkulukumba, ni ntlhanu na tibiri wa tinyeleti ahlaya leswi: Nitiva a mintiro yaku, leswaku uni vito dra leswaku wahanya, kasi ufile.

Mpfuletelo 3:1 Iomraidhean Croise

Lk 15:24

hikusa a n'wananga lweyi, afa afile, kutani awa hanya, afa lahlekile kutani akumiwile. Vahanga sungula kutrhava.

Lk 15:32

Kambe afa swifanela hi trhava ni kutlangela, hikusa a makwenu lweyi afa afile kutani ahanyile, afa lahlekile, kutani akumikile.

Yohana 1:16

Kutani hi ntalo wa timpswalu takwe, hine hinkweru hiyamukeli timpswalu henhla ka timpswalu.

Yohana 1:33

Mine afa ningamutivi, kambe Xikwembu Nkulukumba anibyelile, aku: Lweyi utakavona a Moya wuxikela ku yene, wutrhama henhla kwake, hi yene lweyi ababatisaka hi Moya wa Kuxwenga.

Yohana 20:22

Loko ahlayi leswo, avahuhutela, aku ku vone: Yamukelanani Moya lowu wa kuxwenga.

Yohana 3:34

Lweyi arumiwiki hi Xikwembu Nkulukumba, ahlaya maritu ya Xikwembu Nkulukumba, hikusa Xikwembu Nkulukumba amunyiki Moya kunge ha mpimu.

Mintiro Ya Vapostola 2:33

Hileswo-ke atiki awatlakuxiwa axineneni xa Xikwembu Nkulukumba, ayamukeliki ni xidumbiso xa Moya wa Kuxwenga ku Tatana, atxheli ahenhla kweru leswi na n'wine n'wiswivonaka ni kuswiyingela.

Ef 2:1

An'winyiki vutomi hileswi khale afaka n'wifile, hikola ka milandru yenu ni swidoho swenu.

Ef 2:5

Na hine afa hi file a swihonweni sweru, a hinyiki vutomi kun'we na Kriste, hi timpswalu n'wine n'wihuluxiwile,

Va-le-Kolosa 2:13

A nkama n'wine afaka n'wahafeli swidohweni swenu, ni hi kuka-kusokiwa anyameni yenu, an'winyiki vutomi kun'we na Yene, hi kuhidrivalela a swidoho sweru hinkwaswu,

I Tmt 5:6

kambe lweyi ahanyaka akutitrhaveleni ka misava leyi, afile, nambi loko ahahanya.

Yakobe 2:26

Swanga hi leswi amiri leyi mingeke na moya, mi file, hi swoswo ni kupfumela loku kungeke na mintiro, kufile.

I Ptr 1:11

na vadjulisisa kutiva leswaku atava wini kumbe wa kuyini a nkama lowu a Moya wa Kriste, lowu afaka wuli ku vone wukongometa wone, na wutiyisa hi tlhelo dra tinxanisa leti afaka tikongoma Kriste, ni kuphatima loku afaka kutalandrela, ntrhaku ka leswo.

Yd 1:12

Vhanu lavo, i tingana aminkhubyini yenu ya lirandru, vada na n'wine vangatxhavi, vatibyisa ha swavu; i matlavi lawa mangeke na mati, lawa masusumetiwaka hi timheho; i minsinya leyi mibuniki leyi mingapswalikiki, mihandru leyi mifiki, leyi mingekena mitru.

Mpfuletelo 1:11

afaka driku: Leswi uswivonaka switrale apapelweni, uswirumela amakerekeni lawa ya ntlhanu na mabiri: A Efesa, ni le Simirna, ni le Pergamosi, ni le Tiyatira, ni le Sardesi, ni le Filadelifiya, ni le Lawodikiya.

Mpfuletelo 1:16

A vokweni dra xinene afa atameli ntlhanu wa tinyeleti na tibiri, anon'wini wakwe afa kuhuma lipanga dra kulotiwa ha matlhelo mabiri; ni mombo wakwe afa wufana ni dambu loko driphatima hi ntamu wa drone.

Mpfuletelo 1:20

Hi lowu a ntlhamuxelo wa xihundla xa ntlhanu na tibiri wa tinyeleti, leti utivoniki avokweni dranga dra xinene, ni xa ntlhanu na mabiri wa mimotre, ya gole: A ntlhanu na tibiri wa tinyeleti i tintrumi ta ntlhanu na mabiri wa makereke; kasi-ke a ntlhanu na mabiri wa mimotre hi ntlhanu na mabiri wa makereke.

Mpfuletelo 1:4

Mine Yohana, ku makereke lawa ya ntlhanu na mabiri lawa manga Aziya: A timpswalu ni kurula aswive na n'wine swipfaka hi le ku Lweyi anga kone, afaka ali kone, mfuri ahataka, ni hi le ku mimoya leyi ya ntlhanu na mibiri, leyi minga mahlweni ka xitrhamu xakwe xa vuhosi,

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 2:19

Nitiva a mintiro yaku, ni lirandru draku, ni vupfumeli byaku, ni kutirela kwaku, ni kutiyisela kwaku ni mintiro yaku ya vugamu, mitlulaka a ya kusungula.

Mpfuletelo 2:2

Nitiva a mintiro yaku, a kukhinyela kwaku ni kutiyisela kwaku ni leswaku awuswirandri akuva kun'we ni lava vamfani; ni leswaku udringi lava vatihlayaka vapostola na kasi ahi vapostola, ukuma leswaku i va madrimi;

Mpfuletelo 2:9

Nitiva a nhlomulu waku ni vusiwana byaku, kambe uxipfundri, mfuri a kusandra ka lava vatihlayaka va-Yuda, na kasi ahi va-Yuda, kambe vone i sinagoga dra Sathana.

Mpfuletelo 3:15

Nitiva a mintiro yaku, leswaku wene awutitimeti mfuri awuhisi. Mawaku loko afa u titimeta kumbe uhisa!

Mpfuletelo 3:2

Hiteka, utiyisa leswi swisaliki, leswi afaka swili kusuhi ni kufa, hikusa nikumi leswaku a mintiro yaku amihetisekanga amahlweni ka Xikwembu Nkulukumba wanga.

Mpfuletelo 3:8

Nitiva a mintiro yaku. Vona, ni beki amahlweni kwaku a xipfalu lexi xipfulekiki, xipfalu lexi kungaliki na mhunu lweyi angaxipfalaka, hikusa uni ntamunyana, na kone ubekisi a ritu dranga, ni vito dranga awudrilandrulanga.

Mpfuletelo 4:5

Axitrhan'wini-xa-vufumi kuhuma kuhatima, ni maritu, ni kudruma kukulu; amahlweni ka xitrhamu xa vuhosi afa kuni ntlhanu na mibiri wa mimotre, leyi mipfuraka, minga mimoya ya ntlhanu na mibiri ya Xikwembu Nkulukumba.

Mpfuletelo 5:6

Kutani-ke, amakari ka xitrhamu xa vuhosi ni mune wa swivumbiwa leswi swihanyaka, ni le makari ka vakulu-va-vhanu, nivona a Hambana yiyimiki swanga yifile, na yini ntlhanu na tibiri wa timhondro, ni ntlhanu na mabiri wa matihlu, lawa anga ntlhanu na mibiri wa mimoya ya Xikwembu Nkulukumba, leyi mirumiwiki amisaveni hinkwayu.