Mpfuletelo 21:12 - Testamente Ledrimpswha ni Mapsalma

¹² Afa kuli ni pangu ledri drikulu dra kuleha, drili na khume dra swipfalu na swibiri; na aswipfalwini afa kuni khume dra tintrumi na tibiri, henhla ka swipfalu leswo afa kutraliwi vito drin'we dra tinxaka ta khume na tibiri ta tiko dra Israyele.

Mpfuletelo 21:12 Iomraidhean Croise

Mt 18:10

Tivonelani! N'wingadreli ni mun'we ku vatrongwana lava. Hikusa nan'wibyela leswaku a tintrumi tavu a Matilweni, minkama hinkwayu tilavisa liso dra Tatana wanga, lweyi anga Matilweni. [

Lk 15:10

Hiswoswo, nili ku n'wine kutrhava kukone amahlweni ka swirun'wa swa Xikwembu Nkulukumba ha mudohi mun'we lweyi andrulukaka.

Lk 16:22

Lweyi wa xisiwana afa, ayisiwa hi swirun'wa axifuveni xa Abrahamu. Naye mufuyi afa, alahliwa.

Mintiro Ya Vapostola 26:7

Hikola ka xidumbiso lexo, a tinxaka teru ta khume na tibiri titiyisaka a kutirela Xikwembu Nkulukumba, vusiku ni nhlikanhi. I hinkonta ya kudumba loko, we hosi Agripa, nirambeliwaka hi va-Yuda.

Va-Heberu 1:14

Kasi ahi mimoya leyi mitiraka, mirumiwiki kutirela lava vafanekelaka kuda pfindla draku huluka xana?

Mpfuletelo 21:13

Afa kuli ni swipfalu swiraru hi tlhelo dra Vuxa, ni hi tlhelo dra Nyingitimu afa ali swiraru, ni hi tlhelo dra N'walungu afa ali swiraru, ni hi tlhelo dra Vupeladambu afa ali swiraru.

Mpfuletelo 21:15

Kutani lweyi afaka avulavula na mine afa ali ni mpimu wa lihlanga dra gole, akuva apima muti, ni swipfalu swa wone, ni pangu.

Mpfuletelo 21:25

A swipfalu swa wone swingaha tipfaliwa ni kan'we a nhlikanhini, hikusa kunga tiva na vusiku ku wone.

Mpfuletelo 22:14

Kukatekile lava vabasisaka swiyambalu swavu angatini ya Hambana, hikuva xileswi vava ni mfanelo ya kuda mihandru ya nsinya wa vutomi, nhingenani mutini hi swipfalu.