Mpfuletelo 21:10 - Testamente Ledrimpswha ni Mapsalma

¹⁰ Kutani a ntrumi yiniyisela anhaveni leyi yikulu ya kuleha hi moya na yini komba a muti wa kuxwenga, Yerusalema, lweyi axikaka hi le Tilweni apfa ku Xikwembu Nkulukumba.

Mpfuletelo 21:10 Iomraidhean Croise

Mintiro Ya Vapostola 8:39

Kuti loko vantlhantuka vahuma matini, a Moya wa Hosi wuwutla Filipi; kutani ndruna ayahamuvonanga, kambe yiya mahlweni andleleni ya yone, na yitali hi kutrhava.

Gl 4:26

Kambe Yerusalema wa le Matilweni antrhuxekile, hi yene mamana weru.

Mpfuletelo 1:10

Afa nili Moyeni, hi siku dra Hosi, kutani niyingela a ritu ledri drikulu a ntrhaku kwanga, dra kufana ni dra nanga,

Mpfuletelo 11:2

Kambe a phangu dra le handle ka Tempele drisiye handle, ungadripime, hikusa drinyikiwi ku va-Matiko; kutani vatakakandretela a muti wa kuxwenga hi mune wa makume ya tihweti na tibiri.

Mpfuletelo 17:3

Kolahu a ntrumi yini yisa huleni hi moya, kutani ni vona lweyi wansati na trhami henhla ka xihari xa kulebya, xa libungu, afa kutraliwi mavito ya swisandro, afa xi na ntlhanu wa tinhloko na tibiri ni khume dra timhondro.

Mpfuletelo 21:2

Kutani ni voni ni muti wa Kuxwenga, Yerusalema lwe mumpswha, lwe afaka axika hi le Tilweni ku Xikwembu Nkulukumba. Apfa na axongi swanga hi mulovoliwa lweyi atilungiseliki kutlhangaveta muteki wakwe.

Mpfuletelo 3:12

A muhluli, nitamuhamba ava mhandre ya kutiya a Tempeleni dra Xikwembu Nkulukumba wanga, lomu angatikihuma swimbeni, mfuri nitatrala a henhla kwake a vito dra Xikwembu Nkulukumba wanga, ni vito dra muti wa Xikwembu Nkulukumba wanga, dra Yerusalema mumpswha, lweyi axikaka hi le Tilweni, apfa hi le ku Xikwembu Nkulukumba wanga, ni vito dranga ledri drimpswha.

Mpfuletelo 4:2

Hi nomu-lo nikumeka na nili moyeni, kutani vonani, a xitrhamu xa vuhosi xibekiwiki Tilweni, kutani axitrhan'wini lexo afa kutrhami mun'we,