Mpfuletelo 2:5 - Testamente Ledrimpswha ni Mapsalma

⁵ Drimuka-ke lomu uwiki kone! Tisole, utlhelela ku mintiro yaku ya kusungula; loko swingali tanu, nakutela, nitasusa a motre waku ambangwini wa wone, loko ungatisoli.

Mpfuletelo 2:5 Iomraidhean Croise

Mt 5:14

N'wine n'wi livaningo dra misava. A muti lowu wuyakiwiki a henhla ka nhava awufihleki;

Mt 5:15

na swone a motre awulumekiwi wubekiwa a hansi ka xihundru, kambe vawubeka a henhla, lomu wuvaningaka hinkwavu lava vanga ndlwini.

Marka 12:9

Ke a n'winyi wa livhinya atayentxa yini, xana? Atata, atatadlaya vadrimi lavo, ava anyika van'wana livhinya.

Lk 1:17

Yene atafamba mahlweni ka Hosi, na ani moya ni ntamu swanga Eliya, akuva andruluta a timbilu ta vapswali ku vana, ni kundruluta lava va kuka-kuyingiseta vavani mayanakanyela ya valulami, ni kululamisela a Hosi a xitrhungu lexi xitibekiseliki.

Lk 20:16

Atata, atadlaya vadrimi volavo, ava anyika van'wana livhinya. Vaswiyingeliki leswo, vaku: Swingatxhuke swiva tanu!

Gl 5:4

N'witravukani na Kriste n'wine lava vadjulaka vululami hi nawu, n'wi wile an'wehena timpswalu.

Va-le-Filipiya 2:15

Akuva n'wingavina kusoleka, n'wiva lava vabasiki, n'wiva vana va Xikwembu Nkulukumba lava vangeke na nandru amakari ka lixaka ledri dra kusomboloka dra kubiha, ku drone n'wivaningaka swanga hi tinyeleti amisaveni,

Va-Heberu 10:32

Drimukani-ke, masiku lawa makhalutiki, lawa ntrhaku kakuva n'wivaningeliwile, mitiyiselile kulweni lokukulu ni mahlomulo.

II Ptr 3:17

N'wine ke, varandriwa, n'witivisiwile swoswi, tivonelani! N'winga titrikeni n'wikokiwa hixihono xa lavanfani, akuva n'wingatiwa akutiyeni kwenu.

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,

Mpfuletelo 1:20

Hi lowu a ntlhamuxelo wa xihundla xa ntlhanu na tibiri wa tinyeleti, leti utivoniki avokweni dranga dra xinene, ni xa ntlhanu na mabiri wa mimotre, ya gole: A ntlhanu na tibiri wa tinyeleti i tintrumi ta ntlhanu na mabiri wa makereke; kasi-ke a ntlhanu na mabiri wa mimotre hi ntlhanu na mabiri wa makereke.

Mpfuletelo 16:9

Kutani vhanu va hisiwa hi kuhisa loku kulu, vasandra a vito dra Xikwembu Nkulukumba, lweyi angani ntamu a henhla ka makhombo lawo; kambe avandrulukanga aswihonweni swavu akuva vamunyika lidrumu.

Mpfuletelo 2:16

Kolahu-ke tisole! Loko swingali tanu, nakutela swoswi, nitatalwa na vone hi lipanga dra nomu wanga.

Mpfuletelo 2:19

Nitiva a mintiro yaku, ni lirandru draku, ni vupfumeli byaku, ni kutirela kwaku, ni kutiyisela kwaku ni mintiro yaku ya vugamu, mitlulaka a ya kusungula.

Mpfuletelo 2:2

Nitiva a mintiro yaku, a kukhinyela kwaku ni kutiyisela kwaku ni leswaku awuswirandri akuva kun'we ni lava vamfani; ni leswaku udringi lava vatihlayaka vapostola na kasi ahi vapostola, ukuma leswaku i va madrimi;

Mpfuletelo 3:19

Mine nikhwavela niva nikhata lava nivarandraka, hileswo-ke, ufanela a kukhinyela na utisola!