Mpfuletelo 16:10 - Testamente Ledrimpswha ni Mapsalma

¹⁰ A ntrumi ya vuntlhanu yi halatela ntrheko wa yone axitrhan'wini xa vufumi bya xihari xa kulebya, kutani mfumu wa xone wu tiyentxa munyama, ni vhanu afa vatiluma tindrimi hi kuvaviseka,

Mpfuletelo 16:10 Iomraidhean Croise

Mt 13:42

akuva vatxukumetiwa akheleni dra ndrilo, laha kutakava ni swidrilo ni kuketrela ka menyo.

Mt 13:50

kutatxukumetiwa lava vamfani akheleni dra ndrilo lomu kutakavani kudrila ni kuketrela ka menyo.

Mt 22:13

Kutani a mufumi abyela malandra aku: Trimbani minenge ni mavoko yake n'wimutxukumeta ahandle amunyameni, lomu kutakava ni swidrilo ni kuketrela ka menyo.

Mt 24:51

kitani atamutravukanyisa, amunyika vutrhamu byake kun'we ni vamandrendre. Lahu kutava ni xidrilo ni kuketrela ka menyo.

Mt 8:12

kambe loko vali vana va Mfumu, vatatxukumetiwa a handle, amunyameni, lomu kutakava ni swidrilo ni kuketrela ka menyo.

Lk 13:28

Hi kone kutakava ni swidrilo ni kuketrela ka menyo, loko n'wivona Abrahamu na Yisaki na Yakobe ni vaprofeta hinkwavu, aNfun'wini wa Xikwembu Nkulukumba, kasi n'wine n'witxukumetiwi ahandle.

I Ptr 2:17

Vana ni xihluwa ku hinkwavu, randrani a vukwavu, txhavani Xikwembu Nkulukumba, n'wivani xihluwa ku mufumi.

Mpfuletelo 11:10

Kutani a vayaki va le misaveni vatrhava hi kola ka tone, vatrhavisisa, varumelana ni swinyiko van'we ku van'wana, hikusa a vaprofeta lava vabiri vaxanisi lava yakiki amisaveni.

Mpfuletelo 11:2

Kambe a phangu dra le handle ka Tempele drisiye handle, ungadripime, hikusa drinyikiwi ku va-Matiko; kutani vatakakandretela a muti wa kuxwenga hi mune wa makume ya tihweti na tibiri.

Mpfuletelo 11:8

ni mintrumbu ya tone mitava hubyini bya muti wukulu, lowu wutxhuliwaka hi le moyeni, Sodoma na Egipta, lomu na swone kungavambiwa a Hosi ya tone.

Mpfuletelo 17:17

Ave Xikwembu Nkulukumba lweyi avanhingenisiki leswi timbilwini tavu, akuva vayentxa a kungu drakwe. Hileswo-ke vata yentxa kun'we hi kutwanana ni kunyika mfumu wavu hinkwawu ku xihari xa kulebya, kukota kuhetiseka maritu ya Xikwembu Nkulukumba.

Mpfuletelo 17:9

Laha kuni kuyingelisisa ni vutivi: A tinhloko leti ta ntlhanu na tibiri i ntlhanu wa tinhava na tibiri, leti lweyi wansati atrhamiki henhla ka tone. Nakone, i vafumi lava vantlhanu na vabiri.

Mpfuletelo 18:2

Yibandlukana hi ritu ledrikulu yiku: Awile, Babilona lwenkulu a weli misaveni! Andruluki vuyaku bya mimoya leminfani, ni vutxhavelo bya mademoni, ni ya tinxaka hinkwatu ta mimoya ya kubiha, ni vutumbelo bya tinyanyana hinkwatu ta kubiha ni kunyenyentsa.

Mpfuletelo 18:21

Hikolahu a yin'we ntrumi ya ntamu ngopfu yitlakuxi ribye swanga hi ribye dra kusila, yitxukumetela likhulwini, yiku: Switava xileswi hi kulebya ka kufana, loko Babilona a muti lowu kulu, wungahatitlhela wukumiwa!

Mpfuletelo 18:23

Kunga ha vaningiwi swimbeni ndreni kwaku livaningo dra motre! Nambi kuyingeliwa a ritu dra muteki ni mutekiwa, swingahati yingeliwa ku wene! Hileswaku a vaxavisi vaku afa vali vakulu va misava, hikusa a matiko hinkwawu makanganyisiwile hi vungoma byaku.

Mpfuletelo 8:12

A ntrumi ya vumune yiyimba a nanga; kuvavisiwa a xiyenge xa vuraru xa dambu, ni xa vuraru xa n'weti, ni xiyenge xa vuraru xa tinyeleti, akuva xiyenge xa vuraru xa swone ximphuma, ni xiyenge xa vuraru xa nhlikanhi xingahavaningi, ni vusiku na byone swiva tanu.

Mpfuletelo 9:2

kutani a nyeleti yipfula a khele ledri dra kuyeta, kuhuma a musi waku ingi i musi wa xidridri xikulu, kutani a dambu ni moya swimphuma hinkonta ya musi lowu wuhumiki akheleni.