Mpfuletelo 13:4 - Testamente Ledrimpswha ni Mapsalma

⁴ Kutani vagandrela dragoni hileswi anyikiki xihari xakulebya a vuhosi; afa vakhisamela xihari xa kulebya, vaku: Hi mani lweyi angani ntamu lowu fanaka ni wa xihari xa kulebya. Hi mani lweyi atakaswikotaka kulwa na xone xana?

Mpfuletelo 13:4 Iomraidhean Croise

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

II Tsl 2:4

Hi lweyi a lwisanaka ni mintxhumu hinkwayu, ni kutibeka henhla ka hinkwaswu leswi a vhanu vaswihlayaka swa vukwembu, kumbe swakubasiseliwa Xikwembu Nkulukumba. Atatlhasela kufuma Yindlu ya Xikwembu Nkulukumba, atikombisa habyake swanga Xikwembu Nkulukumba.

Mpfuletelo 12:3

Kutani kuvoneka xin'wana xikombiso tilweni, afa ali dragoni ledrikulu dra libungu, dringani ntlhanu wa tinhloko na tibiri, na khume dra timhondro, henhleni ka tinhloko tadroni, afa kulini ntlhanu wa tingiyana na tibiri.

Mpfuletelo 12:4

A nkila wadrone wu koka xiyenge xa vuraru xa tinyeleti ta tilo, leti a titxukumeteliki a misaveni; kutani a dragoni dri yima amahlweni ka wansati lweyi afaka adjula kuphuluka, akuva drida a n'wana wakwe loko a pswaliwile.

Mpfuletelo 13:11

Ntrhaku nivoni xin'wana xihari xakulebya xitlhantuka misaveni, afa xi ni timhondro tibiri swanga timhondro ta mhongo ya hamba, afa xivulavula swanga hi dragoni.

Mpfuletelo 13:15

Xinyikiwi ntamu wa kunyika kuhefemula ku xifaniso xa xihari xa kulebya, akuva na xone xifaniso xa xihari xakulebya xikota kuvulavula, ni kuva xiyentxa leswaku kudlayiwa hinkwavu lava vanga gandrelangakiki a xifaniso xa xihari xa kulebya.

Mpfuletelo 13:2

A xihari lexi xakulebya, ninga xivona afa xifana ni yingwe, a minenge ya xone ya nga ya bere(urso), ni nomu wa xone wa nga nomu wa ndrawu. A dragoni drixinyika ntamu wadrone, ni xiluvelo xadrone, ni vuhosi lebyikulu.

Mpfuletelo 17:14

Vone vata lwa ni Hambana, kambe a Hambana yitavahlula, hikusa i Hosi ya tihosi, ni Mufumi wa vafumi, vatahlula na vone lava vanga na Yene, lava vavitaniwiki, vahlawuliwiki ni lava vadumbekiki.

Mpfuletelo 18:18

Kutani loko va vona musi wakupswha vabandlukana vaku: Hi kwini lomu afaka kuni muti wa ntamu ngopfu wa nga hi lowu?

Mpfuletelo 9:20

Kambe a vhanu lava vasaliki, lava vangadlayiwangakiki hi makhombo wolawo, avandrulukanga amintirweni ya mavoko yavu; akuva vangahagandreli a mademoni, ni swikwembu swavu swakuka-ndlela swa gole, ni swa silivhela, ni swa nsuku, ni swa maribye, ni swa mintrandra, leswi swingavoniki, swingayingeliki, mfuri swingafambiki;