Mpfuletelo 13:16 - Testamente Ledrimpswha ni Mapsalma

¹⁶ Xiyentxa leswaku hinkwavu vhanu lavakulu ni lavatrongo, vafuyi ni swisiwana, vantrhunxeki ni switiri, vabekiwa xikombiso a vokweni dra xinene, kumbe mimombyeni yavu.

Mpfuletelo 13:16 Iomraidhean Croise

Mintiro Ya Vapostola 26:22

Kambe leswi ningakuma kupfuniwa hi Xikwembu Nkulukumba, nahali kone ni namuhla, nihamba vumboni ni le ku lava vatrongo ni lava vakulu. Ningahlayi ntxhumu ahandle ka leswi a vaprofeta na Moxe vangahlaya leswaku switayentxeka.

I Kor 12:13

Hileswo-ke, hinkweru hibabatisiwi ku Moya wolowu wa wun'we, akuva hiva miri wun'we, vangava va-Yuda kumbe va-Girika, swikarawa kumbe lava vantrhunxekiki. Nakone hinkweru hinwisiwi a Moya wun'we ntsena.

Gl 3:28

Akehena kuhambana amakari ka va-Yuda ni va-Matiko, akuna xikarawa, ni vhanu vakuntrhunxeka, makari ka vavanuna ni vavasati. Hikusa n'wine hinkwenu n'wi mun'we ku Kriste Yesu.

Gl 6:17

Kusukela swoswi, kungahavena mhunu lweyi ataka ni karata hikusa ni rwali amirini yanga amintrhonsi ya Kriste.

Ef 6:8

na n'widrimuka leswaku a mun'wana-ni-mun'wana atayamukela ku Hosi hinkwaswu leswi swinene atakaswiyentxa, nambi xi xikarawa, kumbe wa kuntrhunxeka.

Va-le-Kolosa 3:11

laha kungaliki na mu-Yuda nambi mugeriki, nambi ku lava vakusoka nambi ku lava vangasokiwangakiki, nambi vali va va-Barbara, kumbe mu-Cita, nambi xa kuva xikarawa, kambe kuntrhunxeka ha Kriste kuhinkwaswu ku hinkwavu.

II Tmt 3:8

Swanga hileswi Yani na Yambre vanga kanetana na Moxe, vatanu na vo vhanu lavo, vatiyentxa vakaneti vaxihlayelamfuri, vanga vhanu lava vaboliki kuyanakanyeni kwavu, lava vakuka ndlela kupfumeleni;

Mpfuletelo 11:18

A matiko mahlundrukile, kambe a mahlundru yaku na wone mahumelele, ni nkama wa kuyavanyisiwa ka vafi ni wa kuva unyika a hakelo ku vaprofeta, a malandra yaku, ni ku vahlawuleki, ni ku lava vatxhavaka a vito draku, lava vatrongo, ni lava vakulu, ni wa kuhelisa lava vahelisaka misava!

Mpfuletelo 15:2

Nivona ni xanga hi likhulu dra xivonivoni xipatraniki ni ndrilo, na kone lava vahumiki na vahlulile xihari xa kulebya ni xifaniso xa xone, ni xikombiso xa xone, ni nhlayu ya vito dra xone, lava afaka vali kusuhi ni likhulu dra xivonivoni na vatameli switrendre swa Xikwembu Nkulukumba.

Mpfuletelo 19:18

Tanani n'wida tinyama ta vafumi, ni tinyama ta maphini, ni tinyama ta lava vantamu; ni tinyama ta mahanxi, ni ta lava vakhandriyiki, ni tinyama ta vhanu hinkwavu vangawa lava ntrhunxekiki, kumbe swikarawa, ta lavatrongo kumbe lavakulu.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Mpfuletelo 19:5

Kutani kuhumi a ritu xiluvelweni ledri afaka driku: Drumisani Xikwembu Nkulukumba weru, hinkwenu lava vamutirelaka, hinkwavu lava vamutxhavaka, ku lavatrongo ni lavakulu!

Mpfuletelo 20:12

Nakone ni voni ni vafi hinkwavu, lavakulu ni lavatrongo, lava faka vayimisiwile mahlweni ka xiluvelo na vapfuli mabuku. Nangweso mapfuliwile mabuku, ni buku drin'wana, kupfuliwa ni buku dra vutomi. Kutani a vafi vatremeliwi ntremo mayelana ni mintiro yavu, ni hi leswi afaka switraliwile amabukwini lawo.

Mpfuletelo 20:4

Nakone nivoni swiluvelo, ku swone afa kutrhami lava vone vanyikiwiki ntamu wa kutrema. Nahanga vona na kambe, amahika ya lava afaka vatremiwi tinhloko hinkonta ya vumboni lebyi vabyibekiki bya Yesu, ni hi kurera ritu dra Xikwembu Nkulukumba, hi lava vanga gandrelangakiki xihari xa kulebya, nambi xi xifaniso xa yone, nambi kuli kuva ni xifungo a mi mombyeni, kumbe mavokweni yavu. Kutani vahanya na Yesu, hi mpfhuka wa khume dra madzana ya malembe (1000).

Mpfuletelo 6:15

Avafumi va misava, ni vakulu, ni tindruna ta xisotxha, ni swipfundri, ni lavantamu, ni swikarawa, ni lava vantrhunxekiki, vatifihla timhakweni ni le hansi ka maribye ya tinhava,

Mpfuletelo 7:3

yiku: Minga honeni misava, nambi likhulu, nambi minsinya, kukota hifunga a malandra ya Xikwembu Nkulukumba weru amimombyeni yavu.