Mpfuletelo 13:12 - Testamente Ledrimpswha ni Mapsalma

¹² Xone xitira hi ntamu hinkwawu wa xihari xakulebya xa kusungula amahlweni ka xone, xisindrisa leswaku misava ni lava vayakiki ku yone vakhisamela xihari xa kulebya xa kusungula, lexi afaka a mbanga ya xone ya kuyisa kufeni yinga holisiwa.

Mpfuletelo 13:12 Iomraidhean Croise

II Tsl 2:4

Hi lweyi a lwisanaka ni mintxhumu hinkwayu, ni kutibeka henhla ka hinkwaswu leswi a vhanu vaswihlayaka swa vukwembu, kumbe swakubasiseliwa Xikwembu Nkulukumba. Atatlhasela kufuma Yindlu ya Xikwembu Nkulukumba, atikombisa habyake swanga Xikwembu Nkulukumba.

Mpfuletelo 13:2

A xihari lexi xakulebya, ninga xivona afa xifana ni yingwe, a minenge ya xone ya nga ya bere(urso), ni nomu wa xone wa nga nomu wa ndrawu. A dragoni drixinyika ntamu wadrone, ni xiluvelo xadrone, ni vuhosi lebyikulu.

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.

Mpfuletelo 14:11

A musi wa kuxanisa kwake wuta mpukuka hi laha kungahelikiki; kutani avana kuwisa, nambi ali nhlikanhi kumbe ni vusiku, lava khisamelaka a xihari xa kulebya ni xifaniso xa xone, nambi ni lava vayamukelaka xikombiso xa vito dra xone.

Mpfuletelo 14:9

A ntrumi ya vuraru yilandrela hi ritu ledrikulu yiku: Lweyi akhinsamelaka xihari ni xifaniso xa xone, ayamukela ni xikombiso a mombyeni wakwe kumbe vokweni drakwe,

Mpfuletelo 16:2

Ka kusuka ntrumi ya kusungula yiya halatela ntrheko wa yone misaveni. Ka kuhumelela swilondra leswi swakubiha, leswimfani, ku vhanu lava vangani xikombiso xa xihari xa kulebya, afaka vakhisamela xifaniso xa xone.

Mpfuletelo 17:8

A xihari xa kulebya lexi uxivoniki afa xihanya, afa xili xone, kambe a hi xone, kutani xitahuma akheleni ledra kuyeta, xiya kusuveni. Lava vayakiki misaveni, lava a mavito yavu manga traliwangakiki abukwini dra vutomi kusukela akutumbulukeni ka misava, loko va xivona vatahlamala, leswi afaka xili xone kutani axehe xone, hanya, kambe xitatlhela xi humelela.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Mpfuletelo 20:4

Nakone nivoni swiluvelo, ku swone afa kutrhami lava vone vanyikiwiki ntamu wa kutrema. Nahanga vona na kambe, amahika ya lava afaka vatremiwi tinhloko hinkonta ya vumboni lebyi vabyibekiki bya Yesu, ni hi kurera ritu dra Xikwembu Nkulukumba, hi lava vanga gandrelangakiki xihari xa kulebya, nambi xi xifaniso xa yone, nambi kuli kuva ni xifungo a mi mombyeni, kumbe mavokweni yavu. Kutani vahanya na Yesu, hi mpfhuka wa khume dra madzana ya malembe (1000).