Mpfuletelo 12:9 - Testamente Ledrimpswha ni Mapsalma

⁹ Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mpfuletelo 12:9 Iomraidhean Croise

Mt 13:39

A nala lweyi abyaliki lihungu hi yene Diyavulosi, lava vanga vahlengeleti va ntrhovelo i tintrumi.

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Mt 25:41

Kutani a HOSI yitabyela lava vanga ximantrhini yiku: Sukani ku mine, n'wine lava varuketeliwiki; fambani n'wiya ndrilweni lowu wungatimekikiki, lowu wubekiseliwiki Diyavulosi ni tintrumi takwe.

Mt 4:1

A Moya wuyisi Yesu ahuleni, akuva Diyavulosi amudringa.

Mt 4:10

Yesu amuyangula aku: Suka Sathana! Hikusa kutraliwi leswaku: Utagandrela HOSI Xikwembu Nkulukumba waku, utirela yene ntsena.

Mt 4:5

Kutani Diyavulosi amutekela amutini wa Kuhlawuleka amukhandriyisa axihlungwini xa kutlakuka ngopfu xa Tempele,

Mt 4:8

Diyavulosi atlhela mfuri amuyisa ku nhava ya kuleha ngopfu, amukomba a mimfumu hinkwayu ni kuphatima ka yone,

Lk 10:18

Yesu aku ku vone: Afa nihlalela Sathana na awa, apfa tilweni swanga hi lihati.

Lk 13:16

Kambe lweyi, anga n'wana Abrahamu, Sathana angamuboha ha khume dra malembe ni ntlhanu na mararu (18), xana afa swingafanekeli akuva antrhunxiwa kubohiweni koloko hi siku dra Savata xana?

Lk 22:3

Kambe Sathana anhingena ku Yudasi, lweyi ahlayiwaka Iskariyota, lweyi afaka ali wa lava vakhume na vabiri.

Lk 22:31

Kutani Hosi yiku: Simoni, Simoni, lavisa, Sathana akombeli kun'wihehera swanga hi mavele

Lk 8:12

A xiyenge lexi xiweliki andleleni, hi lava vayingeliki a Ritu dra Xikwembu Nkulukumba, kambe kuta Diyavulosi ata susa a ritu atimbilwini tavu, leswaku vangatipfumela, kutani vahanyisiwa.

Yohana 12:31

Swoswi a misava leyi mikari mayavanyisiwa, kutani mufumi wa misava leyi swoswi atahlongoliwa.

Yohana 14:30

Ni ngaha khaneli swakutala na n'wine, hikusa mufumi wa misava leyi awata. Kambe angana ntamu ahenhla kwanga.

Yohana 16:11

a kuyavanyisa, hikuva a mufumi wa misava leyi ayavanyisiwile.

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Mintiro Ya Vapostola 5:3

Kolahu-ke Petrosi aku: Ananiya, xana Sathana atatisi kuyini a mbilu yaku akuva uhembela Moya wa Kuxwenga, ni kutipambulela a ntrengo wa nsimu, xana?

Rm 16:18

hikusa volavu avatireli Kriste Hosi yeru, kambe, ina votirela makhuri yavu. Hi maritu yavu lawa ya hombe ni hi kukutxa, vakanganyisa vhanu lava vangeke na rengu.

Rm 16:20

Xikwembu Nkulukumba lweyi a nyikaka kurula, atahatla apswhandlasa Sathana a hansi ka minkondro yenu. Ingi a Hosi yeru Yesu Kriste angan'witovokisa.

II Kor 11:14

Aswina kuhlamalisa hikusa nambi Sathana atindruluta ava ntrumi ya livaningo.

II Kor 11:3

Kambe ni txhava leswaku, swanga Eva lweyi angakanganyisiwa hi madrimi ya nyoka na n'wine a miyanakanyu yenu mingatxhuka mihoniwa, mitrika vunene ni kubasa leswi swiyisaka ku Kriste.

II Kor 12:7

Kambe akuva ningatitikukumuxa ngopfu hivukulu bya mimpfuletelo, nibekeliwi amitwa anyameni, anga ntrumi ya Sathana; akuva aniba ni leswaku ningatikulisi.

II Kor 2:11

Akuva Sathana anga ti londrovota ha hine, hikusa ha mativa swinene a makungu yake.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

Ef 4:14

akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

II Tsl 2:3

n'winga trikeni mikanganyisiwa hi ntxhumu wa leswo. A siku ledro dringa tita loko kunga sina vani vupfukeli bya vugamu, nambi kunga sina humelela mupfukeli hi vumhunu, lweyi ahlawuleliweliki kulahleka.

I Tmt 2:14

Mfuri ahi Adamu lweyi angakanganyisiwa, kambe ave wansati lweyi hi kukanganyisiwa, angatlula nawu;

II Tmt 3:13

A vhanu lava vanfani ni vakanganyisi vahaya mahlweni avubihini; va kanganyisa, na vone vakanganyisiwa.

Va-Heberu 2:14

Hi leswi-ke, a vana vaniyavelo drin'we dra ngati ni nyama, e kuyavelisiwa xiswoswo na Yene, akuva hi kufa kwake atahelisa lweyi afaka ani ntamu wa kufa, anga yene Diyavulosi.

I Ptr 5:8

Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

I Yhn 5:19

Haswitiva leswaku hi va Xikwembu Nkulukumba, ni leswaku a misava hinkwayu mifumiwa hi mubihi.

Yd 1:9

Kambe Mikayele ntrumi leyi yikulu loko akanetana na Diyavulosi, valwetana ntrumbu wa Moxe, atxhavi kuhumexa ritu drakusola, eku: “A Hosi ayikukhatise!”

Mpfuletelo 12:12

Hileswo-ke trhavani matilo, na n'wine n'wiyakiki kone! Kambe yowee ku lava vayakiki misaveni ni le likhulwini, hikusa Diyavulosi axikeli ku n'wine na tali hi mahlundru lawa makulu, hi kutiva leswaku a nkama lowu anga nawu i wutrongo.

Mpfuletelo 12:3

Kutani kuvoneka xin'wana xikombiso tilweni, afa ali dragoni ledrikulu dra libungu, dringani ntlhanu wa tinhloko na tibiri, na khume dra timhondro, henhleni ka tinhloko tadroni, afa kulini ntlhanu wa tingiyana na tibiri.

Mpfuletelo 12:7

Kolahu kuvi ni kulwa le tilweni. Mikayele ni tintrumi takwe valwa ni dragoni, na drone dragoni drilwa ni tintrumi ta drone,

Mpfuletelo 12:8

kambe a dragoni ni tintrumi takwe vahluliwa, ni mbangu wavu wungaha kumeki a Matilweni.

Mpfuletelo 13:14

Xikanganyisa lava yakiki misaveni hinkonta ya swikombiso leswi xinyikiwiki kuswitira mahlweni ka xihari xa kulebya, xibyela vayaki va misava yentxa xifaniso xa xihari xa kulebya lexi xinga tlhabyiwa hi tlhari, kutani xihanyiki.

Mpfuletelo 16:14

hikusa i mimoya ya mademoni, lemiyentxaka swihlamaliso, yone mikongoma ku vafumi va misava hinkwayu, akuva miya vatlhanganisela kulwa hi Siku drikulu dra Xikwembu Nkulukumba wa Ntamu hinkwawu.

Mpfuletelo 18:2

Yibandlukana hi ritu ledrikulu yiku: Awile, Babilona lwenkulu a weli misaveni! Andruluki vuyaku bya mimoya leminfani, ni vutxhavelo bya mademoni, ni ya tinxaka hinkwatu ta mimoya ya kubiha, ni vutumbelo bya tinyanyana hinkwatu ta kubiha ni kunyenyentsa.

Mpfuletelo 18:23

Kunga ha vaningiwi swimbeni ndreni kwaku livaningo dra motre! Nambi kuyingeliwa a ritu dra muteki ni mutekiwa, swingahati yingeliwa ku wene! Hileswaku a vaxavisi vaku afa vali vakulu va misava, hikusa a matiko hinkwawu makanganyisiwile hi vungoma byaku.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 2:24

Kambe swoswi nili ku n'wine, ni ku van'wana a Tiyatira, hinkwavu lava vangaliki ni dondro leyo, lava vangativiki a mintxhumu ya vuyentelelo ya Sathana, kufana ni leswi valiki: Anin'wirwexi ntrhwalu wumbeni,

Mpfuletelo 2:9

Nitiva a nhlomulu waku ni vusiwana byaku, kambe uxipfundri, mfuri a kusandra ka lava vatihlayaka va-Yuda, na kasi ahi va-Yuda, kambe vone i sinagoga dra Sathana.

Mpfuletelo 20:10

Diyavulosi, lweyi a ngava kanganyisa, atxukumetiwi tiveni dra ndrilo ni wa xivavula, lomu kunga ni xihari xa kulebya ni muprofeta wa madrimi. Vata xanisiwa nhlikanhi ni vusiku hi madzana ni madzana ya malembe.

Mpfuletelo 20:8

Atahuma akuva akanganyisa matiko hinkwawu ku mune wa makhona ya misava, Gogi na Magogi, atama hlengeletela a kulwa; a nhlayo ya swoleswo yi fana ni misava ya lwandle.

Mpfuletelo 3:9

Vona, nitakunyika van'we va sinagoga dra Sathana, lava vatihlayaka leswaku i va-Yuda nakuve ahi va-Yuda, vohemba. Vona, nitayentxa leswaku vatatakhinsama aminkondrweni yaku, ni kutiva leswaku nikurandrile.

Mpfuletelo 9:1

A ntrumi ya vuntlhanu yiyimbi a nanga; kutani nivona a nyeleti yipfiki hi le tilweni, yiwela amisaveni, yinyikiwa a mpfungulu wa khele dra kuyeta,

Mpfuletelo 9:20

Kambe a vhanu lava vasaliki, lava vangadlayiwangakiki hi makhombo wolawo, avandrulukanga amintirweni ya mavoko yavu; akuva vangahagandreli a mademoni, ni swikwembu swavu swakuka-ndlela swa gole, ni swa silivhela, ni swa nsuku, ni swa maribye, ni swa mintrandra, leswi swingavoniki, swingayingeliki, mfuri swingafambiki;