Mpfuletelo 12:4 - Testamente Ledrimpswha ni Mapsalma

⁴ A nkila wadrone wu koka xiyenge xa vuraru xa tinyeleti ta tilo, leti a titxukumeteliki a misaveni; kutani a dragoni dri yima amahlweni ka wansati lweyi afaka adjula kuphuluka, akuva drida a n'wana wakwe loko a pswaliwile.

Mpfuletelo 12:4 Iomraidhean Croise

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

I Ptr 5:8

Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

Mpfuletelo 12:7

Kolahu kuvi ni kulwa le tilweni. Mikayele ni tintrumi takwe valwa ni dragoni, na drone dragoni drilwa ni tintrumi ta drone,

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mpfuletelo 13:2

A xihari lexi xakulebya, ninga xivona afa xifana ni yingwe, a minenge ya xone ya nga ya bere(urso), ni nomu wa xone wa nga nomu wa ndrawu. A dragoni drixinyika ntamu wadrone, ni xiluvelo xadrone, ni vuhosi lebyikulu.

Mpfuletelo 13:4

Kutani vagandrela dragoni hileswi anyikiki xihari xakulebya a vuhosi; afa vakhisamela xihari xa kulebya, vaku: Hi mani lweyi angani ntamu lowu fanaka ni wa xihari xa kulebya. Hi mani lweyi atakaswikotaka kulwa na xone xana?

Mpfuletelo 16:13

Nivona mimoya miraru leminfani, swanga makhele, mihuma non'wini wa dragoni ni le non'wini wa xihari xa kulebya, ni le non'wini wa muprofeta wa madrimi,

Mpfuletelo 17:18

A wansati lweyi umuvoniki i muti lowu kulu, lowu wufumaka henhla ka vafumi hinkwavu va misava.

Mpfuletelo 20:2

yikhoma dragoni, a nyoka ya khale, anga Diyavulosi kumbe Sathana, kutani yakumuboha ha khume dra madzana ya malembe (1000).

Mpfuletelo 8:10

A ntrumi ya vuraru yiyimba a nanga; kutani kuwa a nyeleti yikulu hi le tilweni, na yipfura swanga hi motre, yiwela henhla ka xiyenge xa vuraru xa milambu ni le henhla ka tinhlovo ta mati;

Mpfuletelo 8:11

a vito dra nyeleti leyo vaku i Manono; kutani a xiyenge xa vuraru xa mati mandruluka mafana ni manono, ni vhanu vanyingi vafa hinkonta ya mati lawo hikusa mandruluki mabava.

Mpfuletelo 8:12

A ntrumi ya vumune yiyimba a nanga; kuvavisiwa a xiyenge xa vuraru xa dambu, ni xa vuraru xa n'weti, ni xiyenge xa vuraru xa tinyeleti, akuva xiyenge xa vuraru xa swone ximphuma, ni xiyenge xa vuraru xa nhlikanhi xingahavaningi, ni vusiku na byone swiva tanu.

Mpfuletelo 8:7

Kutani a ntrumi ya kusungula yiyimba a nanga; kuva ni mpfula ya maribyana ni ndrilo swipatrani ni ngati, switxukumeteliwa amisaveni. Kutani a xiyenge xa vuraru xa misava xipswha, ni xiyenge xa vuraru xa minsinya xipswha, ni byanyi hinkwabyu bya lihlaza byipswha.

Mpfuletelo 8:8

A ntrumi ya vubiri yiyimba a nanga; kutani lexi xa kufana ni nhava yikulu yipfuraka ndrilo xitxukumeteliwa alikhulwini, kutani a xiyenge xa vuraru xa likhulu xindruluka ngati,

Mpfuletelo 8:9

kufa xiyenge xa vuraru xa swivumbiwa swa le likhulwini leswi swihanyaka, kuhohlotiwa ni xiyenge xa vuraru xa tingalawa ni mabyatrhu.

Mpfuletelo 9:10

afa yini minkila leyi mifanaka ni ya mibalana ni mintrhombo; a minkileni afa yini ntamu wa kuxanisa vhanu hi ntlhanu wa tihweti,

Mpfuletelo 9:19

hikusa a ntamu wa mahanxi afa wuli milon'wini ya wone, ni le minkileni ya wone, hikuva a minkila ya wone afa mifana ni tinyoka, mini tinhloko leti afaka tivavisana.