Mpfuletelo 12:1 - Testamente Ledrimpswha ni Mapsalma

¹ Ka kuvoneka a xikombiso lexikulu tilweni. Afa ali wansati, na ayambali dambu, ni hweti a hansi ka minenge, ni ngiyana yin'we ya khume dra tinyelete na tibiri a nhlokweni.

Mpfuletelo 12:1 Iomraidhean Croise

Mt 12:38

Ntrhaku ka leswo, van'we vatrali ni vafarisi vaku ku Yene: Mufundrisa, hidjula kukuvona uyentxa a xikombiso xin'we.

Mt 24:30

Hi laha kutakavoniwa atilweni a xikombiso xa N'wana wa Mhunu, a matiko hinkwawu ya misava matadrila, mfuri matavona a N'wana wa Mhunu loko abuya hi matlavi ya tilo na ani ntamu lowu wukulu ni kuphatima.

Marka 13:25

A tinyeleti titawa, ni mintamu ya le tilweni mitatrekatreka.

Lk 21:11

Kutava ni kutrekatreka loku kulu ka misava, ni tindlala ni mintungu ku min'wana mimbangu; nakone kutava ni mahlolana lawa matxhavisaka, ni swikombiso leswi swikulu leswi swipfaka tilweni.

Lk 21:25

Ayengeta aku: Kutavani swikombiso adambyini, ni le hwetini, ni le tinyeletini; ni le misaveni kutava ni kutxhukisiwa amakari ka matiko, vatakaganaganeka hinkonta ya kudruma ka likhulu ni mavimbi.

Yohana 3:29

A n'winyi wa mutekiwa hi muteki. Kambe a n'winyi wa ndlela ayingiseta muteki, atrhava swinene hi kumuyingela. Kolahu-ke a kutrhava kwanga loku, swoswi kuhetisekile.

Mintiro Ya Vapostola 2:19

Nitahumexa ni mahlolana henhla tilweni, ni swikombiso a hansi, amisaveni, a ngati ni ndrilo ni hunguva ya musi.

Rm 13:14

Kambe yambalani Hosi Yesu Kriste, n'winga kokeliweni a nyameni akuva n'wita yentxa a kunavela ka yone.

Rm 3:22

Kululama ka Xikwembu Nkulukumba hikola ka kupfumela Yesu Kriste, ka kuhinkwavu (henhleni ka hinkwavu) ku hinkwavu lava vapfumelaka, hikusa akuna ku hambana.

II Kor 11:2

Hikuva nan'wihisekela hi hisekelo dra Xikwembu Nkulukumba; hikusa ni n'wibekisile akuva nita n'wikombisa swanga wanhwanyana wa kukala angasina tiva wa nuna, lweyi a basiki, abuteliwaka nuna mun'we ntsena, inga Kriste.

Gl 3:27

Hikolahu n'wine hinkwenu n'wibabatisiwiki ku Kriste, n'wiyambexiwi Kriste.

Gl 4:26

Kambe Yerusalema wa le Matilweni antrhuxekile, hi yene mamana weru.

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.

Ef 5:32

A xihundla lexi i xikulu, nikhanela ha Kriste ni hi Kereke.

Mpfuletelo 1:20

Hi lowu a ntlhamuxelo wa xihundla xa ntlhanu na tibiri wa tinyeleti, leti utivoniki avokweni dranga dra xinene, ni xa ntlhanu na mabiri wa mimotre, ya gole: A ntlhanu na tibiri wa tinyeleti i tintrumi ta ntlhanu na mabiri wa makereke; kasi-ke a ntlhanu na mabiri wa mimotre hi ntlhanu na mabiri wa makereke.

Mpfuletelo 11:19

Kutani kupfuliwa a Tempele dra Xikwembu Nkulukumba, ledri dringa Tilweni; kuvoniwa Arka dra xipfumelelanu xakwe a Tempeleni drakwe, kutani kuhumelela kuhatima, ni maritu, ni kudruma ka tilo, ni kutrekatreka ka misava, ni mpfula ya maribyana makulu.

Mpfuletelo 12:3

Kutani kuvoneka xin'wana xikombiso tilweni, afa ali dragoni ledrikulu dra libungu, dringani ntlhanu wa tinhloko na tibiri, na khume dra timhondro, henhleni ka tinhloko tadroni, afa kulini ntlhanu wa tingiyana na tibiri.

Mpfuletelo 15:1

A ntrhaku ka leswo ni vona xin'wana xikombiso lexikulu xa kuhlamalisa tilweni: ntlhanu wa tintrumi na tibiri leti afaka tilini ntlhanu wa makhombo na mabiri ya vugamu, hikusa ku wone kuhetiseka a mahlundru ya Xikwembu Nkulukumba.

Mpfuletelo 21:14

A pangu dra muti afa drili ni khume dra masungulo na mabiri, a henhla ka wone afa kutraliwi ku wone khume dra mavito na mabiri ya vapostolo lava khume na vabiri va Hambana.

Mpfuletelo 21:23

Nawone muti awungadjuli dambu, kumbe hweti akuva swiva vaningela, hikusa akutwala ka Xikwembu Nkulukumba afa kuwuvaninga, na kone a Hambana i motre wa wone.