Mpfuletelo 1:5 - Testamente Ledrimpswha ni Mapsalma

⁵ ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

Mpfuletelo 1:5 Iomraidhean Croise

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Mt 28:18

Kolahu Yesu atrhindrekela akhanela navu aku: Ninyikiwi ntamu hinkwawu ni vuhosi atilweni ni le misaveni.

Yohana 13:1

Na nkhuvu wa Paska wungasangava kone, Yesu hi kutiva leswaku a nkama wakwe wa kusuka misaveni, aya ku Tatana, wutlhasile, leswi arandriki vhanu vakwe lana misaveni, avarandriki kuyatlhasa vugan'wini.

Yohana 13:34

Nin'winyika nawu lowu wumpswha, hileswaku: Randranani! Swanga hi leswi na mine nin'wirandriki, na n'wine randranani!

Yohana 15:9

Swanga hi leswi Tatana anirandriki, na mine nin'wirandrile; trhamani a lirandrwini dranga.

Yohana 18:37

Pilato aku ku yene: Xana u Hosi wene? Yesu ayangula, aku: Uhlaya swone, ni Hosi. Nipswaleliwi swone, niteli swone amisaveni leyi, akuva natatatiyisa xihlayelamfuri. Mun'wana-ni-mun'wana lweyi anga wa xihlayelamfuri, ayingiseta ritu dranga.

Yohana 3:11

Nihlayelamfuri nili ku wene, hine hi khanela hi leswi hiswitivaka, kutani hihamba vumboni bya leswi hiswivoniki; kambe an'widjuli kuyamukela leswi niswihlayaka.

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Yohana 3:32

Ahlaya vumboni bya leswi aswivoniki ni kuswiyingela; kambe akuna lweyi ayamukelaka vumboni byake.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Mintiro Ya Vapostola 26:23

Leswaku Kriste afa afanekeli kuxaniseka, ava lweyi wa kuranga a kupfuka kufeni, atadrungulela a livaningo ku va tiko ledri ni ku va-Matiko.

Rm 3:25

Lweyi Xikwembu Nkulukumba angamubeka khale ava xiruliso, hikupfumela ka ngati yake, akuva akululama kwake ku kombisiwa. Hileswi Xikwembu Nkulukumba atrikiki kukhatisa a swidoho leswi swiyentxiwiki khale;

Rm 8:37

Kambe ku hinkwaswu leswi hine hi hundrisa ngopfu kuhlula, hi lweyi ahirandriki.

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Ef 2:4

Kambe leswi Xikwembu Nkulukumba anga xipfundri hi lirere, akombisi hi lirandru ledri ahirandriki ha drone.

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

Va-le-Kolosa 1:18

Hi Yene nhloko ya miri, dringa kereke. Yene i masungulu, ni mativula ya kupfuka a makari ka vafi, lakakuva ava ni mbangu wa kuranga ku hinkwaswu.

I Tmt 6:13

Nakutratriya amahlweni ka Xikwembu Nkulukumba lweyi ahanyisaka hinkwaswu, ni le ku Kriste Yesu, lweyi amahlweni ka Ponciu Pilatu, abekiki a vumboni bya kutihlaya loku kunene,

I Tmt 6:15

loku atakakukombisa aminkameni leyi mibekisiwiki, ha Yene ntsena n'winyi lweyi ankhensekaka, Hosi ya tihosi, n'winyi wa vinyi;

Va-Heberu 10:29

Xana n'wili atafanekeliwa hi kubiwa lokukulu loku kutlulaka swaku nhati, lweyi a kandreteliki N'wana wa Xikwembu Nkulukumba! Lweyi ahlayiki leswaku a ngati ya xipfumelelanu leyi a xwengisiwiki ha yone a hi ntxhumu, lweyi a sandriki Moya wa timpswalu?

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

I Ptr 1:19

kambe hi ngati ya lisima drikulu ya Xihambana lexi xingalikina vulema kumbe bati dra nandru, anga Kriste,

I Yhn 1:7

Kambe loko hi famba livaningweni, swanga ha Yene anga livaningweni, hitlhangana kun'we, ni ngati ya Yesu, N'wanake, yihibasisa swidoho hinkwaswu.

I Yhn 4:10

Kutani a lirandru drile kuleswi: akuvanga hine lava varandriki Xikwembu Nkulukumba, kambe kuvi Yene ahirandriki kutani ahirumeli N'wana wakwe, akuva kudrivaleliwa swidoho sweru.

Mpfuletelo 11:15

A ntrumi ya vuntlhanu na tibiri yiyimba a nanga. Kutani kuva ni maritu makulu atilweni, na maku: A mfumu wa misava wundruluki wuva wa Hosi yeru, ni wa Kriste wakwe, lweyi atakafuma hi madzana-ni-madzana ya malembe!

Mpfuletelo 11:3

Nakone nitanyika timboni tanga leti ta tibiri, akuva titaprofeta hi xipimo xa khume dra madzana, na madzana mabiri na ntlhanu na drin'we wa makume ya masiku, na tiyambali masaka.

Mpfuletelo 17:14

Vone vata lwa ni Hambana, kambe a Hambana yitavahlula, hikusa i Hosi ya tihosi, ni Mufumi wa vafumi, vatahlula na vone lava vanga na Yene, lava vavitaniwiki, vahlawuliwiki ni lava vadumbekiki.

Mpfuletelo 19:11

Kutani ni vona tilo na dripfulekile; kuvoneka a hanxi ledra ntlhohe. Lweyi a drikhandriyiki ahlayiwa Mudumbeki ni waxihlayelamfuri. Atrema, alwa hi kululama.

Mpfuletelo 19:16

A swiyambalwini swake, mbangwini lowu funeketaka nyonga, afa kutraliwi vito ledri: Hosi ya tihosi, ni Mufumi wa vafumi.

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 3:14

Ku ntrumi ya kereke ledri dringa Lawodikiya trala uku: Lweyi anga Amen, a mboni leyi ya kudumbeka ni ya xihlayelamfuri, masungulu ya ntiro wa vutumbuluxi wa Xikwembu Nkulukumba, ahlaya leswi:

Mpfuletelo 7:14

Kutani mine niku ku yene: Hosi yanga, hi wene uswitivaka! Kutani yene aku ku mine: Lava, hi lava vapfaka hi le nhlomulweni lowukulu, vahlampswiki a swiyambalu swavu, vaswiyentxa swa ntlhohe angatini ya Hambana.