Mpfuletelo 1:4 - Testamente Ledrimpswha ni Mapsalma

⁴ Mine Yohana, ku makereke lawa ya ntlhanu na mabiri lawa manga Aziya: A timpswalu ni kurula aswive na n'wine swipfaka hi le ku Lweyi anga kone, afaka ali kone, mfuri ahataka, ni hi le ku mimoya leyi ya ntlhanu na mibiri, leyi minga mahlweni ka xitrhamu xakwe xa vuhosi,

Mpfuletelo 1:4 Iomraidhean Croise

Yohana 1:1

Akusunguleni, a Ritu afa drili kone. A Ritu afa drili na Xikwembu Nkulukumba, kutani Ritu afa drili Xikwembu Nkulukumba.

Mintiro Ya Vapostola 19:10

Aswiyentxisa xiswoswo ha malembe mabiri, lakakuva hinkwavu avayaki va Aziya vayingela a ritu dra Hosi: Va-Yuda ni va-Girika.

Mintiro Ya Vapostola 2:9

Vaparta ni va-Medo, va-Elamita ni va Mezopotamiya, va Yudeya ni va-le-Kapadokiya, va-le-Aziya ni va-le-Ponto,

Rm 1:7

Nitralela n'wine hinkwenu, Xikwembu Nkulukumba an'wirandriki, an'wivitaniki a kuhanyela Yene. Ingi Xikwembu Nkulukumba, Tatana weru, na Yesu Kriste Hosi yeru vangan'winyika timpswalu ni kurula.

I Kor 1:3

A timpswalu ku n'wine ni kurula, swipfa hi le ku Xikwembu Nkulukumba, Tatana weru, ni hi le ku Yesu Kriste, Hosi yeru.

II Kor 1:2

a timpswalu ni kurula aswive ku n'wine hinkwenu swipfa ku Xikwembu Nkulukumba Tatana weru, ni ku Hosi Yesu Kriste.

Va-Heberu 13:8

Yesu Kriste i mun'we, tolo, ni namuhla ni hi laha kungahelikiki.

Yakobe 1:17

Akuhanana hinkwaku loko ka hombe ni nyiko hinkwayu leyi ya kuhetiseka, swipfa henhla-henhla, swipfa ku Tatana, nhlovo ya livaningo hinkwadru. Ku yene akuna kundruluka nambi ntrhuti ni wun'we wa kundruluka.

Mpfuletelo 1:1

Apfuletelo wa Yesu Kriste, lowu Xikwembu Nkulukumba amunyikiki, akuva akomba a malandra yake leswi switakahumelela ndreni ka nkamanyana, leswi aswitivisiki na arumeli hikola ka ntrumi yake, ku nandra wakwe Yohana,

Mpfuletelo 1:11

afaka driku: Leswi uswivonaka switrale apapelweni, uswirumela amakerekeni lawa ya ntlhanu na mabiri: A Efesa, ni le Simirna, ni le Pergamosi, ni le Tiyatira, ni le Sardesi, ni le Filadelifiya, ni le Lawodikiya.

Mpfuletelo 1:17

Loko nimuvonile niwi aminkondrweni yake swanga nifile. Kutani abeka a voko drakwe dra xinene a henhla kwanga, aku: Ungatxhave! Ni wa kuranga ni wa vugamu;

Mpfuletelo 1:20

Hi lowu a ntlhamuxelo wa xihundla xa ntlhanu na tibiri wa tinyeleti, leti utivoniki avokweni dranga dra xinene, ni xa ntlhanu na mabiri wa mimotre, ya gole: A ntlhanu na tibiri wa tinyeleti i tintrumi ta ntlhanu na mabiri wa makereke; kasi-ke a ntlhanu na mabiri wa mimotre hi ntlhanu na mabiri wa makereke.

Mpfuletelo 1:8

Mine ni Alfa mfuri ni Omega, kuhlaya Hosi Xikwembu Nkulukumba, lweyi anga yene, afaka ali yene, ni lweyi atakata, lweyi anga wa ntamu hinkwawu.

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

Mpfuletelo 16:5

Nakuyingela ntrumi ya mati yiku: Wene ululamile, Wene unga Wene, afaka uli Wene, unga mululami, hikusa utremi mintxhumu leyi hi kululama,

Mpfuletelo 2:12

Ku ntrumi ya kereke ledri dringa Pergamo trala uku: Lweyi angani lipanga dra kutrema hi matlhelo mabiri, drilotiwiki, ahlaya leswi:

Mpfuletelo 2:18

Ku ntrumi ya kereke ledri dringa Tiyatira trala uku: A N'wana wa Xikwembu Nkulukumba, lweyi angani mahlu lawa mafanaka ni langavi dra ndrilo, ni minkondro yake mifanaka ni nsuku lowu wukhuxiwiki, ahlaya leswi:

Mpfuletelo 2:8

Ku ntrumi ya kereke ledri dringa Smirna trala uku: Lweyi wa kusungula ni wa vugamu, lweyi afaka afile kambe swoswi atlheliki ahanya, ahlaya leswi:

Mpfuletelo 22:16

Mine Yesu, ni rumi ntrumi yanga ya ta n'wibyela hinkwaswu leswi a makerekeni. Hi mine mutru ni lixaka dra Davida, a nyeleti ya kuphatima ya mixo.

Mpfuletelo 22:8

Hi mine Yohana ningayingela ni vona mintxhumu leyi hinkwayu. Ntrhaku kakuva niswiyingelile ni kuswivona, ni wi minengeni ya ntrumi leyi yini kombiki a mitxhumu leyi akuva ni yigandrela.

Mpfuletelo 3:1

Ku ntrumi ya kereke ledri dringa Sarde, trala uku: Lweyi angani ntlhanu wa mimoya na mibiri ya Xikwembu Nkulukumba, ni ntlhanu na tibiri wa tinyeleti ahlaya leswi: Nitiva a mintiro yaku, leswaku uni vito dra leswaku wahanya, kasi ufile.

Mpfuletelo 3:14

Ku ntrumi ya kereke ledri dringa Lawodikiya trala uku: Lweyi anga Amen, a mboni leyi ya kudumbeka ni ya xihlayelamfuri, masungulu ya ntiro wa vutumbuluxi wa Xikwembu Nkulukumba, ahlaya leswi:

Mpfuletelo 3:7

Ku ntrumi leyi yinga kerekeni ledri dringa Filadelifiya trala, uku: Lweyi wa kuxwenga ni wa xihlayelamfuri, lweyi angani mpfungulu wa Davida, lweyi apfulaka kungapfali mhunu, lweyi apfalaka kungapfuli mhunu, ahlaya leswi:

Mpfuletelo 4:5

Axitrhan'wini-xa-vufumi kuhuma kuhatima, ni maritu, ni kudruma kukulu; amahlweni ka xitrhamu xa vuhosi afa kuni ntlhanu na mibiri wa mimotre, leyi mipfuraka, minga mimoya ya ntlhanu na mibiri ya Xikwembu Nkulukumba.

Mpfuletelo 4:8

Mfuri a swivumbiwa leswi swa mune, xin'wana-ni-xin'wana, afa xini ntlhanu na drin'we wa timpapa; na switali hi mahlu amatlhelweni hinkwawu ni le ndreni, na swingawisi akuhlaya, nhlikanhi ni vusiku swiku: Wa kuxwenga, wa kuxwenga, wa kuxwenga, hi Hosi, Xikwembu Nkulukumba wa ntamu hinkwawu; lweyi afaka ali kone, lweyi anga kone, ni lweyi atakata!

Mpfuletelo 5:6

Kutani-ke, amakari ka xitrhamu xa vuhosi ni mune wa swivumbiwa leswi swihanyaka, ni le makari ka vakulu-va-vhanu, nivona a Hambana yiyimiki swanga yifile, na yini ntlhanu na tibiri wa timhondro, ni ntlhanu na mabiri wa matihlu, lawa anga ntlhanu na mibiri wa mimoya ya Xikwembu Nkulukumba, leyi mirumiwiki amisaveni hinkwayu.

Mpfuletelo 8:2

Kolahu nivoni tintrumi ta ntlhanu na tibiri leti tiyimiki amahlweni ka Xikwembu Nkulukumba, na tinyikiwi tinanga ta ntlhanu na tibiri.