Marka 9:43 - Testamente Ledrimpswha ni Mapsalma

⁴³ Loko a voko draku drikuyisa akudoheni, dritreme. I swahombe ku wene a kunhingena avutomini, atilweni na uni voko drin'we, kutlula loko uya akheleni, andrilweni lowu wungatimekiki na una mavoko mabiri. [

Marka 9:43 Iomraidhean Croise

Mt 17:27

Kambe, akuva hingavakhunguvanyisi, yana alwandle uyatxukumetela a ndrovo, utaphasa nhlampfi leyi yitakaranga kuhuma; loko utava upfuli nomu wa yone, utakuma kone statera; xiteke, uvanyika, uhumexela mine na wene.

Mt 25:41

Kutani a HOSI yitabyela lava vanga ximantrhini yiku: Sukani ku mine, n'wine lava varuketeliwiki; fambani n'wiya ndrilweni lowu wungatimekikiki, lowu wubekiseliwiki Diyavulosi ni tintrumi takwe.

Mt 3:12

Ani lihlelo amavokweni, atahehera a mavele amatravukanisa ni mavivi. Atabekisa a mavele anguleni, kutani ahisa a mavivi andrilweni lowu wungatimekikiki.

Mt 5:22

Kambe mine nili ku n'wine: Mun'wana-ni-mun'wana lweyi ahlundrukelaka wa-le-kwavu, atafanela kuyavanyisiwa; ni lweyi arukaka a wa-le-kwavu amutxhula singe atayavanyisiwa hi huvu; ni lweyi atakamutxhula xihunguki afanekeliwa hi kutxukumetiwa a Geheneni (andrilweni lowu wungatimekikiki).

Marka 9:44

Laha swivungu swingafikiki ni laha ndrilo wungatimekiki.]

Lk 14:13

Kambe loko uhamba xifihlulo ramba swisiwana, ni lava vakukhuta, ni swilema, ni lava vakufa-mahlu.

Lk 14:21

Lweyi wa nandra amukiki aya bikela n'winyi wakwe a maritu lawu. Kolahu an'winyi wa yindlu ahlundruka aku ku nandra wakwe: Hangwesa uhuma uya tihubyeni ni le tindleleni, utisa a swisiwana ni swilema ni lava vakufa-mahlu ni lava vakukhuta.

Lk 3:17

A lihlelo dri le vokweni drakwe akuva ahehera mavele amatravukanisa ni mungu, atabekisa mavele anguleni, a mungu wone awuhisa ndrilweni lowu wa kukala wungatimeki.

Rm 8:13

Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

I Kor 9:27

kambe mine nixanisa a miri yanga, ni miyentxa a xikarawa, akuva, nitxhumayela ku van'wana, ningatitxhuka nikumiwa na nili lweyi ningalikina mfanelo ya ntxhumu.

Gl 5:24

Kambe avaka Kriste Yesu va vambi nyama ni kurandra ni kunavela ka yone.

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

Tito 2:12

tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

Va-Heberu 12:1

Hileswo-ke, na hine leswi hi trandreliwaka hi tlavi ledrikulu dra timboni, kolahu, ahitrhikeni a ntrhwalu wini ni wini lowu wuhisivelaka, ni xidoho lexi xitekisaka kuhinamarela hi trutruma hi kutiyisela, hi heta mpfuka lowu hi bekeliwiki wone.

I Ptr 2:1

Ke, na n'witriki vubihi hinkwabyu, vukanganyisi hinkwabyu, ni mandrendre, ni matrhoho, ni mahlevo,