Marka 9:41 - Testamente Ledrimpswha ni Mapsalma

⁴¹ Hikusa lweyi ataka n'winwisa a ntrheko wa mati hi vito dranga hi leswi n'winga vaka Kriste, nihlayelamfuri nan'wibyela nili, angaka angalahlekeliwi hi hakelo drakwe.

Marka 9:41 Iomraidhean Croise

Mt 10:42

Nakone lweyi atakanyika a ntrheko wa mati ya kutitimeta ku mun'we wa lava vatrongonyana hikuva ali mudondrisiwa wanga, nan'wibyela nili angaka angalahlekeliwi hi hakelo drakwe.

Mt 25:40

Kambe a HOSI yitavayangula yiku ku vone: Nihlayelamfuri nili ku n'wine: Loko n'wiswiyentxi ku mun'we amakari ka vamakweru lava vatrongo, lava, n'wiswiyentxi ku mine.

Marka 4:10

Loko xitrhungu xifambile lava vangasala na Yene kun'we ni lava khume na vabiri, vamuvutisisa hita xifaniso.

Rm 14:15

Ke, loko wene upfuxa kuvaviseka ku makwenu hinkonta ya leswi uswidaka, kutani awahayentxi hi lirandru. Hi swakuda swaku, unga vi pfuxa kulahleka ka mun'wana lweyi Kriste amufeliki.

Rm 8:9

Ke, n'wine swoswi an'wihanyi nyameni, kambe n'wihanya Moyeni, loko hakunene n'wini Moya wa Xikwembu Nkulukumba. Loko mhunu ange na Moya wa Kriste, ahi wa Kriste.

I Kor 15:23

Kambe mun'wana-ni-mun'wana, hi nkama wakwe: Hi kusungula, Kriste swanga xirangana; hi kulandra, lava vanga va ka Kriste akubuyeni vakwe.

I Kor 3:23

kambe n'wine n'wi va Kriste, Kriste i wa Xikwembu Nkulukumba.

II Kor 10:7

N'wine n'wilavisisa swa le handle, loko mhunu atidumba leswaku i wa Kriste, aatlhele atiyanakanya leswaku, swanga hileswi yene anga wa Kriste, na hine hiva Kriste.

Gl 3:29

Ke, loko n'wili vaka Kriste, lahu hinkwenu n'wilixaka dra Abrahamu, ni vadi va pfindla swanga hi xidumbiso.

Gl 5:24

Kambe avaka Kriste Yesu va vambi nyama ni kurandra ni kunavela ka yone.