Marka 4:24 - Testamente Ledrimpswha ni Mapsalma

²⁴ Kutani ayengeta aku ku vone: Tivonelani ku leswi n'wiswiyingelaka! A mpimu lowu n'witakapima van'wana ha wone, hi wolowo n'witakapimiwa ha wone na n'wine hi Xikwembu Nkulukumba, mfuri n'witayengeseliwa.

Marka 4:24 Iomraidhean Croise

Mt 7:2

Hileswo-ke, n'witayavanyisisiwa xiswoswi na n'wine n'wiyavanyisisaka xiswone a vambeni; na kone a mpimu lowu n'witakapima ha wone, na n'wine n'witapimiwa ha wone.

Marka 9:7

Kutani a tlavi drihumelela, drivafukumeta, ni ritu ledri dripfaka tlavini driku: Lweyi i N'wananga lweyi arandrekaka muyingelani!

Lk 8:18

Hikolahu tivonelani, n'wiyingelisisa swinene; hikusa lweyi anganaswu, ata nyikiwa ngopfu; kambe lweyi angeke naswu, ata tekeliwa ni leswi ayanakanyaka leswaku anaswu.

Yohana 10:16

Nakone, nini tihamba tin'wana leti tingeke ta ranga ledri. Nifanela kutibuyisa na tone. Titatayingela ritu dranga, kutani titava ntlhambi mun'we, tiva na Mubyisi mun'we.

Yohana 10:27

A tihamba tanga tiyingela ritu dranga. Tadritiva, kutani tanilandra.

Yohana 5:25

Nihlayelamfuri nili ku n'wine: A nkama wata, ni swoswi wutlhasile, lowu vafi vatakayingela ritu dra N'wana wa Xikwembu Nkulukumba, kutani lava vadriyingelaka vatahanya.

Mintiro Ya Vapostola 17:11

A va-Yuda lava afa vatxhaviseka kutlula a va-le-Tesalonika, hikusa vayamukeli ritu hi mbilu leyi yivilelaka ngopfu, na vakambisisa a Matralwa hinkwawu masiku, akuva vavona leswaku a timhaka leti Pawulosi atihlayaka ha kunene ti tanu.

II Kor 9:6

Mfuri na n'wibyela nili: Lweyi abyalaka kutrongo atatrhovela kutrongo, lweyi abyalaka ngopfu atatrhovela leswi swinyingi.

Va-Heberu 2:1

Hikolahu ka leswo, hi fanekeli kuva hi bekisa hikutiya, atimhaka leti hi tiyingeliki, akuva hingatxhuki hi lahlekelana na tone.

I Ptr 2:2

swanga swihlangi leswi swahaka kubelekiwa, navelani a ntrwamba lowu nene wa moya, akuva ha wone n'wikula akuhulukeni,

I Yhn 4:1

Varandriwa, n'winga pfumeleni ku mimoya hinkwayu; kambe kambisisani kusungula leswaku i mimoya ya Xikwembu Nkulukumba hi xihlayelamfuri, hikusa kuni vaprofeta vanyingi vamadrimi vahangalakiki misaveni.